Populiarios Biblijos eilutės iš Matayo 5

Dalintis

Era abantu tibakwatisya eitaala kaisi ni balifuunikaku ekiibo, wazira balyanika ku kikondo, ni limolekera buli muntu abba omu nyumba. Kale omu ngeri enanyere eyo, ekitangaala kyanywe kyakenge kityo omu bantu, kaisi babone ebikole byanywe ebisa, era olwʼebyo bawuujanga oItewaanywe aali omwigulu.”

“Niinywe ekitangaala ekyʼoku kyalo abantu ekibatakaya okubona. Kityo nakimo ngʼowebatakaya okubona ekibuga ekibombekere oku lusozi.

Bʼenkabi abo abaseega ku biibyo oKibbumba ebyasiima byonkani, olwakubba ibo balibona oKibbumba.

Bʼenkabi abo abanzalwa nʼabʼenyonta okukola oKibbumba ebyataka, olwakubba oKibbumba yalibaikutya.

Neye nze mbakoba nti, mutakenge abalabe baanywe, era musabirenge abo ababayiigaania.

“Bʼenkabi abadoobi omu bwomi bwabwe obwʼomwoyo olwakubba abo obwakabaka bwʼomwigulu ibwo bwabwe.

Bʼenkabi abo ababbeera abantu okusyania, olwakubba abo oKibbumba yalibeeta baanabe.

Bʼenkabi abo abakunga, olwakubba oKibbumba yalibasaninkirirya.

Bʼenkabi abo abantu abebayiigaania olwʼokukola oKibbumba ebyataka, olwakubba abo obwakabaka bwʼomwigulu ibwo bwabwe.”

Bʼenkabi abo abakola ebyʼekisa, olwakubba oKibbumba yalibakwatira ekisa.

Awo oYesu ni yeeyongera ati, “Muli bʼenkabi singa abantu owebabazumanga, era owebabayiigaanianga, era owebabatumulangaku ebibbibibbi olwakubba muli beegi bange. Kale ebyo owebibbangawo mujaagaanenge era musangaalenge ino, olwakubba oKibbumba yalibawa empeera eyʼamaani omwigulu. Kyalibba kityo nakimo ngʼoKibbumba oweyawaire abanaabbi empeera abo ababbairewo nga inywe mukaali okubbaawo, ibo abazeiza baanywe abebayiigaanirye.”

Bʼenkabi abo abeiwooyo, olwakubba oKibbumba yalibawa byonabyona ebiyabasuubizire.

Awo oYesu ni yeeyongera okukoba abeegibe ati, “Inywe oku kyalo kunu mugasa abantu ooti muunyu omugaanike owegugasa omu byokulya. Neye singa gusuuka mujaalaali, bagwiryamu batya ensa? Gubba tigukaali gugasa omu kintu kyonakyona, okutoolaku okugudyaka-obudyaki eedi abantu ni bagwemyagira eeyo.

“Kale atyanu inywe mubbenge batuukirirye, ngʼoItewaanywe aali omwigulu owaali mutuukirirye.”

Wazira mukobenge muti, ‘Niikyo’ nga mutegeeza muti ‘niikyo,’ ooba muti, ‘bbe’ nga mutegeeza muti, ‘bbe.’ Ebindi byonabyona ebimwongerangaku byabbanga bizwire wa Mubbimubbi oSitaani.”

Era awo oYesu ni yeeyongera okwegesya ati, “Mwawuliire eiteeka erikoba liti, ‘Eyatoolangamu omwinaye eriiso yena bamutoolangamu liiso. Era nʼeyabbongolangamu omwinaye eriino yena bamubbongolangamu liino.’ Neye nze mbakoba nti, Timwanyaaŋanga, wazira omuntu owakukubbanga okwitama eryʼoku ngalo endiiro, omucuusiranga nʼerindi lidi lyona nʼakubba.

Abba ngʼeriisolyo eryʼoku ngalo endiiro niiryo erikuzweraku okukola ekikole ekibbikibbi, olyokolemu era olimume eedi. Kikiraku iwe okufiirwa ekimo oku bitundu byʼomubirigwo, okukiraku omubirigwo gwonagwona oKibbumba okugusindika omu geyeena. Era singa engaloyo endiiro niiyo ekuzweraku okukola ekikole ekibbikibbi, ogitemeku era ogimume eedi. Kikugasa iwe okufiirwa ekimo oku bitundu byʼomubirigwo, okukiraku omubirigwo gwonagwona oKibbumba okugusindika omu geyeena.”