Populiarios Biblijos eilutės iš Yoana 14

Dalintis

Omurembe nabasigira. Omurembe gwani nabayana. Nitakubayana rwa i:si kutyo eiyana. Emitima jemwe jisigega kurumwarumwa, amwi jisigega ku:baya.

Yesu namubwira ati, Nanye injira, nanye okumasya, nanye obuanga. Atario unu ka:ja ku Rata, atari mwanye.

Mutaja kuwa mwoyo mu mitima jemwe. Omwikirisya Nyamuanga, Anye one munyikirisye.

Nawe Omusi:ri:sya, niwe Omwoyo Mweru, unu Rata arimutuma mwisi:na ryani, oyo aribe:igisya byone, aribe:cukya byone binu nababwiriye.

Unu ari ne biragiro byani nabigwata, oyo niwe kanyenda. Unu kanyenda arendwaga Rata, nanye one ndamwendaga, ndamubonekeraga.

Nanye ndisabwa Rata abayane Omusi:ri:sya oundi, e:kare nemwe kajanende na kajanende, Niwe Omwoyo we cimari, unu i:si inu itakutura kumwikirisya okuba itakumurora, amwi itakumumenya. Emwe mumumenyere okuba e:kae nemwe, na ka:rabaga mwimwe.

Eco co:ne murasabwaga mwisi:na ryani, eco ndacikoraga, korereki Rata akusisibwega mu Mwana. Murasabwaga omusango gwone mwisi:na ryani, anye ndagukoraga.

Mukaba nimunyenda, muragwataga ebiragiro byani.

Mu nyumba ya Rata burimo bwikaro bwafu. Kumba atari kutyo, nakababwiriye. Okuba enigenda okubacumacumira obwikaro.

Mbe nikagenda okubacumacumira obwikaro, ndisuba oku:ja rindi nibasire anu niri, korereki anu anye niri, nemwe one mubeo.

Tomaso namubwira ati, Ratabugenyi, citakumenya enu ouja. ?Injira eciimenya atiki?