Populiarios Biblijos eilutės iš Lukà 14

Dalintis

“Ne àmè ɖe jè yo nyè mè, eye mu lɔ̃ mù wu ètɔa, àlo ènɔa, àlo èsrɔ̃a, àlo èviawo, àlo nɔ̀via ŋusùwo, àlo nɔ̀via nyɔ̃nùwo àlo ye ŋutɔ àmètia cã òa, mu la teŋu nyi àpe *nukplavi ò.

Àmè kè mu la sɔ yebe àtisòga, la jè yo nyè mè òa, mu la teŋu nyi àpe *nukplavi ò.

Đo àmè sia àmè kè kɔ ye ɖokoe yì jia, wo la bɔ̀bɔ̀ ɛ̀ ɖo ànyi; eye àmè kè bɔ̀bɔ̀ ye ɖokoea, wo la kɔ ɛ̀ yìji.”

Yesù gbà yì e ji gblɔ̃ be: “Mìa dòmètɔ ɖe mu teŋu nyi àpe nukplavi ne mu gble ènu kèwo keŋu lè e sia ɖɛ ò.”

Ne mìa dòmètɔ ɖe jro be yèa tù àsãŋua, ànyi ye be la nɔ̀ cucugbã, la bù nenè kè be la èzã, ne bèa teŋu kpɔ be yè ɖo ègà kè la teŋu sù ne yèa wu èdɔa nu màa. Ne mu nyi nène òa, ne e li dodoewo, vɔ̀ mu teŋu wu àsãŋua nu òa, àmè kèwo keŋu la kpɔ ɛ̀awo, la tɔ ɛ̀ kòko, wo la gblɔ̃ be: 'Kpɔɖa ŋusù kèa tɔ èxɔ̀ tùtu, vɔ̀a mu teŋu wu e nu ò.'

Vɔ̀a, ne wò le ɖù àzãa, yɔ wɔ̀amènɔ̀wo ku ènuwɔ̀donɔ̀wo, kudo kpòtɛ̃wo gbàkudo ŋùvìnɔ̀wo. Wò la kpɔ *sìtu, ɖo woawo yaa, wo mu teŋu yɔ wò ɖo e tèpe ò, vɔ̀a, Mawu la ɖo e tèpe na wò, gbè kè gbè wo la fɔ̃ àmè jɔ̀jɔɛwo so èkua.”

“Ɛ̃ɛ, èjèa, ènu nyuɛ̃ ɖe ye be nyi. Vɔ̀a ne èjè bu yebe vevea, nukɛ ye wo la sɔ do è veve ò? Mu gbà nyɔ na ànyigbã àlo na kɔkɔli cã ò, ɖe kpò ye wo la lɔ ɛ̀ kɔ̀ŋùgbe. Àmè kè si èto sènu lèa, ne sè.”