Populiarios Biblijos eilutės iš Yòhanɛ̀s 15

Dalintis

Ènyè ye nyi vɛ̃tia; mìawo ye le nyi àlɔ̀zɛ̃awo. Àmè kè lè mè nyè, eye nyè cã, mù lè e mèa, nènemea ye sɛ̃na èku sùgbɔ, ɖo, tovò lè ŋuti nyèa, mì mu teŋu wɔ̀ ènu ɖekpe ò.

Mì nɔ̀ mè nyè, sìgbè àlekè ènyè cã mù lè mìa mèa nène! Ne àlɔ̀zɛ̃ ɖe mu tɛ ɖo vɛ̃tia ŋuti òa, mu la teŋu sɛ̃ èku lè ye ɖokoe sinu ò. Nène a ke ye be la nyi na mì, ne mì mu lè mè nyè òa.

Vɔ̀a, ne mì lè mè nyè, eye ènyà nyèwo lè mìa mèa, mì la biɔ ènu kè mì jro a, eye mì la xɔ̀ ɛ̀.

Mu nyi mìawo ye cã mù ò; vɔ̀a ènyè ye cã mì, eye mù dɔ̃ mì ɖoɖa be mìa sɛ̃ èku. Èku kèwo la nɔ̀ ànyia. Ne mì sɛ̃ èkua, Àta la na mì ènu sia ènu kè mì la biɔ lè àpe nyikɔ mèa.

Àmè ɖekpe mu lɔ̃ àmè wu àmè kè sò yebe àgbè ɖo ànyi ɖo yebe èxlɔ̃wo ta ò.

Àlɔ̀zɛ̃ sia àlɔ̀zɛ̃ kè lè ŋuti nyè, eye mu sɛ̃na èku òa, Ètɔ nyè sònà ɛ̀ jo. Vɔ̀a, àlɔ̀zɛ̃ kè sɛ̃na èkua, e kɛ̃na ɛ̀, ne bèa gbà sɛ̃ èku kpe è.

Èse kè mù le na mìa ye nyi ekè: mì lɔ̃ mìa nɔ̀nɔwo sìgbè àlekè mù lɔ̃ mìa nène.

Ètɔ nyè be gogo ye nyi be, mìa sɛ̃ èku sùgbɔ, la sɔ ɖèfiɔ be mì nyi àpe nukplaviwo nyàwo.

“Ènyè ye nyi vɛ̃-gble àdodoe a. Ètɔ nyè ye nyi vɛ̃gblèdàtɔa.

Ne àmè ɖe mu lè mè nyè òa, e lè sìgbè àlɔ̀zɛ̃ kè wo sòa nène, eye e puna. Wo bɔ̀nà àlɔ̀zɛ̃ pupuawo, kɔ̀ ɖo èzò mè, eye wo bìnà.

“Mù gblɔ̃ ènyà kèa na mì ne àpe jìjɔɛ bèa nɔ̀ mìa mè, ne mìabe jìjɔɛ bèa nɔ̀ blibo.

Ne mì wɔ̀ ɖo *èse nyèwo jia, mì la nɔ̀ lɔ̃lɔ̃ nyèa mè, sìgbè àlekè nyè cã mù wɔ̀ ɖo Ètɔ nyè be èsewo ji, eye mù lè yebe lɔ̃lɔ̃ mèa nène.”

Ènu kè mù le biɔ so mìa gbɔa, kpò ye nyi be mìa lɔ̃ mìa nɔ̀nɔwo.”

Ne xixea tɔ̀ mì nyia, xixea la kè lɔ̃ mì, sìgbè ye ŋutɔ tɔ̀wo nène. Vɔ̀a, mù cã mì jo lè xixea mè, eye mì mu gbà nyi xixea tɔ̀ ò. Ènu kèa ŋuti ye xixea le crì mì ɖo.