Populiarios Biblijos eilutės iš Yòhanɛ̀s 10

Dalintis

Fìãfìtɔ yaa, vana kpò be yèa fìfĩ, yèa wù àmè, yèa gble ènu. Ènyè yaa, mù va be àgbètɔwo ne nɔ̀ àgbè, ne woa kpɔ àgbè ɖo àgbè ji.

Ènyè ye nyi àlɛ̃kplɔ̀tɔ nyuɛ̃a. Àlɛ̃kplɔ̀tɔ nyuɛ̃a sɔna yebe àgbè sɔ sana vɔ ɖo yebe àlɛ̃wo ta.

Àlɛ̃ nyèwo sènà àpe ègbè. Mù jèsi wo, eye wo kplɔ̀nà mù do.

Ènyè yaa, mù nana wo àgbè mà-vɔ. Wo mu la ku gbèɖe ò. Àmè ɖe cã mu teŋu xɔ̀ wo lè àsi nyè ò.

Ènyè ye nyi àgboa: àmè kè to ji nyè ɖo e mèa, e la gã. E la nɔ yì, la nɔ gbɔ̀, eye be la nɔ kpɔ ènu ɖù.

Ènyè ye nyi àlɛ̃kplɔ̀tɔ nyuɛ̃a. Mù jèsi àlɛ̃ nyèwo, eye àlɛ̃ nyèwo cã jèsi mù

Ètɔ nyè kè sɔ wo do àsi na mùa wu ènu sia ènu eye àmè ɖe mu teŋu gbĩ ènu ɖe lè Àta be àlɔ̀ mè ò. Nyè kudo Àta, mi lè ɖèka.”

sìgbè àlekè Ètɔ nyè jèsi mù, eye ènyè cã mù jèsi Ètɔ nyèa nène. Mù sɔ àgbè nyèa savɔ ɖo àlɛ̃ nyèawo ta.

Àmè ɖe mu le xɔ̀ ɛ̀ lè àsi nyè ò. Nyè ŋutɔ ye jro sɔ ɛ̀ le na. Mù ɖo ŋusɛ̃ la sɔ ɛ̀ na, eye mù gbà ɖo ŋusɛ̃ la gbìgbɔ̀ xɔ̀ ɛ̀. Ègbèɖèɖe kèa ye mù xɔ̀ so Ètɔ nyè gbɔ.”

Yesù gbà gblɔ̃ be: “Nyàwo mù le to na mì: ènyè ye nyi àlɛ̃wo be àgboa.

Àmè kè nyi àgbãtè-lɛ̃kplɔ̀tɔ, kè àlɛ̃awo mu nyi ye tɔ̀ òa, ne e kpɔ gbète gbãnà a, e tànàsi àlɛ̃awo ɖɛ, eye be sina, eye gbètea lena àlɛ̃awo, eye be kãkãnà wo

Yesù gblɔ̃ be: “Nyàwo ye mù le to na mì: àmè kè mu to àgbo nu ɖo àlɛ̃wo be èkpa a mè ò, vɔ̀a lia èkpa, to àfi bu ɖo e mèa, àmè ŋua, fìãfìtɔ kudo ènu bàɖàwɔ̀tɔ ye be nyi.