Populiarios Biblijos eilutės iš Matthew 7

Dalintis

Kalan bo Jesus, “Lu awed masapuɏyu, kochewonyu kan Apudyus ot idchola kan chikayu. Lu awed singtonyu, maochesanyu. Ked lu mangkongkong kayu si sawang, milukat kan chikayu.

Ti losan un mangkochew kan Apudyus, maatod chi kochewola. Lu silu mansingit si piolaʼn sington, maochesala. Lu silu mangkongkong, milukat chi sawang kan siya.

Ot kalala bo, “Lu silu chumngeɏ si allaʼn ugudku ya koola chicha, miyalig si lasilib un taguʼn lampaud si byeɏoyla si lap-at chi byetu.

“Koonyu kan cha uchum un tagu chi pionyu un kooncha kan chikayu. Ti laoy chi labukeɏan chi lintog Moses ya cha inggilin cha propeta.”

Ngim gapu ta lalipit chi liwangan ya mansukun chi chaɏan un umoy si biyeg un mallalayun kan Apudyus, ked akit cha mangoy.”

“Mangoy kayu si lalipit un liwangan, ti lawaya liwangan kan manggochong chi chaɏan un umoy ud impiyeɏlu, ked gapu ta manggochong chi halat un liwangan, achu cha mangoy.

Kan chikayuʼn malagbyasuɏ, lu ammuyuʼn mangatod si bibiɏu kan cha aalakyu, giluɏa bo Amayuʼd langit achi mangatod si bibiɏu kan cha losan un mangkochew kan siya.

Intuɏuy Jesus lantudtuchu un kalala, “Achiyu kuison cha uchum ta achin Apudyus kuison chikayu. Ti ha in-ilonyuʼn manguis kan cha uchum un tagu, siya bo koon Apudyus un manguis kan chikayu. Lu silu kiged chi idchonyu si asintataguyu, siya bo kiged chi idchon Apudyus kan chikayu.

Ngim lu silu mangngeɏ si allaʼn ugudku ya achipunla koon, miyalig si looggog un taguʼn lampaud si byeɏoyla si kaleglegelan.

Puggey un mitullonglu siɏun-ik si atan chi suludlu, ked achipunlu maila sitap si atam? Ma in-ilom un mangibyegaʼn kaalok chi siɏun-ik si atam, lu achipunlu maila sitap si uwam un ata?

Intuɏuy bo Jesus kalan un, “Allechenyu cha silan propeta. Umalicha kan chikayu un agin-uk-ukoy un isun chi keɏlilu, ngim ha katuttuwaan, isucha atap un asuʼn kuman. Milalasinyu chicha gapu si kokòoncha, isun chi kayu un maammuwan lu mamunga. Ha mamunga kamma iwoy si eɏagen, willu grapes si abukachu?

Ha bibiɏuʼn kayu, bibiɏu bo ibungala, ngim ha lawwik un kayu, lawwik bo ibungala.

Ha bibiɏuʼn kayu, achipun mamunga si lawwik, ked ha lawwik un kayu, achipun mamunga si bibiɏu.

Ked ha kayuʼn achipun mamunga si bibiɏu, mapokpok ked litungu.