Populiarios Biblijos eilutės iš Genesis 3

Dalintis

At unat goh tinnig han babaih den bungan nan ayiw, ya maphod di tigawna, ya maphod hi onon, ya luma'eng di mangan, at innalna, ya inana. Ya indatna goh ay ahawana, ya inana goh.

Nan ulog di na'alla'eng an bumalbali ya un an amin di udumnan limmun Apo Dios. At inalin nan ulog hinan babaiy, “Undan inalin Apo Dios di adiyu onon di bungan nan malgom an ayiw hitun galden?”

Ya dumalat nan inatmu ya pumbohholo' da'yuh nan babai, ya pumbohholo' goh nan holagyu. At igatinay ulum ta magmi', ya hobatom di mu'udna.”

Ya inalin Apo Dios hinan babaiy, “He"a ya udma' ta nidugah di holtapom hinan punhabiyam ya nan puntungawam. Ya ta"on un umat hinay holtapom ya amnawam mahkay nan ahawam, ya munnanong damdamay ahawam an mangipapto' ay he"a.”

Ya gahin un'a malengot hi puntamuam hitun luta ya un waday malmuh itanudyuh engganay un'a mumbangngad hi luta ti hay pito' di nalpuwam, at mumbangngad'a damdamah pito'.”

Ya inyewel Apo Dios hinan lala'i, ya inalinay, “Dumalat nan agguymu nangunudan hinan inali' an adiyu onon nan bungan di ayiw ta hi ahawam di inunudmu ta inanyu nan bungan di ayiw ya ma'idutan tun luta. At munligat'an muntamuh tanudmuh pi'taguam hitun luta.

Ya tembal Apo Dios, ya inalinay, “Hay nangalin he"ah un'a numbobollad? Unmu dan inan nan bungan nen ayiw an inali' hi adiyu onon?”

Ya nalpah an pinakak Apo Dios dida at pungguwalyaona nan anghel an ma'alih cherubim hinan way owon hinan appit di buhu'an di algaw. Ya wada goh di adu"oy an hanggap an umela'elat ya timmelotelon an mihawan hinan way owon an umuy hinan ayiw an mangidat hi pi'taguan.

Ya nginadnan Adam nan ahawana ta hi Eve ta hiyay hi inan an amin di matagu an umat ay hiya.