Populiarios Biblijos eilutės iš Ягья 1

Dalintis

Вичихъ иман ийизвайбуруз, Вич кьабулайбуруз Ада Аллагьдин патай тирбур жедай, яни адетдин дидейри хазвай аялар ваъ, Аллагьдилай жезвай аялар хьунин ихтияр гана.

Сифтени-сифте авайди Гаф тир. Гаф Аллагьдив гвай. Гаф Аллагь тир.

Экуьни мичӀивиле экв гузвай. МичӀивиливай Экв кьаз хьанач.

Гаф инсандиз элкъвена, ада чахъ галаз санал уьмуьр тухвана. Ам берекатдив ва гьакъикъатдив ацӀанвай, Ам Бубадихъ авай са Хва тир, Адал Бубадал алай хьтин баркалла алай, чазни Адал алай баркалла акуна.

Аллагьди вири Гафунин куьмекдалди халкь авуна; Гаф галачиз халкь хьайи са затӀни авайди туш. Гафуни уьмуьр гузвай, уьмуьрни инсанар патал экв тир.

Пакагьан юкъуз Ягьядиз вичин патав къвезвай Иса акуна: – Ингье, – лагьана ада, – им Аллагьдин КӀел я, Ада вири дуьньядин гунагьар вичин хиве твада.

Экв дуьньяда хьана, амма гьа Экуьнин куьмекдалди халкь хьайи дуьньядиз Ам чир хьанач. Ам Вичинбурун патав атана, амма абуру Ам кьабулнач.

Гьар са инсандин руьгь экуь ийидай халисан Экв, лагьайтӀа, дуьньядиз атана.

Аллагьди чаз Къанун Мусадин куьмекдалди гана, берекатни гьакъикъат – Иса Месигьдин куьмекдалди.