Populiarios Biblijos eilutės iš JUAN 15

Dalintis

Ako amo ang puno sang uvas, kamo ang mga sanga. Ang nagapabilin sa akon, kag ako sa iya, sia amo ang nagapamunga sing madamu, kay luwas sa akon wala kamo sing mahimo.

Magpabilin kamo sa akon, kag ako sa inyo. Subong nga ang sanga indi makapamunga sa iya kaugalingon, kon wala nagaangut sa puno, amo man kamo, kon indi kamo magpabilin sa akon.

Kon magpabilin kamo sa akon, kag ang akon mga polong magpabilin sa inyo, pangayo kamo sing bisan anong buut ninyo, kag himoon ini sa inyo.

Kamo wala magpili sa akon, kondi ako nagpili sa inyo kag nagtangdo sa inyo agud nga maglakat kamo kag magpamunga kag ang inyo bunga magpadayon; agud nga bisan ano ang inyo pangayoon sa Amay sa akon ngalan, ihatag niya sa inyo.

Walay tawo nga may gugma nga daku pa sini, nga ihatag sang isa ka tawo ang iya kabuhi tungud sa iya mga abyan.

Ang tagsa ka sanga sa akon nga wala nagapamunga, ginakuha niya, kag ang tagsa nga nagapamunga ginatinloan niya, agud nga magpamunga sing madamu pa.

“Ini amo ang akon sogo, nga maghigugmaanay kamo subong nga ako naghigugma sa inyo.

Paagi sini ginahimaya ang akon Amay, nga magpamunga kamo sing madamu, kag sa amo magpamatuud nga kamo mga gintoton-an ko.

“Ako ang matuud nga puno sang uvas, kag ang akon Amay amo ang mangunguma.

Kon ang tawo wala nagapabilin sa akon, ginapilak sia subong sang sanga kag nagakalaya; kag ang mga sanga ginatipon, ginadap-ong sa kalayo kag nagakasonog.

Ining mga butang napamolong ko sa inyo, agud nga ang akon kalipay manginyara sa inyo, kag ang inyo kalipay mabug-os.

Kon magbantay kamo sang akon mga sogo, magapabilin kamo sa akon gugma, subong nga ako nagbantay sang mga sogo sang akon Amay kag nagapabilin sa iya gugma.

Ini ginasogo ko sa inyo, nga maghigugmaanay kamo.

Kon kamo iya sang kalibutan, ang kalibutan magahigugma sang iya kaugalingon; apang bangud nga kamo indi iya sang kalibutan, kondi ginpili ko kamo gikan sa kalibutan, busa ang kalibutan nagadumut sa inyo.