Populiarios Biblijos eilutės iš Югьан 1

Dalintis

Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну.

Сифте Гаф айи, Гаф Аллагьдихь хьайи, Гаф Аллагь вуйи.

Аквну мучӀушнаъ акв тувру ва мучӀушнахьан акв ккабгъуз шулдар.

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Вари Гьадгъуланмина гъабхьну ва, Думу дарди, арайиз дуфнайибдик, фукӀара арайиз гъафундар. Уьмур Гьадгъаъ а, ва гьадму уьмур инсаниятдиз акв ву.

Хъайигъан Ягьʼяйиз чахьинди гъюрайи Иса рякъюру ва кӀуру: «Магьа, дюнʼяйин гунгьар Чаина гъадагъуз ккайи Аллагьдин Агълиж гъюра.

Думу, Чав арайиз гъабхи му дюнʼяйиз гъафну, хъа му дюнʼяйиндариз Думу кьабул гъахьундар. Думу жвувандарихьна гъафну, хъа жвувандари Думу гьясбикк гъапӀундар.

Гьякьикьи Аквну му дюнʼяйиз гъюру гьарсар касдиз аьгъювалар тувру.

Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву.