Populiarios Biblijos eilutės iš Čơdơ̆ng Phŭn 1

Dalintis

Ơi Adai laĭ: “Brơi Ƀing Ta hrih pơjing ană mơnuih tui hăng rup Ƀing Ta laih anŭn hrup hăng Ƀing Ta, kiăng kơ wai lăng khul akan amăng ia rơsĭ, khul čĭm amăng adai, khul hlô mơnơ̆ng rong, laih anŭn djŏp djang lŏn tơnah, hăng abih bang hlô hro rui ƀơi lŏn tơnah.” Ơi Adai hrih pơjing ană mơnuih tui hăng rup Ñu Pô. Ñu hrih pơjing ană mơnuih tui hăng rup Ơi Adai. Ñu hrih pơjing đah rơkơi hăng đah kơmơi.

Ơi Adai brơi tơlơi mơyun hiam kơ ană mơnuih laih anŭn laĭ: “Brơi ƀing gih hmâo lu ană, đĭ tui lu hloh dơ̆ng laih anŭn ngă brơi bă blai lŏn tơnah; brơi ngă kơ lŏn tơnah khŏm đup gưt, brơi gih wai lăng akan amăng ia rơsĭ, khul čĭm amăng adai laih anŭn abih khul mơnơ̆ng hơdip ƀơi lŏn tơnah.”

Blŭng hlâo, Ơi Adai hrih pơjing adai laih anŭn lŏn tơnah.

Lŏn tơnah ƀu hmâo rup hơbŏ laih anŭn hông hang, tơlơi mơmŏt gom ƀơi hlŭng dlam, laih anŭn Yang Bơngăt Ơi Adai mă bruă ƀơi ngŏ jơlah ia.

Ơi Adai laĭ: “Brơi hmâo tơlơi bơngač”; tui anŭn hmâo tơlơi bơngač mơtam.

Ơi Adai ƀuh abih bang bruă Ñu hmâo hrih pơjing sĭt hiam biă mă. Tui anŭn, hmâo mlam laih anŭn hmâo mơguah. Anŭn jing hrơi tal năm.

Ơi adai ƀuh tơlơi bơngač anŭn jing hiam. Ơi Adai pơkah tơlơi bơngač mơ̆ng tơlơi mơmŏt.

Ơi Adai laĭ dơ̆ng: “Anai nê, Kâo či brơi kơ ƀing gih djŏp mơta rơ̆k hmâo pơjeh čăt djŏp djang lŏn tơnah, hăng abih bang phŭn kơyâo mơboh hmâo pơjeh. Anŭn či jing mơnơ̆ng ƀơ̆ng huă ƀing gih.

Ơi Adai pơanăn tơlơi bơngač jing “hrơi,” laih anŭn Ñu pơanăn tơlơi mơmŏt jing “mlam”. Tui anŭn, hmâo mlam laih anŭn hmâo mơguah. Anŭn jing hrơi tal sa.

Ơi Adai laĭ dơ̆ng: “Brơi hmâo anih rơhông ƀơi tơ̆ng krah khul ia, kiăng pơklah hĭ ia hăng ia.”

Bơ kơ khul hlô glai, khul čĭm amăng adai, khul hlô hro rui ƀơi lŏn tơnah, laih anŭn abih bang mơnơ̆ng hơgĕt hmâo tơlơi hơdip, Kâo či brơi djŏp mơta rơ̆k mơtah ngă mơnơ̆ng brơi kơ ƀing gơñu ƀơ̆ng,” hmâo tui anŭn mơtam.

Ơi Adai laĭ: “Brơi hmâo khul boh bơngač amăng anih rơhông pơ adai, kiăng pơklah hrơi hăng mlam, kiăng ngă gru kơnăl khul bơyan, hrơi laih anŭn thŭn

Ơi Adai laĭ: “Brơi lŏn khŏm čăt đĭ kơyâo pơtâo: rơ̆k hmâo pơjeh, phŭn kơyâo mơboh hmâo pơjeh tui hăng djuai gơñu ƀơi lŏn tơnah,” hmâo tui anŭn mơtam.

Ơi Adai pơjing rai anih rơhông laih anŭn pơklah ia gah yŭ kơ anih rơhông hăng ia gah ngŏ kơ anih rơhông, hmâo tơlơi anŭn mơtam.

Lŏn čăt đĭ kơyâo pơtâo: rơ̆k hmâo pơjeh tui hăng djuai ñu, kơyâo hmâo boh laih anŭn amăng lăm boh ñu hmâo pơjeh tui hăng djuai ñu. Ơi Adai ƀuh tơlơi anŭn jing hiam.

Ơi Adai pơjing dua boh tơlơi bơngač prŏng: Boh tơlơi bơngač prŏng hloh či wai lăng hlăk tơhrơi, boh tơlơi bơngač anĕt ƀiă či wai lăng hlăk mlam. Ñu ăt pơjing rai khul pơtŭ mơ̆n.

Ơi Adai laĭ: “Brơi ia dŏ gah yŭ kơ adai khŏm pơƀŭt glaĭ amăng sa anih laih anŭn brơi anih thu pơrơđah tơbiă,” hmâo tui anŭn mơtam. Ơi Adai pơanăn anih thu jing “lŏn tơnah”, laih anŭn Ñu pơanăn anih ia pơƀŭt glaĭ jing “ia rơsĭ.” Ơi Adai ƀuh tơlơi anŭn jing hiam.

Ơi Adai tuh tơlơi mơyun hiam brơi kơ rĭm djuai anŭn laih anŭn laĭ: “Brơi tơkeng, čeh lar lu hloh dơ̆ng, ngă pơbŏ hĭ ia rơsĭ; bơ kơ khul čĭm brơi đĭ tui lu jai ƀơi lŏn tơnah.”

Ơi Adai laĭ: “Brơi lŏn tơnah hmâo mơnơ̆ng hơdip tui hăng djuai gơñu: hlô mơnơ̆ng rong, mơnơ̆ng hro rui laih anŭn hlô glai tui hluai hăng djuai gơñu,” hmâo tui anŭn mơtam.

Ơi Adai laĭ: “Brơi ia khŏm pơbŏ hăng lu djuai hlô mơnơ̆ng hơdip, laih anŭn brơi hmâo khul djuai čĭm pơr ƀơi ngŏ rŏng lŏn tơnah gah yŭ kơ anih rơhông adai.”

Ơi Adai hrih pơjing khul hlô glai tui hluai djuai, hlô mơnơ̆ng rong tui hluai djuai, laih anŭn abih hlô hro rui tui hluai djuai. Ơi Adai ƀuh tơlơi anŭn jing hiam.