Populiarios Biblijos eilutės iš Luka 19

Dalintis

Pamba te Mwana na Moto ayaki mpo na koluka mpe kobikisa bato oyo babunga.

Bazalaki koloba : « Tika ete apambolama, mokonzi oyo ayei na Kombo ya Nkolo ! Kimia kati na Likolo, mpe nkembo kati na bisika oyo eleki Likolo ! »

Yesu alobaki na ye : — Lelo, lobiko eyei na ndako oyo, mpo ete ye mpe azali mwana ya Abrayami.

Tango Yesu akomaki na esika yango, atombolaki miso mpe alobaki na ye : — Zashe, kita noki ! Nasengeli kolala na ndako na yo lelo. Mbala moko, Zashe akitaki mpe ayambaki Yesu na esengo.

Kasi Zashe atelemaki mpe alobaki na Ye : — Nkolo, nazali kopesa, awa mpe sik’oyo, kati-kati ya biloko na ngai epai ya babola ; mpe, soki nabotolaki biloko ya moto, nazali kozongisela ye yango mbala minei.

Ndambo ya Bafarizeo, kati na ebele ya bato, balobaki na Yesu : — Moteyi, pamela bayekoli na Yo ! Yesu azongisaki : — Nazali koloba na bino : soki bango babateli kimia, mabanga ekoganga !