Populiarios Biblijos eilutės iš JOHAN 3

Dalintis

Pathian in khovel a-it mahmah ziak in, a Tapa tang neihsun apia hi. Kuapeuh amah gingtate amanthat louh ua, tangtawn hinna aneih zawkna ding un.

Khovel siam louh tangsak ding in Pathian in khovel ah a Tapa asawl kei, khovel amah vang a ahintheihna ding in asawl ahi zaw hi.

Jesu'n adawng a, akiang ah, “Chihtaktak in, chihtaktak in ka hon hilh ahi, mi kuapeuh apianthak keileh Pathian lalgam amu thei kei,” achi hi.

“Kuapeuh amah gingta siam louh in a-om kei ding a, kuapeuh agingta lou, tu a kipan siam louh in a-om pah ngal hi; Pathian Tapa tang neihsun min agintak louh ziak in.

Hiai siamlouhna ahi, khovel ah vak ahong a, himahleh mi'n vak sang in mial a-itzaw uh; athilhihte uh agitlouh ziak in.

Amah alian semsem ding a, kei bel ka neu hiaihiai ding,” achi hi.

Kuapeuh thil gilou hih in vak aho nak, vak ah leng ahong pai kei hi; huchi lou in zaw athilhihte alang kha ding hi.

Kuapeuh Tapa gingta in tangtawn hinna anei; himahleh Tapa gingta lou in hinna anei kei ding a, Pathian thangpaihna atung ah a-om zaw,” achi hi.

“Huan Mosi in gamdai a gul akhaikang bang in, Mihing Tapa khaikang in a-om ding hi.

Pa in Tapa a-it a, akhut ah bangkim avek in apeta hi.