Populiarios Biblijos eilutės iš LOUKAS 8

Dalintis

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

Ki symbai kiba la hap hapdeng ki bniap shiah ki ïeng na ka bynta kito kiba ïohsngew; hynrei ki jingkhuslai bad ka spah bad ki jingsngewbha jong kane ka jingim ki ïatyllep bad kjap ïa ki, bad ki soh jong ki kim ju ih.

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

Nangta u la ong ha ki synran jong u, “Hangno ka jingngeit jong phi?” Hynrei ki la sngewlyngngoh bad sheptieng, bad ki la ong uwei ïa uwei pat, “Une u briew uba kumno? U ai hukum ïa ki lyer bad ïa ki jingat phyllung, bad ki kohnguh ïa u!”

Ki symbai kiba hap ha shi lynter ka lynti ïaid kjat ki ïeng na ka bynta kito kiba ïohsngew; hynrei u Ksuid u wan bad u shim noh ïa ka khubor na ki dohnud jong ki khnang ban khang ïa ki na kaba ngeit bad ïohlait im.

“Ïa kano kano kaba la buhrieh noh yn wallam shabar ha kaba paw, bad ïa kano kano kaba la tap yn sa lap bad yn sa pynpaw ha kaba shai.

Kata ka kynthei ka la ïohi ba la lap ïa ka, kumta ka la wan da kaba khynñiuh bad ka dem khrup ha ki kjat jong U Jisu. Hangta ha khmat jong uwei pa uwei baroh, ka la ïathuh ïa u balei ba ka la ktah ïa u bad kumno ba la pynkhiah ïa ka shisyndon. U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk.”

Ki synran ki la leit sha U Jisu bad ki la kyrsiew ïa u, da kaba ong, “Kynrad, Kynrad! Ngi la jan ïap!” U Jisu u la khie joit bad u la hukum ïa ka lyer bad ïa ka um ba khie 'erïong; ki la sangeh bad ka la don ka jingjai jai kaba khraw.