Populiarios Biblijos eilutės iš Aˇ dahˬ 11

Dalintis

Sahˬpaˬ Miˬyehˇ ehˇ-eu, “Haw sheˇ. Tsawˇ haˬ heu deuˬ tsawˇ jeuˬ tiˬ jeuˬ tehꞈ-ehˇ pyeuꞈ-awˇ, dawˬ tiˬ jeˬ tehꞈ-ehˇ ngehˬ-eu miˇ neh, heu loꞈ-ehˇ mˇ doˆ nya-eu nga. Heu-aˬ, aˇ dahˬ beh-eu tehꞈ nga siˬ. Gʼawˬ myahˇ maˬ gʼeh-ehˇ aˬ yawꞈ maꞈ kʼaˇ mˇ mawꞈ-eu jeˬ mˇ nya-eu aˇ tiˆ keuˆ laˇ-eu nga. Aˬ yawꞈ maꞈ tiˬ gʼaˬ neh ngehˬ-euˬ dawˬ tiˬ gʼaˬ maˬ gʼoˆ siˬ nya-ehˇ bi pyeuꞈ-iˇ-eu gʼaˇ duˬ, aˬ dui zaꞈ ka-iˇ-awˇ, aˬ yawꞈ maꞈ-euˬ dawˬ-ahˇ laˆ bahˬ laˆ baˆ nehˬ kaˇ-euˇ.”

“Aˬ dui maꞈ maˬ ya gʼawˬ maˬ ya gʼehˇ-iˇ-eu gʼaˇ duˬ maˬ ehˇ, tsawˇ myahˇ doˆ-awˇ kʼahˬ sehˇ jaˆ-eu tsawˇ haˬ deuˬ pyeuꞈ laˇ-eu gʼaˇ duˬ maˬ ehˇ, meuˬ tiˬ meuˬ teˬ-awˇ, mˬ-ahˇ tuˆ-eu nymˇ nymˇ ma tiˬ nymˇ gawˬ kaˇ-euˇ” lehˇ, aˬ yawꞈ maꞈ ehˇ-eu meh.

Meuˬ kʼoeˇ meuˬ-ahˇ Baˬbuˇloˬ lehˇ kuˇ-euˬ meh. Aˬ jeˬ miˇ neh ehˇ naˇ, meuˬ kʼoeˇ meuˬ laꞈ kʼoeˇ tsawˇ haˬ zaˬ deuˬ dawˬ maˬ ngehˬ cawˬ taꞈ nya ni, aˬ yawꞈ maꞈ-euˬ dawˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-awˇ, aˬ yawꞈ maꞈ-ahˇ miˇ kʼahˬ doe ni bi jawˇ byaˆ jiˇ-euˬ meh.

Aˇ dahˬ beh ngeh, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, dawˬ tiˬ jeˬ tehꞈ-ehˇ ngehˬ-euˬ meh.

Kʼoeˇ naˇ, Sahˬpaˬ Miˬyehˇ zaꞈ ka le-awˇ, tsawˇ haˬ kʼoeˇ deuˬ neh gawˬ taˬ-euˬ meuˬ kʼoeˇ meuˬ hawˇ-eu nymˇ nymˇ ma kʼoeˇ nymˇ-ahˇ haw le-euˬ meh.

Kʼoeˇ naˇ, Sahˬpaˬ Miˬyehˇ neh tsawˇ haˬ kʼoeˇ deuˬ-ahˇ miˇ kʼahˬ doe ni bi jawˇ byaˆ jiˇ-euˬ miˇ neh, aˬ yawꞈ maꞈ meuˬ kʼoeˇ meuˬ maˬ paˇ teˬ ni byehˇ byoˆ-euˬ meh.