Populiarios Biblijos eilutės iš John 16

Dalintis

Aku udah madahka tu ngagai kita, ngambika dalam Aku kita bisi pemaik. Di dunya tu kita kena perinsa. Tang anang tusah; Aku udah ngalahka dunya.”

Tang lebuh Roh pemendar datai, Iya deka ngiring kita ngagai semua pemendar, laban Iya ukai bejaku nitihka peneka Iya Empu, tang deka nyebut semua utai ti didinga Iya, lalu Iya deka madah ngagai kita semua utai ti deka nyadi.

Nyentuk ngagai diatu, kita nadai udah minta utai dalam nama Aku. Pinta lalu kita deka nerima, ngambika ati kita chukup gaga.

Tang enggau bendar Aku madah ngagai kita: kita untung enti aku mupuk, laban enti Aku enda mupuk, Penyaup enda datai ngagai kita. Tang enti Aku mupuk, Aku deka ngirumka Iya ngagai kita. Lalu lebuh Iya datai, Iya deka ngayanka dunya amat salah ba pasal dosa, ba pasal pengelurus, enggau ba pasal ukum

Nya alai diatu ati kita tusah, tang Aku deka betemu enggau kita baru, lalu ati kita deka gaga, lalu nadai orang ulih ngerampas pengaga nya ari kita. Ba hari nya, kita enda agi minta utai ari Aku. Enggau bendar Aku madah ngagai kita, enti kita minta sebarang utai ari Apai dalam nama Aku, Iya deka meri utai nya ngagai kita.

Enggau bendar Aku madah ngagai kita: kita deka nyabak, sereta ngulit, tang dunya deka rami gaga ati. Ati kita deka tusah ati, tang ati kita ti tusah deka bebali nyadi pengaga.