Populiarios Biblijos eilutės iš John 1

Dalintis

Tang semua orang ke nerima Iya, ke arapka nama Iya, diberi Iya kuasa nyadi anak Allah Taala

Ba pun iya kelia, Jaku endang udah bisi. Jaku nya enggau Allah Taala, lalu Jaku nya endang Allah Taala.

Penampak nya manchar dalam pemetang, lalu pemetang enda ulih ngalahka iya.

Jaku nya nyadi mensia, lalu diau begulai enggau kitai, lalu kami udah meda mulia Iya, mulia Iya ke nyadi Anak Tunggal Apai, ke penuh laban pengasih enggau pemendar.

Semua utai digaga ulih Iya; enti nadai Iya, nadai utai ti udah digaga ulih digaga. Dalam Iya bisi pengidup lalu pengidup nya meri penampak ngagai semua mensia.

Hari siti John tepedaka Jesus mansang ngagai iya, lalu ku John bejaku, “Peda kita, nyin Anak Domba Allah Taala, ke muai dosa dunya!

Iya bisi di dunya, lalu dunya digaga ulih Iya. Tang taja pia, dunya enda ngelala Iya. Iya datai ngagai menua Iya Empu, tang bansa Iya Empu enda nerima Iya.

Penampak ti bendar ti meri penampak ngagai genap iku mensia, bisi datai ngagai dunya.

Adat amat udah diberi ulih Moses, tang pengasih enggau pemendar datai ulih Jesus Kristus.