Populiarios Biblijos eilutės iš San Juan 3

Dalintis

’Díos imá tjue̱he ti chojni chjasintajni la kjuajon chꞌan ti nkoko̱axón Xje̱en chꞌan, kixin kaín ti nkexro tsitekaon ti Xje̱en chꞌan la tsꞌitjáñahña sin, tsochónta sin kjuachón nkochríxín.

Díos la chrꞌánhña ti Xje̱en ntihi chjasintajni kixin sinchekjasóte chꞌan chojni. Náhí. Ichrꞌán chꞌan ti Xje̱en chꞌan chjasintajni kixin tsaáxin kaín chojni.

Ndá kjuáte̱he chꞌin Jesús, ndáchro: ―Ijnko nkehe chaxín tso̱tjo̱nka kixin ti nkexro tsokjíehya ni̱xién la xitjahya tsꞌixehen ti itjen Díos tꞌe̱to̱an.

’Ti nkexro tsitekaon ti Xje̱en Díos la tsjasótehya sin. A̱ndá kaín ti sin tsitekakonhña, mé tsjasóte sin kixin kuitekakuenhña sin ti nkoko̱axón Xje̱en Díos.

Mé xi̱kaha Díos sinchekjasóte chꞌan ti jehe sin nkochríxín, kixin ó ikui ti nkexro tsꞌinkaséñaxín chjasintajni, la kjónté xi̱kaha la a̱ntsí kóxríhi̱n sin ti sítie. A̱ndá ti tꞌinkaséña la náhí, kixin tjinkakonhña sin tsíto̱he sin ti nkehe jínahña tjejóchꞌe sin.

A̱ndá jehe chꞌan ticháxi̱n a̱ntsí tsꞌe̱to̱an chꞌan, a̱ndá janhan la kanhñó.

Kaín ti nkexro ichꞌe ti nkehe jínahña la tóxrìe̱nhña chrókóchjina ti tꞌinkaséña kixin tjinkakonhña sin tso̱noxín ti nkehe jínahña ichꞌe sin.

Ti nkexro tsitekaon ti Xje̱en Díos mé tsochónta sin ti kjuachón nkochríxín. A̱ndá ti nkexro tsitekakuenhña ti Xje̱en Díos mé tsochóntahya sin ti kjuachón nkochríxín. Ti nkexro xi̱kaha tsitekakonhña mé sinchekjasóte Díos nkochríxín.

*Éxi chꞌin Moisés, ti kꞌuíxin ti sin israelita nte̱je̱, la jehe chꞌan kjuíchꞌéna chꞌan ijnko konche chika kjua̱kꞌe̱nka̱ni chꞌan ijnko inta, ndá komá sin la kꞌuénhña sin, mé xi̱kaha tso̱hen ti Xje̱en Díos kꞌóna chojni, ticháxi̱n tsjakꞌenkáni chꞌan ijnko ntacruz

*’Itꞌéni Díos mé imá tjue̱he chꞌan ti Xje̱en chꞌan, mé xi̱kaha tsichjéhe chꞌan kjuachaxin kixin tsꞌe̱tue̱hen chꞌan kaín nkehe.