Populiarios Biblijos eilutės iš Ibeb 21

Dalintis

Mgbọ mgbọ okembe, Okumugwem onenikaan̄ ejit nsan me lek kè Sera, mè irọ use kan̄ îchieekbe iso.

Awaji onọnọ ida ito gwun̄ ya. Ogwu osat Awaji ge okukup me emen inyọn̄ igwen Ega, mè ido ibe, “Ìre keke ore ufialek kwun̄? Katet ukpook! Awaji înọ ida ito gwun̄ ya me ere îkupbe. Nan̄a keke si bene gwun̄ ya kaan̄ me ubọk kwun̄. Mije, emi mârọ inyi gwun̄ ya ikana ikpele ido.”

Sera oninin̄ owot, mè iman gwun̄ enerieen̄ ge inyi Ebereyam me ukan, me ike mgbọ Awaji ochieekbe ọmọ use.

Sera onenitumu ibe, “Awaji îrọ inyi emi ǹchak imọm. Ebi geelek mênọbe inu yi òrọrọ mêgọọk emi ichak imọm.”

Ire, Awaji onenitumu inyi Ebereyam ibe, “Kafieek ejit me lek gwun̄ kwun̄ enerieen̄ melek usun̄ kwun̄ enenwaan̄. Otutuuk inu cha Sera otumube inyi owu, gban̄ utọn̄ me lek, mè rọ. Mije, îre bọn owot iman kè Ajiki ke ebefuk kubọk echi kwun̄.

Ire, emi mârọ si inyi gwun̄ ogwu usun̄ kwun̄ ya imin ikana ido. Mije, ọmọ ìre si gwun̄ kwun̄.”