Populiarios Biblijos eilutės iš Evangelium e Markostar 14

Dalintis

Thaj vakerela: Ava, Dade, sa si šajune tuke; inđar e taxtaj kaja bi munrro; aj pale na sar me mangav aj sar tu.

Džangadon thaj ruđin tumen te na peren an zumadipe; kaj o đi si vilojalo aj si o trupo ćišlo.

Čače tumenge phenav: Kaj god te vakerelpe o evangelium kava pe saheste them, ka phenel pes vaš liparipe lako vi kava so voj čerda.

Thaj phenda lenge: Dukhavdo si o đi munrro đi o meripe; ačhen kate thaj džangadon.

Thaj kana xana lija o Isuso marro thaj baxtarindoj phagla les, thaj dija lenge, thaj phenda: Len, xan; kava si o trupo munrro.

Thaj lija e taxtaj thaj baxtarindoj dija lenge; thaj pile andar late savorre; Thaj phenda lenge: Kava si rat munrro Neve sovljako savo čhordol pe bute dženenge.

Thaj phenda lenge o Isuso: Savorre tumen ka dukhavdon andar mande akaja rat, kaj si hramome: Ka čalavav e čobano thaj e bakre ka našen.

Ušten te đas! Ake o phukavno munrro pašilo.

Thaj phendas leske o Isuso: Čače tuke phenav: ađive, ajrat, anglal so ka o bašno duj droma đilabel, tu mandar trin droma ka durardo.