Populiarios Biblijos eilutės iš Evangelium e Matejestar 13

Dalintis

A sijisardo pe lačhi phuv, godova si savo šunel o lafi thaj haljarel, savo, akana, vi bijanipe bijanel, thaj anel jekh po šel, a jekh po šovardeš, a jekh po trianda.

A sijisardo ano kare, godova si savo šunel o lafi, aj e pharipe akale themesko thaj xoxadipe barvalimasko tasaven o lafi thaj bi bijanimasko ačhel.

Savoneske savo šunel o lafi e Thagaripastar thaj ni haljarel, avel o bilačho thaj čorel o sijisardo ano vilo lesko; godova si pašo drom sijisardo.

A po baralo than sijisardo, godova si savo šunel o lafi thaj sigo lošalimasa lela, aj najle darhina ana peste, desar si binajstalo, ta kana si đi bilačhipe ja les traden pašo lafija, sigo tradel pes po bezeh.

Panda si o Thagaripe e badalesko sar barvalipe garavdo ano umal, savo arakhavindoj, o manuš garavđa thaj katar o lošalipe plo đelo thaj sa so sinele bićinđa thaj ćinđa godi umal.

A e avera pele pe phuv lačhi, thaj ande bijanipe, jekh po šel, a jekh po šovardeš, a jekh po trianda.

Meken nek barjon solduj kethane đi o čhinipe; a ano vaxto čhinimasko ka phenav e čhinutnenge: Čiden majanglal o kukolji thaj phanden les ane dreza ta te phabarel pes, a o điv inđaren ani mli đivutni.