Populiarios Biblijos eilutės iš MOTHI 6

Dalintis

Manta nali ke ango Arnam longri aro anang dhorom kangthir chihang; la-amun labang ahuwit naliyok nalipiye.

La-apot minap aphan chiron nek; piyok pu tene minap aphan minap abithang chiron une. Inirsi kidukpo, inirsi aphanke latengsi dor.

La-apotsi ne naliyok thando, pot te chobo, lale pot te junbo? Ladi pusi ajiu aphan, lale pot chi-ikbo? Ladi puke chirondingek. Kicho-kijunyok ke ajiupo, aro pe-rik yok ke abangposi songkhan chot kalekma?

Manta konam nang pingkit, la-amun nang hem apulu yok lut damot, aro inghap chinghapsi, chi-arsitsi kido nang Apa angot pingkit not; la-long kithekjol nang Apa nangyok nangwol pi phak nge.

La-apot nali ladi pingkitnot: Hali ethakpe kido Apa, nangmen parklam nang. Nang longri pawang; jibadi ethakpe long, labadisi pirthimipe longta, nang kar-ih pachok ngot.

Hali kanange a-an mini hali pinot.

Hali dhar kichak helyok hali jibadi rono, ladisi haliyok ta dhar hali ronnot.

Haliyok honjat long hali ponek, manta pap ajiu para hali ralnot.”

Piyok pu tene nang bangyok adohel ronman, tene nali ethakpe long kido Apa nali yokta rone.

Suneng kangjar awo helyok langot; analike ripta rip-re, rot ta rotre, aro rak longta thalthe; yongta nali ethakpe long Apa lahel yokta kicho a-an pachoman. Nali mehelyok ke ador ongchot kalek ma?

“Pot athem long arhlok aro mamor choman, aro kanghu hel tuksi chunghuman, ladi pirthimipe long puru chihansi yek. Manta dak long arhlok aro mamor cho-un-eh, kanghuta tuksi ponpe, ladi ethakpe long abithang aphan puru chihansi not. Piyok pu tene daklongsi nang apuru do, lalongsi nang thin ta doye.

Ihutpo bang-hini ahemphu long sal tiki un-eh; piyok pu tene anang ihut yok lang un-eh ye, aro ihutyok ke nengdoknge; lale ihutyok mengketsi, aro ihutyok ke pangwe ye; nali Arnam aro apuru, la hinilong tiki un-eh.

La-apot, bithar long pot abap hel mini dojongdo, minap ayok melong pasek detne, bang poyok ta Arnam ladisi nali pachi-ikman,— nali kikrol la-an beksodet ma?

Manta nang konam banta piman, la-amun nang ancho-aripo pot tikiman, debera aripoyok bangpo pachithan un nangne ye. Tangsi nang banta kipi chiklangkle ye, aro chi-arsi kithek nang Apa nang-wolpi phaknge.

Meso chilangot, arleng ango kapaklang yok nalike dhorom abi-pun mar tiki yek; ladi tiki tene, nali ethakpe long kido Apa adung nali jatsi aman hlonghle ye.

“Aro nali konam an-hum man, la-amun neng-sik hel badike amahang ingtingsu ke do yek; piyok pu tene analike an-humdo pusi arlengyok kapaklang aphan mahang pangtingsu man. Ne naliyok khanangsi thando, anali kihlong nange banta hlong tango. Manta nang an kihum amun, arleng angot an-kihum paklangkle si, mahang chi-arsi kido Apa angot nang an kihum chipaklang, la-anat nang phu jangthu chihel, aro mahang ta chirmunot; la-amun mahang chi-arsi theksi kido nang Apa nangyok kime angban nangpiye.