Populiarios Biblijos eilutės iš Матфей 24

Dalintis

Чабал ниме иртіре кӧп поларынаң, кӧп кізіде хыныс сооп парар. Тоозазын сыдас парыбысхан на кізі арачылан халар.

Че пастап, пу Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар. Анаң на тӱгенҷізі килер.

Ідӧк чағынғы паза ыраххы чаалардаңар истерзер. Кӧріңер, тың хорыхпаңар. Прай ол полҷаң ниме, че анзы ам даа тӱгенҷізі нимес.

Чон чоннаң, хан ханнаң тоғыр кӧдірілер. Анда-мында ӧзӧгіс-хырылыстар паза чир тітірезі полар. Прай пу нимелер пала тӧрідерде пасталчатхан ағырығлар осхастар.

Тигірнең чир чіт парарлар, Минің сӧзім, тізең, халар.

Кӧп кізі Минің адымнаң аданып килер. «Мин Мессий-Христоспын!» тіп турарлар, кӧп чонны алаахтырып аларлар.

Андада сірерні иреелеп ӧдірерлер. Минің адымның ӱчӱн сірерні прай чоннар хырт кӧрер. Андада ӱгренҷілернің аразында кӧп кізі Худайдаң хыйа полыбызар, пірсі пірсін садып, удур-тӧдір пу харахнаң кӧріспестер, кӧп чой ухаанҷы сых киліп, кӧп чонны алаахтыр салар.

Китеніңер! Пірдеезіне алаахтыртпаңар, – нандырған оларға Иисус.

Кізі Оолғы сірер пір дее сағыбаан туста чиде салар, аннаңар хаҷан даа тимде полыңар.

Сірер пілбинчезер, ноо туста Хан-пигіңер килер, аннаңар сиргек полыңар.

Ол кӱннеңер, ол тустаңар пірдеезі, тигірдегі ангеллер дее пілбинчелер. Аны Пабам на чалғызан пілче.

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Нойның тузында хайди полған, ідӧк Кізі Оолғы килер туста полар. Суғ тазар кӱннернің алнында Ной позының улуғ кимезіне одырыбысханынҷа, ідӧк чееннер, іскеннер, ипчі алғаннар паза ирге парғаннар. Чир ӱстӱне суғ чайылып, прайзын хыр парыбысханҷа, олар ниме полчатханын піл тее полбааннар. Кізі Оолғы килзе, ідӧк полар.