Populiarios Biblijos eilutės iš Génesis 28

Dalintis

Sekxegexma ko'o exchep, ataqmelchesek sa' chá'a m'a apmakókxa enxoho chá'a emhagkok, eyntementák sa' makham se'e xapop nak. Mayenyewek sa' aqsa chá'a meyke sélane m'a séltennassama nak chá'a alána'.”

Apwet'ak axta han apkenmáncha'a xamo' Wesse' egegkok ma'a apkenmágkaxa axta apwanmagko, keñe han aptáha apcháneya s'e: “Ko'o sekteme Wesse', Dios apagkok nak ma'a apyáta' Abraham, tén han ma'a apyáp Isaac, agkések sa' ko'o exchep se'e xapop apyetnakxa nak, ekweykekxoho m'a aptawán'ák neptámen.

Apxatakha'ak axta Jacob, axta entáhak élchetama apwáxok se'e: “Naqso' neyke agkok apha Wesse' egegkok se'e yókxexma nak, keñe ko'o may'áseykegko.”

Cha'a apmésakxa axta han appeywa Jacob Wesse' egegkok, aptáha s'e: “Aptemék sa' agkok sekxegexma Dios, tén han setaqmelchesa enxoho neyseksa sekxega, segkésa enxoho sekto, tén han sélántaxneykekxa apáwa, sekwákxo enxoho meyke setnegweykmohoxma m'a táta apxagkok, tén sa' atnehek Dios ahagkok ma'a Wesse' egegkok. Keso meteymog sénegkesa nak, ektémól'a meteymog kólchenegkesek, katnehek sa' Dios apxagkok; keñe sa' agkések chá'a exchep Dios, ekwayam nak chá'a diez ekyókxoho m'a aqsok ektáha nak chá'a exchep sélmésso.”

Exámekxohok apagko' sa' ma'a, ekweykenxal'a ekxámokma xapop ánek keso náxop, ewomhok sa' ma'a nexcheyha, nepyeyam, teyapmakxa ekhem, tén han taxnegwánxa ekhem, xép sa' kañenták apasmok ma'a apyókxoho énxet'ák apheykha nak keso náxop, tén han ma'a aptawán'ák neptámen.

Apyetnegkek axta xama tegma apwányam xa yókxexma nak, kélteméssessama axta apwesey Luz, apyaqmagkassessek axta eyke apwesey m'a Jacob, Betel axta aptemessásekxak apwesey.