Populiarios Biblijos eilutės iš Zhuwawu 14

Dalintis

<<Ginowuuhiyedhani murenddele. Murenddele waaga ginowuuvahani, kaginoovahani wona elabo munavaheliiwa. Mirima dheenyu kadhikathamiheye naari woova.

Yesu ahimwaakulaga, wiira: <<Miyo gili dilaya teto gili ebaribari ni egumi. Kalivo onadhowa wa Baabi ahivirile wa miyo.

Yesu ahawaaddelaga anamasuuza aaye, wiira: <<Mirima dheenyu kadhikathamiheye. Mmuroromele Mulugu teto mugiroromele miyo.

Vano Namaakihedha, oli Muneba Woweela, ole Baabi onadhiiye oorumihedheni mu ndina naaga, bunadha wusuuziheni dhaatedhene, wuwuubusedhagani dhaatedhene dhiwogiliimi ni nyo.

<<Ole winna malamulo aaga, awiiwelelaga, dinagidhivela. Ole onagidhivela, aBaba enoodha emudhivele. Miyo teto ginoodha gimudhivele, vano ginoodha giyooneyihe wa oliye>>.

Vano ginoodha gimulobe Baabi, oliye oovaheni Namaakihedha mmohiwa wi akalege ni nyo okala ni okala. Namaakihedha oyo bu Muneba wa ebaribari. Athu a elabo kinaanda omwaakela mwaha wi kinamoonege naari omunona. Nyo muhumunona mwaha wi oliye onakala ni nyo teto onakalave mwa nyo.

Dhaatedhene munadhiinyu mulobe mwa ndina naaga gineerege wiirana wi Baabi athithimihiwe odheela mwa Mwaana. Mwagiloba yego mwa ndina naaga, gineerege wiirana>>.

<<Akala munogidhivela, muneerege wawiiwelela malamulo aaga.

Nyuba ya aBaba muhukala mburo dhijinji. Dhaheere dhihikala ndo kagowaaddelani wi ginadhowa goosasanyedheleni mburo.

Gadhowa goosasanyedhelani, ginoowela, gidhe guuthukuleleni wa miyo wi onaakaliimi nyo teto mwakalege wewo.

Tome ahiiraga: <<Nabwiya, kannonile wewo munadhowiinyu, vano dilaya nnaanone addi?>>