Populiarios Biblijos eilutės iš Marko 2

Dalintis

Sar o Jesus ašundias, vo phenel lenge: Nai kudala kai si saste ke trubul len doxtoro, numa le nasvalen. Me či avilem te akharav kudalen kai si vorta, numa le bezexalen.

O Jesus, dikhlias lengo patiamos, phenel le paralitikoske: Muro šiav, tjire bezexa si jertime.

Porme vo phenel lenge: O sabato si thodino le manušenge, ai nai ke o manuš si thodino le sabatoske

Sar naštinas t'aven ži leste, katar o baro narodo, von puterde o čardako le kheresko kai vo sas, ai von vuliarde les katar kudo puterimos pe o pato pe savo o paralitiko sas.

Eta, eta tume te žianen ke o Šiav le manušesko si les pe e phuv e putiaria te jertil le bezexa. Me dav tu ordina, phenel vo le paralitikoske: Ušti, le tjiro pato, ai žia ande tjiro kher.

So si mai mišto, te phenes le paralitikoske: Tjire bezexa si jertime, vai te phenes: Ušti, le tjiro pato, ai phir?

Ai, strazo, vo uštilo, lias pesko pato, ai gelo-tar avri angla savořende, kadia sas lenge sa šodo ai vestinas le Devles, phenenas: Ame šoha či dikhliam diela kadia.