1
Mateo 6:33
Manobo, Western Bukidnon
Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.
Palyginti
Naršyti Mateo 6:33
2
Mateo 6:34
Kenè kew meseeng ke hengkey is menge mereg̵en he egkeulaula niw te huziyan he andew su wey niw en heeyan isipa zutun te andew he egkehitavù en. Iyan dà isipa niw is guntaan en he egkehitavù keniyu.”
Naršyti Mateo 6:34
3
Mateo 6:25
Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?
Naršyti Mateo 6:25
4
Mateo 6:6
Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.
Naršyti Mateo 6:6
5
Mateo 6:9-10
Iringi niw heini ke ed-ampù kew: ‘Amey zey ziyà te langit, berakat he tehuza te menusiyà is ngazan nu, berakat he medhadì ka te menusiyà, berakat he tumana is egkesuatan nu zini te tanà iring te layun edtumana ziyà te langit.
Naršyti Mateo 6:9-10
6
Mateo 6:11
Beg̵ayi key te egkeenen he egkinehenglanen dey g̵untaan
Naršyti Mateo 6:11
7
Mateo 6:12
peseyluwa key te menge salè dey iring te nekepesaylu key te nekesalà kenami.
Naršyti Mateo 6:12
8
Mateo 6:13
Ipekeziyù key kenikew te mezesen he penuley ne ilikey key kenikew ki Setanas.’
Naršyti Mateo 6:13
9
Mateo 6:14
Su sikiyu is menge etew, ke ebpeseyluwen niw is nekesalà keniyu, ebpeseyluwen kew zaan te Amey tew he ziyà te langit.
Naršyti Mateo 6:14
10
Mateo 6:26
Isipa niw is menge tagbis he ebpemenlayang. Kenè dan ebpemula; kenè dan edrag̵un; kenè dan daan ederengdeng. Ne minsan pa zutun ebpengelintau is Megbevayà he ziyà te langit te egkekaan dan. Ne iyan kew pe be is etew he lavew pa he mahal ziyà te kandin kenà is menge tagbis.
Naršyti Mateo 6:26
11
Mateo 6:19-21
Kenè niw tipig̵i is ketig̵eyunan dini te kelibutan su zini egkeketket te ipes wey edtengisen. Ne egketakew su egkeselezan is baley niw te tekawen. Tipig̵i niw ziyà te langit kes ketig̵eyunan he iyan kes idsuhul te Megbevayà keniyu su zutun kenà egkeketket te ipes, wey kenà edtengisen ne kenà daan egketakew. Ne zutun ke hendei is egketeg̵uan te ketig̵eyunan niw, dutun daan is gehinawa niw.
Naršyti Mateo 6:19-21
12
Mateo 6:24
Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.
Naršyti Mateo 6:24
13
Mateo 6:30
Is sagbet, wazè din bali; egkeehè ta g̵untaan, ne kenè en utew egkeug̵et ne egkeg̵angu ne ebinsulan. Iyan, ke edhimuwen te Megbevayà he mekempet minsan heini is menge sagbet, iyan kew pe be kenè din daan meveg̵ayi te igkevisti. Maan is utew zeisek is kedsarig niw kandin.
Naršyti Mateo 6:30
14
Mateo 6:3-4
Iyan, sikiyu mulà, ke zuen idtavang niw ziyà te egkeayuayu kinahanglan he kenà egketuenan te minsan menge zuma niw. Kenè niw petueni te menge etew haazà is kebeg̵ey niw te tavang dutun te egkeayuayu, ne is Amey tew ziyà te langit, iyan dà ebpekeahà dutun ne iyan daan edsuhul keniyu.
Naršyti Mateo 6:3-4
15
Mateo 6:1
“Kinahanglan he kenà iyan idsimbaha niw te Megbevayà su wey mezalig kew te menge etew. Su emun iyan heini ulaula niw, kenè kew edsuhulan keuzemà te Megbevayà he Amey tew ziyà te langit.
Naršyti Mateo 6:1
16
Mateo 6:16-18
Ne emun edsalang kew egkaan su ebpengampù kew ziyà te Megbevayà, kenè niw ipetuusi pinaag̵i te kebuvuked niw iring te menge etew he egkesuat he mezalig sikandan te menge zuma he etew. Edrig̵urig̵u zan, ne kenè dan ebpendapug wey kenè dan ebpenuwat su wey metueni te menge etew he edsalang dan egkaan. Egkeg̵iyen ku keniyu he nezawat dan en is kedelig̵a kandan te menge etew. Ne wazè en duma pa he suhul he egkezawat dan he ebpuun te Megbevayà. Ne sikiyu mulà, emun edsalang kew egkaan, pendapug kew wey penuwat kew su wey kenà metueni te zuma he edsalang kew. Iyan dà egkesayud is Amey tew he Megbevayà he wazà duen ebpekeeles. Iyan sikandin ebpekeahà te ulaula nu minsan sebsevaha nu, ne iyan daan sikandin edsuhul kenikew.
Naršyti Mateo 6:16-18
Pradžia
Biblija
Planai
Vaizdo įrašai