Populiarios Biblijos eilutės iš Lucas 11

Dalintis

Kun kamo ngani na mga maraot an ugali maaram maghatag sin mga maayo na bagay sa iyo kaanakan, sing-ano pa gayod ada an iyo Ama sa langit an mahatag san Espirito Santo sadtoʼn mangayo sa iya?”

“Kaya tandai an ginasabi ko sa iyo, mangayo sa Dios kay pagahatagan kamo. Maghanap kay ipapakita niya sa iyo. Magtawag sa iya kay pagaabrihan niya an pwertahan sa iyo.

Himuon niyo ini kay an nangangayo sa Dios amo an pagahatagan. An nagahanap amo an makakita kag an nagatawag sa iya amo an pagaabrihan san pwertahan.

Kaya ginsabihan niya sinda, “Pagpangadyi niyo sabihon, ‘Ama, pagalangan an banal mo na ngaran. Mag-abot lugod an pagahadi mo.

Patawada kami san amon mga sala kay ginapatawad namon an tanan na mga nakasala sa amon. Ayaw man kami pagtuguti na masugtan.’,”

Hatagi kami san amon kinahanglan na pagkaon uruadlaw.

Pareho san ilaw an imo mata para sa lawas. Kun maayo an imo mata mapapawaan man an bilog mo na lawas pero kun maraot an imo mata madulom man an bilog mo na lawas.

Didi naman nagpadayon si Jesus pagsabat sa inda na gusto makakita sin tanda, “Waraʼn masindi sin ilawan tapos itago o isulod sa baldi kundi ginabutang sa dapat na tungtungan sani agod an kapawa makita san mga nagasurulod.