Populiarios Biblijos eilutės iš Chiv Keeb 9

Dalintis

Hab Vaajtswv has tas, “Nuav yog tug cim kws kuv cog lug rua mej hab kuv, hab txhua yaam caj sa kws nrug mej nyob, moog rua txhua tam. Kuv tsaa kuv tug zaaj sawv rua sau cov fuab, mas tug zaaj hov yuav ua tug cim kws kuv cog lug rua lub nplajteb hab kuv.

Thaus tug zaaj sawv sau cov fuab, kuv yuav saib ntsoov tug zaaj hov hab ncu txug tej lug cog tseg kws nyob ib txhws rua Vaajtswv hab txhua yaam caj sa kws nyob huv lub nplajteb.”

“Leejtwg tua tuabneeg lug ntshaav, tug hov yuav raug tuabneeg tua kuas lug ntshaav ib yaam nkaus, tsua qhov Vaajtswv tswm tuabneeg zoo le nwg tug yaam ntxwv.

Vaajtswv foom koob moov rua Nau‑a hab nwg cov tub hab has rua puab tas, “Ca le muaj tub ki fuam vaam coob puv nplajteb.

Txhua yaam caj sa kws nkaag hab yaa yuav ua mej zaub noj. Kuv pub txhua yaam rua mej noj ib yaam le kuv pub zaub ntsuab rua mej noj lawd.

Txhua yaam tsaj huv nplajteb hab txhua yaam noog sau nruab ntug hab txhua yaam tsaj kws nkaag huv aav hab txhua yaam ntseg huv havtxwv yuav ntshai mej heev. Kuv muab tej tsaj hov huvsw cob rua huv mej txhais teg.

Mej ca le muaj mivnyuas fuam vaam coob, ca le muaj tub ki coob coob huv lub nplajteb hab fuam vaam coob.”