Populiarios Biblijos eilutės iš Jenesis 6

Dalintis

Ha'n ARLOEDH a repentyas ev dhe wul mab-den war an nor, ha grevys veu yn y golonn.

Ha'n ARLOEDH a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Mes Noy a gavas gras yn golok an ARLOEDH.

An re ma yw henedhow Noy. Noy o gour gwiryon ha perfydh yn y dermyn hag yth esa Noy ow kerdhes gans Duw.

Hag yn-medh an ARLOEDH, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

Pan dhallathas mab-den kressya war enep an dor, hag y feu myrghes dineythys dhedha, mebyon Duw a welas myrghes mab-den ha'ga bos teg, hag i a gemmeras dhedha aga honan gwragedh a vyns anedha a dhewissons. Hag yn-medh an ARLOEDH, ‘Ny drig ow spyrys vy pup-prys gans mab-den, rag kig yw ev, ha'y dhydhyow a vydh hwegh-ugens blydhen.’ Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

Ytho Noy a wrug war-lergh pup-tra a erghis Duw dhodho; yndella y hwrug ev.

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

‘Gwra dhis gorhel a brenn gofer. Ty a wra roumys y'n gorhel ha'y ura stanch a-ves hag a-ji gans pyg.

Ha Duw a welas an nor hag awotta, legrys ova, rag pub kig re wrussa legri y fordh war an nor.

Hag a bub kreatur bew, a bub kig oll, ty a wra dri dew a bub sort anedha a-bervedh y'n gorhel dh'aga gwitha yn few genes jy. I a vydh gorow ha benow.