Populiarios Biblijos eilutės iš JOHAN 15

Dalintis

I â grepchîria lei, zai ningnui â bekeî ramme lei. I ge bam-bambe kau, zai pa ge I bam-bambe kau ze â bechî misongga ’nchipatbe kau lei, I ’ngga zai â ningnui mâ de tewchi lak daseu.

I ge bam bam lau, zai I du ningnui ge bam bam gu lei. Bekeî grepchîria ge bam makchai â, pe runne ne bechî ’nchi lak gum ze, ningnui du I ge bam makchai â, ningnui bechî ’nchichi lak lei.

Ningnui I ge bam bam dizai â, zai a sam ramme ningnui ge bam bam dizai â, ningnui kenei-neibe kie lau, zai chize ningnui hang tew gai bu lei.

Ningnui ne achu kakelâng mak lei, kane I ne ningnui je kakelâng lei, zai sum gai bei de lei, ningnui tat ze bechî ’nchipat ra, zai ningnui rachî bam bam de ra hangge zeu; chidezai Bepeu dage a ji gene ningnui gekiebe leine ze pa ne chize ningnui je pei gu lei.

Ziemmena pe kangme hangge pa keringbe peigaibe peirei ziemmena dage chi suane kehungbe kedibe ga de lei.

A dage bekeî bambe leine bechî ’nchimakbe â pa ne lutua lei, zai bekeî bechî ’nchipatbe leine â, pa ne teleuka’mmi lei, bechî misongga ’nchipat le ra hangge zeu.

“Aize a gu samde lei, ningnui je I hung bei gum ze ningnui kat-kat je hung lau.

Aigene a peu ngeu-tew’ndi gai bei de lei, chidezai ningnui bechî misongga ’nchipat ra, zai ningnui a kenieme lei be teilia be ra hangge zeu.

“I â grepchîria gesang lei, zai a peu â grepchîria kateleupeu lei.

Ziemmena I ge bammakbe kau â bekeî gum ze pechu â tuâpat nan tai lei, zai hegui gai di tai lei, zai chi bekeî ramme â tei’ndui lu, hemi ge tuâ gai bei ze rû nan tai lei.

A suigut ningnui ge bam ra, zai ningnui suigut puigit bam ra hangge airamme ningnui dage I sa gai de lei.

A gu samde ramme ningnui tei dizai â I kehungbe ge ningnui bam bam gu lei, I ne a peu gu samde ramme tei’mmi lu ze pa kehungbe ge bam bam gum zeu.

Ningnui kat-kat je hung ra aize I ne ningnui je die gai lei.

Ningnui kedeirei gu dizaine â, kedeirei ne pe gume je hung gu lei, kane ningnui â kedeirei gu mak dadege kedeirei ne ningnui je ngaugailak lei, kane I ne ningnui je kedeirei gene kelâng gai de lei.