Populiarios Biblijos eilutės iš Ranehlö 3

Dalintis

Ngaich hē ngam kikānö nö meuk tö ök chōn nö tölöök nö nyā-aṅkūö, ane inrē tö ò nö kumchik elmat, tö ngam chōn inrē nö töhòṅ akahatī, kē ṙòng anga-aṅ ngaich nö in ò, ngaich nyā; kē-ĕkūö ök pīhöre anga-aṅ inrē ök in ò, ngaich nyā anga-aṅ.

Ngaich ngam pēch nö tö mötlö milichngen tönë töfënö kalröön aṅ ngam kahôyö minë vahīlö ngam Mā Tēv. Ngöṙô anga-aṅ töngam kikānö, hôṅ, ngöṙô ang ngam Tēv, Uh nan nyā aṅ i në chōn ngam panô-òṅ?

Ṙātö kumnyah Chin ihôi meh töngam kikānö, ihôi öp kūön meh inrē tö öp kūön ò inrē: paṙôkö kui man min tö tī ò, ngaich më-eṅ parôkötī tö kulôichröön ò.

Ngöṙô Angā-aṅ töm kikānö Pōyentī Chin min ṙūölö mīṙivlōn meh ane inrē pinrūkö nyīö, i mirivlōnre man min kayôḵnyö nyīö, ngamlōn meh min inrē höng im pīhö meh, hayöngö meh min angā-aṅ inrē.

Höng vang töhechkūö man min nyā-aṅvkūö, hanöng saha meh havantöre el tumlat; pò meh aṅ e misī kē-ĕ: pò meh pinṙōngö tumlat, ngaich pinṙōngö tumlat më-eṅ havantöre.

Ngaich in Ātöm Anga-aṅ nö ngöṙô, Pò meh hangṙô ngam pīhöre, ngaich nyā aṅ im chōn ngam tinöölô meh tö Chu Öich ngöṙô. Uh man nyā aṅ in ò: ötkôlò an ngam tumlat töpòkūö meh: i chanëyöre man min nyā-aṅ e i rô-òtö sakāmö meh aṅ

Ngaich ngöṙô Angā-aṅ, Chīök vamë-eny nang meh tömeh öm lichôi? Ngaich öm nyā aṅ ip chōn ap tinöölô meh töchu öm sōtu nyā?

Ngaich ahōnyö ngam tarik Anga-aṅ; ṙātö Kerupim Anga-aṅ ngaich nö lā chuhöt ngam panô-òṅ Ēten, ane inrē pinchālökūö ök fël ök tökeuheūtngöre lā kū-ö, nö aṅtö talöökö ök chōn nômö.

Ngaich ngam tarik nö kaheuk minënyö ök pīhöre nö Ēva; pòn yöng taṙòkhöre anga-aṅ tö-aṅ.