Populiarios Biblijos eilutės iš Lukas 16

Dalintis

Ka otow no og-ayad-ayad ogtuman to pogsugu to igbuyag din ko ogsaligan sikandin to doisok, songo ogkasaligan to dakol. Songo unawa ka otow no kono ogkasaligan to doisok, songo kono ogkasaligan to dakol.

Kagi pa ni Hisus, “Ko duon sagboka no uripon, kono ogkoimu to darua ka tagtuun kandin su kono din ogkaayunan to ogpokogdonganon to ogtuman to darua. Ka sika sagboka, dakol so goinawa rin kandin di ogsamilian din ka sikan no dangob. Ogtahuron din ka sagboka di kono din amana ogsagman ka dangob. Songo unawa,” kagi ni Hisus, “ko rio now isabuk to goinawa now ka mgo igkaratu now, songo kono ogkaayun no songo isabuk ka Magboboot to goinawa now.”

Ko kono kow ogkasaligan bahin to mgo kalaglagan, mgo salapi no ian ka igkaratu ta kai to soini no tano, hontow pa ka ogpakasalig kaniu bahin to mgo malogot no igkaratu no ogpuun to Magboboot? Ko kono kow ogkasaligan to kalaglagan no igpatamongan kaniu to songo otow kai to tano, hontow buwa ka ogsalig kaniu to ogtamong to kaniu no kalaglagan?”

Di nigtabak man do si Abraham to, ‘Ko kono dan ogpamminogan ka kagi ni Moisis woy ka ingkasulat dongan to mgo talagnangon to kagi to Magboboot, songo kono dan ogtuu agad ko duon otow no ogkootawan on no ogligkat to mgo nammatoy.’ Sikan ian ka tabak ni Abraham” kagi ni Hisus.

Nigparagas si Hisus to kagi rin to, “Ka lukos no og-ongkod to asawa rin no oghutuk ogpangasawa dut dangob no boi, ogpakapanlibug sikandin. Ka sikan no lukos no og-asawoon ka boi no noongkoran to asawa rin, songo ogpakapanlibug sikandin.”