Populiarios Biblijos eilutės iš Lukas 10

Dalintis

Indani now soini to imbogoy kud kaniu to kabogbogan to oyow ogpokohimu kow ogdiok to ulod woy ko salipitsipit woy ogkaroog now ka tibo no kabogbogan ni Satanas. Warad on ogkoomonuan now.”

Di nigtabak ka Lagboy no Igbuyag ta no si Hisus to, “Ah Marta, nasasow ka bag to mohon-ing ka oghimuon nu. Sagboka ro poron ka og-awoson ta. Si Maria ka nig-alam to maroyow no ogpamminog koddi no kono man ogpakaagow to pig-alam din,” kagi ni Hisus.

Nigtabak ka otow ki Hisus to, “Kagi to Balaod to, ogtiboon ta ka goinawa ta dio to Magboboot. Woy songo ogtiboon ta ka dayagang ta to ogtuman to igsugu din puun to dakol no goinawa ta kandin, woy ogtiboon ta ka doromdom ta dio to Magboboot. No, soini rod ka kagi to Balaod to, ‘unawoon ta ka goinawa ta to duma ta to goinawa ta to kanta no lawa,’ ” kagi to sika otow ki Hisus.

Nigkagi sikandin to “Dakol ka oggaanion porom di ka mgo oggaani, manalingboka ro. Ampu kow to Magboboot oyow ogsugu sikandin to mgo oggaani dio to kandin no kamot.”

Pigtaman ni Hisus ka pognangon din to kagi rin to otow no talag-anad to Balaod to, “Og-inso a koykow, ko ogsumansuman ka pa ko hontow dapit kandan to sikan no tatolu ka nohimu on no duma to sikan no napalian?” Nigtabak ka talag-anad to Balaod to, “Ian duma rin ka noid-u kandin.” No kagi ni Hisus to talag-anad to Balaod to, “Nò. Hipanow kad on; himua nu ka unawa to pighimu rin.”

“Nò,” kagi ni Hisus to sika kapituan woy darua no mgo sakup din to, “Hipanow kow on di doyroyow kow su sikaniu, ian now ogkounawaan ka maamuk no ayam no oghingaranan to karniru, di dio to oghondian now, duon mgo otow no mabulut no ian ogkounawaan ka magintalunan no asu no ogpammuod to ayam.