Populiarios Biblijos eilutės iš Huan 3

Dalintis

“Sikan su imbogoy to Magboboot ka bugtung no Anak din to ogkamatoy oyow kandin on ka oglipuas to salo to mgo otow su dakol lagboy so goinawa rin to tibo no mgo otow kai to soin no kalibutan. Agad hontow, no ogtuu kandin, kono ogkamatoy ka sikan no otow, ogkootawan do no waro katamanan dio to Magboboot.

Waro impohondini to Magboboot ka Anak din to soin no kalibutan oyow oglogparan din ka mgo otow. Ian din tuud dii to ogpangabangan din ka mgo otow.

Kagi ni Hisus kuwo kandin, “Soini ka malogot no ogkagion ku koykow, Usi, to agad hontow, kono ogpakasolod to Pogsugu to Magboboot ko kono pad oghutuk ogpokootow.”

Sikan no mgo otow no ogtuu to Anak to Magboboot, kono oglogparan to Magboboot. Di sikan no mgo otow atag, no waro nigtuu, nabobootan on su waro man nigtuu to sika bugtung no Anak to Magboboot.

Soini ka tuud to ogbobootan. Nighondini to soin no kalibutan ka Igbat-ow to pogdoromdom to mgo otow. Di kono ogkoiniat ka mgo otow to soin no igbat-ow su konon gustu ran to ogkabat-awan ka sumsumanan dan su maroot man ka oghimuon dan.

“Awoson no ogdakol ka kandin no bantug woy ogdoisok do ka koddi.” kagi ni Huan.

Sikan su sikan no otow no oghimu to maroot, agad nokoy no kalasi, maroot din ka igbat-ow. Kono din ogkoiniatan to ogkabat-awan su kono no gustu rin to ogkitoon ka mgo oghimuon din no maroot.

Sikan no otow no nigtuu to Anak to Magboboot ogkouyag ka sikan no otow no waro katamanan dio to langit. Di sikan no otow no kono ogbabali to Anak din, kono ogkouyag dio. Kono ogkaawo ka igkabou to Magboboot to sikan no mgo otow taman to waro katamanan.”

Kagi pa ni Hisus, “Ko dio pad to holholawan nighihipanow woy si Moisis, in-ampow rin ka ulod no nohimu to boronsi dio ampow to malayat no tukod Ogkounawa ian koddi no oghingaranan a to Kakoy to Koot-otawan. Songo igpaampow a dio to krus no songo oglindogon.

Dakol ka goinawa to Magboboot no Amoy to Anak din no nigsaligan din sikandin woy imbogoy kandin ka tibo no katondanan.