Chontal, Tabasco: U Chʼuʼul Tʼan Dios. New Testament

U Chʼuʼul Tʼan Dios.

<div class="version vid797 iso6393chf" data-vid="797" data-iso6393="chf">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">La resurrecci&#243;n de Jes&#250;s</div><div class="r">(Mt.&#8239;28.1&#8209;10; Mr.&#8239;16.1&#8209;8; Jn.&#8239;20.1&#8209;10)</div><div class="p"> 1Ni najt&#228;c&#228;l q'uin ta semana m&#228;x ic'sapanto c'otijob t'oc otros ixictacob t&#228;c&#228; bajca an ni mucliba. U bisijob jini j&#228;tz'&#228;cnib que u chijobba. 2C'oti u ch&#228;nenob cache' aquitz'qui ni noj ji'tun tu ti' mucliba. 3Ochijob y mach u pojlijob u cuerpo ni Cajnojala aj Jes&#250;s. 4Mu'to u b&#228;c't&#228;l ch'e' u c'ajalinob cua' ajni jinq'uin c'oti t&#228; wa't&#228; tu ch'ejpajob cha'tu &#225;ngelojob, ca' a w&#228;l&#228; winic, t'oc u s&#228;s&#228;c buc c'&#228;ntz'alanba. 5C'ac'a' b&#228;c'tijob ni ixictacob y u chinjatz'i u pam u ch&#228;nen t&#228; cab. De ya'i ni &#225;ngelojob u y&#228;lbijob ca'da:</div><div class="p">&#8213;&#191;Cua' uc'a a sac&#228;nla tan ajch&#228;mejob ni machca cuxu anba? 6Mach ni' an wida; acuxpi une. C'ajti'inla cua'tac u y&#228;lbetla jinq'uin ya'to an tama ni noj cab t&#228; Galilea. 7U y&#228;li cache' une que sutw&#228;ni de winicba c'&#228;n&#228; &#228;c'cac tu c'&#228;bob ajcherajtan&#228;job, tz&#228;msintic t&#228; cruz y de ya'i u xe t&#228; cuxpan u yuxp'elib q'uin. Ca' jini u y&#228;li.</div><div class="p"> 8De ya'i ni ixictacob u c'ajti'ijob ni t'anob jini que u y&#228;li aj Jes&#250;sba. 9De ya'i pasijob ya'i bajca an ni mucliba y bixijob u tz'ayc&#228;benob ni once ajc&#228;nt'anob upete ni jini que a'utiba. U y&#228;lbijob t&#228;c&#228; upete ni otrosjob. 10Ix Mar&#237;a, u cab t&#228; Magdalaba, ix Juana, ix Mar&#237;a, u na' aj Jacoboba y otros ixictacob n&#228;mte' t'oc unejob, jimba ixictacobda unejob machcatac u tz'ayc&#228;bijob ni u yajc'&#228;ncanob aj Jes&#250;s cua'tac u chi pasa. 11U yajc'&#228;ncanob aj Jes&#250;s u y&#228;li tan u c'ajalinob cache' p&#228;p&#228;' t'an u chenob jini ixictacob jini y mach u tz'ombijob cua' u y&#228;le'ob.</div><div class="p"> 12Lo que u chi aj Pedroba, ch'oyi bixi t'oc anc&#228;re bajca an ni mucliba. Jinq'uin u jup'i u pam u ch&#228;nen tama, niump'e cua' mach u ch&#228;ni sec' jini s&#228;s&#228;c welom noc'. Sutw&#228;ni tu yotot u b&#228;c't&#228;l ch'e' u c'ajalin uc'a cua' ti jini ajni.</div><div class="s">En el camino a Ema&#250;s</div><div class="r">(Mr.&#8239;16.12&#8209;13)</div><div class="p"> 13Jinchichba q'uin jini cha'tu u yajc&#228;nt'anob aj Jes&#250;s bixe u chenob bajca an ump'e p'i' caj u c'aba' t&#228; Ema&#250;s. U n&#228;t'an ni caj jini t'oc t&#228; Jerusal&#233;n ca' ta chap'e hora de x&#228;mba. 14T&#228; bij u bixe t&#228; tz'ajijob u tz'aycunob cua'tac alaj uti. 15Jinq'uin tz'aji to u chenob y u mal&#228;c ch'e' u c'ajalinob cua' ajni, aj Jes&#250;s chich u natz'ijob u bixe n&#228;mte' t'oc unejob. 16Unejobba ca' a w&#228;l&#228; b&#228;lbinti u jutob uc'a mach u chen conocejob. 17Aj Jes&#250;s u c'atbijob ca'da:</div><div class="p">&#8213;&#191;Cua' tz'aji na bixe a chenla por to'o bij? &#191;Cua' uc'a triste anetla?</div><div class="p"> 18Untu de unejob, jini u c'aba' aj Cleofasba, u p'albi ca'da:</div><div class="p">&#8213;&#191;De upete ajp&#228;p&#228;'cabob que ayan t&#228; Jerusal&#233;n, sec' ane quira colet que mach a wi cua'tac u chi pasa ya'i jimba q'uinobda?</div><div class="p"> 19De ya'i aj Jes&#250;s u y&#228;lbijob ca'da:</div><div class="p">&#8213;&#191;Cua' une u chi pasa?</div><div class="p">Unejob u y&#228;lbijob ca'da:</div><div class="p">&#8213;Ajni untu winic u c'aba' aj Jes&#250;s, u cab t&#228; Nazaret. Uneba untu ajt'an ta Dios. Dios y upete ni gente u ch&#228;nijob cache' q'uen u poder tuba u chen cua' chichca, y cua' chichca u y&#228;le'ba t'oc poder chich t&#228;c&#228;. 20De ya'i ajnojajob ta pale t&#228;c'ala y ajt'&#228;b&#228;lajob t&#228;c'ala u y&#228;q'uijob t&#228; tz&#228;msinte y u tz&#228;msijob chich t&#228; cruz. 21No'on t'ocobba c&#228;li t'ocob cache' une u xe u jap&#228;n aj Israelob tu c'&#228;b machcatac mach yo u ch&#228;nenobba. Badaba, sami atz'&#228;cti uxp'e q'uin que u yute upete ni jinda c&#228;le'ba. 22Che' chich t&#228;c&#228; yebe de c&#228; lot t'ocob ixictacobba u c'&#228;sb&#228;c'teson t'ocob. Bixijob sami tu junch'&#228;cnan bajca an u mucliba. 23Mach u pojl&#228;bijob u cuerpo c'&#228;si' aj Jes&#250;s. Jin uc'a sutw&#228;nijob ca'anon t'ocob u y&#228;le'ob cache' u ch&#228;nijob &#225;ngelojob que u ye'i ubajob tu p&#228;nte'job u y&#228;lbenob cache' cuxu ayan. 24Tulaj bixi c&#228; lot t'ocob bajca an ni mucliba. U pojlijob chich que toj ca' chich u y&#228;li ni ixictacob jini, pero aj Jes&#250;sba mach u ch&#228;nijob.</div><div class="p"> 25De ya'i aj Jes&#250;s u y&#228;lbijob ca'da:</div><div class="p">&#8213;Tz&#228;tz a pamla. Mach u se'en och tan a c'ajalinla tuba a tz'on&#228;nla upete cua'tac u y&#228;lijob ajt'anob ta Dios oni. 26&#191;Mach quira c'&#228;n&#228;li tz'ibajtescac ca' jini ni machca u yaqui Dios tuba u chen mandaba, y ji'pat u ch'e' jini poder que u xe u c&#228;n&#228;ntanba?</div><div class="p"> 27De ya'i u laj chectesbijob cua'tac tz'ibinti tan u jun Dios, jini u y&#228;le' cache'da u xe u chen pasa uneba. Najt&#228;c&#228; u t&#228;q'ui u y&#228;lbenob cua' u tz'ibi aj Mois&#233;s, y de ya'i u chi segui u y&#228;lbenob cua' u tz'ibi upete ajt'anob ta Dios.</div><div class="p"> 28De ya'i c'ote u chenob ca'an ni caj bajca u xejobba, y aj Jes&#250;s u chi uba cache' ya' u xe m&#225;s p&#228;nte'. 29Unejob u cocoj &#228;lbijob ca'da:</div><div class="p">&#8213;Colen t'oc no'on t'ocob uc'a m&#228;x a'ochiq'uin y u chen t&#228; pome q'uin.</div><div class="p">De ya'i ochi tan otot y coli t'oc unejob. 30Ji'pat chunw&#228;ni aj Jes&#250;s n&#228;mte' t'oc unejob t&#228; c'uxnan. U ch'i ni waj u c'atben Dios que u ch'u'ul cherben ni waj jini. De ya'i u taji ni waj y u pucbijob. 31Jimba rato jiniba u chi conocejob que es aj Jes&#250;s. Es ca' a w&#228;l&#228; u j&#228;bi uba u jutob uc'a u ch&#228;nen. Seb ch'&#228;bs&#228;ti tu jutob. 32Unejob u mal&#228;c &#228;lijob ca'da:</div><div class="p">&#8213;&#191;Mach quira y&#228;li ump'e sisicne t&#228;c pixanla jinq'uin u lotonla t&#228;c tela t'oc t&#228; bij n&#228;mte', jinq'uin u chectesbonla cua' u y&#228;le' ni jun ta Dios?</div><div class="p"> 33Jinchichba hora ch'oyijob y sutw&#228;nijob t&#228; Jerusal&#233;n. U pojlijob cache' woyo ayanob ni once ajc'&#228;ncanob taj Jesucristo y machcatac ayan t'oc unejob. 34Upetejob u y&#228;le'ob ca'da:</div><div class="p">&#8213;Totojtoj chich cache' acuxpi Cajnojala y u ye'i uba bajca an aj Sim&#243;n.</div><div class="p"> 35De ya'i ni cha'tujobba u tz'ayquijob cua' u chi pasajob t&#228; bij y cache' u chi conocejob aj Jes&#250;s jinq'uin u taji ni waj.</div><div class="s">Jes&#250;s aparece a los disc&#237;pulos</div><div class="r">(Mt.&#8239;28.16&#8209;20; Mr.&#8239;16.14&#8209;18; Jn.&#8239;20.19&#8209;23)</div><div class="p"> 36Jinq'uin mu'to u mal&#228;c tz'aycunob jini cua'tac ajni, tajtz&#228;c wa'y&#228;li aj Jes&#250;s t&#228;nxin de unejob. U y&#228;lbijob ca'da:</div><div class="p">&#8213;Tanetla, ajnic a wutzila.</div><div class="p"> 37Unejob sispomi u cuerpojob uc'a c'ac'a' b&#228;c'tijob. Ti tu c'ajalinob cache' mu' u ch&#228;nenob untu p&#228;p&#228;' pixan. 38Aj Jes&#250;s u y&#228;lbijob ca'da:</div><div class="p">&#8213;&#191;Cua' uc'a b&#228;c'tetla? &#191;Cua' uc'a a sinlaj chen pensala cua' chichca jini? 39Ch&#228;nenla c&#228; c'&#228;b y coc cache' no'on chich. T&#228;le'onla y ch&#228;nenla, uc'a untu p&#228;p&#228;' pixan mach u c&#228;n&#228;nta u bec'ta ni u b&#228;que ca' chich a ch&#228;nenla c&#228; c&#228;n&#228;ntan no'onba.</div><div class="p"> 40Jinda u y&#228;li y de ya'i u ye'bijob u c'&#228;b y yoc bajca bajli. 41T&#228;' ch'a'a ujinob y tajch'icw&#228;ni u jutob, pero mach u se'en tz'onijob si es aj Jes&#250;s chich, uc'a u y&#228;lijob bay mach toj. De ya'i aj Jes&#250;s u c'atbijob ca'da:</div><div class="p">&#8213;&#191;A c&#228;n&#228;ntanla quira cua' t&#228; c'uxcan wida?</div><div class="p"> 42De ya'i unejob u y&#228;c'bijob unxot' ch'at&#228;' buch' y ump'e u p'ul te'el chab. 43Aj Jes&#250;s u ch'i u c'uxe' tu jutob. 44De ya'i u y&#228;lbijob ca'da:</div><div class="p">&#8213;Jinq'uin ya'to anon n&#228;mte' t'oc anela c&#228;lbetla ni t'anda: C'&#228;n&#228; pasic toj upete jini ayan tz'ibi tan u jun Dios que u y&#228;le' cache'da c&#228; xe c&#228; chen pasa no'on, jini u tz'ibi aj Mois&#233;s y ajt'anob ta Diosba, y ca' chich u y&#228;le' t&#228;c&#228; ni jun u c'aba' Salmoba.</div><div class="p"> 45De ya'i u j&#228;btesbi u c'ajalinob uc'a u chen entendejob ni u t'an Dios que tz'ibi ayanba. 46U y&#228;lbijob ca'da:</div><div class="p">&#8213;Ca' jini ayan tz'ibi que c'&#228;n&#228; chich bon tz'ibajtescac jini u yaqui Dios tuba ajmandaba y cuxpac tan ajch&#228;mejob u yuxp'elib q'uin. 47Tz'ibi ayan chich t&#228;c&#228; cache' c'&#228;n&#228; tz'ayquintic u c'aba' aj Jesucristo uc'a u q'uexe' u c'ajalin untu tuba mach u ni' chen u tan&#228;, y cache' u cherbinte perdona u tan&#228; machca u tz'on&#228;n. U xe t&#228; t&#228;'can u tz'ayquinte t&#228; Jerusal&#233;n y de ya'i u xe t&#228; tz'ayquinte upete cabil cab tu pancab. 48Upete ni jindaba a totoj ch&#228;nila chich t'oc a jutla. 49Ubixtola, no'on chich c&#228; xe c&#228; t&#228;sc&#228;benetla jini machca u y&#228;li c&#228; Pap que u xe u t&#228;sc&#228;benetlaba. Colenla jiq'uin tama ni noj caj t&#228; Jerusal&#233;n ixta que mach a m&#228;tan ta'wac'ola ni poder que u te t&#228; cieloba.</div><div class="s">Jes&#250;s sube a los cielos</div><div class="r">(Mr.&#8239;16.19&#8209;20; Hch. 1.9&#8209;11)</div><div class="p"> 50De ya'i pasijob t&#228; Jerusal&#233;n y aj Jes&#250;s u bisijob ixta tu bijle t&#228; Betania. De ya'i u t'&#228;bsi u c'&#228;b u ch'u'ul chenob. 51Jinq'uin mu'to u ch'u'ul chenobba u t&#228;q'ui t'&#228;bo isqui y che' chich bisinti t&#228; cielo. 52Unejob u ch'u'ul c'ajti'ijob y ji'pat sutw&#228;nijob t&#228; Jerusal&#233;n t'oc noj gran ch'a'aljin. 53U paq'uin woyli ubajob tama ni noj ch'u'ul otot tuba aj jud&#237;osob u c'&#228;ybenob u c'aba' Dios y u y&#228;lbenob que uc'adios u chi por unejob. Ya' tz&#228;c&#228; ni junda.</div>
 </div>
 </div>
</div>

Ni najtäcäl q'uin ta semana mäx ic'sapanto c'otijob t'oc otros ixictacob täcä bajca an ni mucliba. U bisijob jini jätz'äcnib que u chijobba. C'oti u chänenob cache' aquitz'qui ni noj ji'tun tu ti' mucliba. Ochijob y mach u pojlijob u cuerpo ni Cajnojala aj Jesús. Mu'to u bäc'täl ch'e' u c'ajalinob cua' ajni jinq'uin c'oti tä wa'tä tu ch'ejpajob cha'tu ángelojob, ca' a wälä winic, t'oc u säsäc buc c'äntz'alanba. C'ac'a' bäc'tijob ni ixictacob y u chinjatz'i u pam u chänen tä cab. De ya'i ni ángelojob u yälbijob ca'da:
―¿Cua' uc'a a sacänla tan ajchämejob ni machca cuxu anba? Mach ni' an wida; acuxpi une. C'ajti'inla cua'tac u yälbetla jinq'uin ya'to an tama ni noj cab tä Galilea. U yäli cache' une que sutwäni de winicba c'änä äc'cac tu c'äbob ajcherajtanäjob, tzämsintic tä cruz y de ya'i u xe tä cuxpan u yuxp'elib q'uin. Ca' jini u yäli.
De ya'i ni ixictacob u c'ajti'ijob ni t'anob jini que u yäli aj Jesúsba. De ya'i pasijob ya'i bajca an ni mucliba y bixijob u tz'aycäbenob ni once ajcänt'anob upete ni jini que a'utiba. U yälbijob täcä upete ni otrosjob. Ix María, u cab tä Magdalaba, ix Juana, ix María, u na' aj Jacoboba y otros ixictacob nämte' t'oc unejob, jimba ixictacobda unejob machcatac u tz'aycäbijob ni u yajc'äncanob aj Jesús cua'tac u chi pasa. U yajc'äncanob aj Jesús u yäli tan u c'ajalinob cache' päpä' t'an u chenob jini ixictacob jini y mach u tz'ombijob cua' u yäle'ob.
Lo que u chi aj Pedroba, ch'oyi bixi t'oc ancäre bajca an ni mucliba. Jinq'uin u jup'i u pam u chänen tama, niump'e cua' mach u chäni sec' jini säsäc welom noc'. Sutwäni tu yotot u bäc'täl ch'e' u c'ajalin uc'a cua' ti jini ajni.


Jinchichba q'uin jini cha'tu u yajcänt'anob aj Jesús bixe u chenob bajca an ump'e p'i' caj u c'aba' tä Emaús. U nät'an ni caj jini t'oc tä Jerusalén ca' ta chap'e hora de xämba. Tä bij u bixe tä tz'ajijob u tz'aycunob cua'tac alaj uti. Jinq'uin tz'aji to u chenob y u maläc ch'e' u c'ajalinob cua' ajni, aj Jesús chich u natz'ijob u bixe nämte' t'oc unejob. Unejobba ca' a wälä bälbinti u jutob uc'a mach u chen conocejob. Aj Jesús u c'atbijob ca'da:
―¿Cua' tz'aji na bixe a chenla por to'o bij? ¿Cua' uc'a triste anetla?
Untu de unejob, jini u c'aba' aj Cleofasba, u p'albi ca'da:
―¿De upete ajpäpä'cabob que ayan tä Jerusalén, sec' ane quira colet que mach a wi cua'tac u chi pasa ya'i jimba q'uinobda?
De ya'i aj Jesús u yälbijob ca'da:
―¿Cua' une u chi pasa?
Unejob u yälbijob ca'da:
―Ajni untu winic u c'aba' aj Jesús, u cab tä Nazaret. Uneba untu ajt'an ta Dios. Dios y upete ni gente u chänijob cache' q'uen u poder tuba u chen cua' chichca, y cua' chichca u yäle'ba t'oc poder chich täcä. De ya'i ajnojajob ta pale täc'ala y ajt'äbälajob täc'ala u yäq'uijob tä tzämsinte y u tzämsijob chich tä cruz. No'on t'ocobba cäli t'ocob cache' une u xe u japän aj Israelob tu c'äb machcatac mach yo u chänenobba. Badaba, sami atz'äcti uxp'e q'uin que u yute upete ni jinda cäle'ba. Che' chich täcä yebe de cä lot t'ocob ixictacobba u c'äsbäc'teson t'ocob. Bixijob sami tu junch'äcnan bajca an u mucliba. Mach u pojläbijob u cuerpo c'äsi' aj Jesús. Jin uc'a sutwänijob ca'anon t'ocob u yäle'ob cache' u chänijob ángelojob que u ye'i ubajob tu pänte'job u yälbenob cache' cuxu ayan. Tulaj bixi cä lot t'ocob bajca an ni mucliba. U pojlijob chich que toj ca' chich u yäli ni ixictacob jini, pero aj Jesúsba mach u chänijob.
De ya'i aj Jesús u yälbijob ca'da:
―Tzätz a pamla. Mach u se'en och tan a c'ajalinla tuba a tz'onänla upete cua'tac u yälijob ajt'anob ta Dios oni. ¿Mach quira c'änäli tz'ibajtescac ca' jini ni machca u yaqui Dios tuba u chen mandaba, y ji'pat u ch'e' jini poder que u xe u cänäntanba?
De ya'i u laj chectesbijob cua'tac tz'ibinti tan u jun Dios, jini u yäle' cache'da u xe u chen pasa uneba. Najtäcä u täq'ui u yälbenob cua' u tz'ibi aj Moisés, y de ya'i u chi segui u yälbenob cua' u tz'ibi upete ajt'anob ta Dios.
De ya'i c'ote u chenob ca'an ni caj bajca u xejobba, y aj Jesús u chi uba cache' ya' u xe más pänte'. Unejob u cocoj älbijob ca'da:
―Colen t'oc no'on t'ocob uc'a mäx a'ochiq'uin y u chen tä pome q'uin.
De ya'i ochi tan otot y coli t'oc unejob. Ji'pat chunwäni aj Jesús nämte' t'oc unejob tä c'uxnan. U ch'i ni waj u c'atben Dios que u ch'u'ul cherben ni waj jini. De ya'i u taji ni waj y u pucbijob. Jimba rato jiniba u chi conocejob que es aj Jesús. Es ca' a wälä u jäbi uba u jutob uc'a u chänen. Seb ch'äbsäti tu jutob. Unejob u maläc älijob ca'da:
―¿Mach quira yäli ump'e sisicne täc pixanla jinq'uin u lotonla täc tela t'oc tä bij nämte', jinq'uin u chectesbonla cua' u yäle' ni jun ta Dios?
Jinchichba hora ch'oyijob y sutwänijob tä Jerusalén. U pojlijob cache' woyo ayanob ni once ajc'äncanob taj Jesucristo y machcatac ayan t'oc unejob. Upetejob u yäle'ob ca'da:
―Totojtoj chich cache' acuxpi Cajnojala y u ye'i uba bajca an aj Simón.
De ya'i ni cha'tujobba u tz'ayquijob cua' u chi pasajob tä bij y cache' u chi conocejob aj Jesús jinq'uin u taji ni waj.


Jinq'uin mu'to u maläc tz'aycunob jini cua'tac ajni, tajtzäc wa'yäli aj Jesús tänxin de unejob. U yälbijob ca'da:
―Tanetla, ajnic a wutzila.
Unejob sispomi u cuerpojob uc'a c'ac'a' bäc'tijob. Ti tu c'ajalinob cache' mu' u chänenob untu päpä' pixan. Aj Jesús u yälbijob ca'da:
―¿Cua' uc'a bäc'tetla? ¿Cua' uc'a a sinlaj chen pensala cua' chichca jini? Chänenla cä c'äb y coc cache' no'on chich. Täle'onla y chänenla, uc'a untu päpä' pixan mach u cänänta u bec'ta ni u bäque ca' chich a chänenla cä cänäntan no'onba.
Jinda u yäli y de ya'i u ye'bijob u c'äb y yoc bajca bajli. Tä' ch'a'a ujinob y tajch'icwäni u jutob, pero mach u se'en tz'onijob si es aj Jesús chich, uc'a u yälijob bay mach toj. De ya'i aj Jesús u c'atbijob ca'da:
―¿A cänäntanla quira cua' tä c'uxcan wida?
De ya'i unejob u yäc'bijob unxot' ch'atä' buch' y ump'e u p'ul te'el chab. Aj Jesús u ch'i u c'uxe' tu jutob. De ya'i u yälbijob ca'da:
―Jinq'uin ya'to anon nämte' t'oc anela cälbetla ni t'anda: C'änä pasic toj upete jini ayan tz'ibi tan u jun Dios que u yäle' cache'da cä xe cä chen pasa no'on, jini u tz'ibi aj Moisés y ajt'anob ta Diosba, y ca' chich u yäle' täcä ni jun u c'aba' Salmoba.
De ya'i u jäbtesbi u c'ajalinob uc'a u chen entendejob ni u t'an Dios que tz'ibi ayanba. U yälbijob ca'da:
―Ca' jini ayan tz'ibi que c'änä chich bon tz'ibajtescac jini u yaqui Dios tuba ajmandaba y cuxpac tan ajchämejob u yuxp'elib q'uin. Tz'ibi ayan chich täcä cache' c'änä tz'ayquintic u c'aba' aj Jesucristo uc'a u q'uexe' u c'ajalin untu tuba mach u ni' chen u tanä, y cache' u cherbinte perdona u tanä machca u tz'onän. U xe tä tä'can u tz'ayquinte tä Jerusalén y de ya'i u xe tä tz'ayquinte upete cabil cab tu pancab. Upete ni jindaba a totoj chänila chich t'oc a jutla. Ubixtola, no'on chich cä xe cä täscäbenetla jini machca u yäli cä Pap que u xe u täscäbenetlaba. Colenla jiq'uin tama ni noj caj tä Jerusalén ixta que mach a mätan ta'wac'ola ni poder que u te tä cieloba.


De ya'i pasijob tä Jerusalén y aj Jesús u bisijob ixta tu bijle tä Betania. De ya'i u t'äbsi u c'äb u ch'u'ul chenob. Jinq'uin mu'to u ch'u'ul chenobba u täq'ui t'äbo isqui y che' chich bisinti tä cielo. Unejob u ch'u'ul c'ajti'ijob y ji'pat sutwänijob tä Jerusalén t'oc noj gran ch'a'aljin. U paq'uin woyli ubajob tama ni noj ch'u'ul otot tuba aj judíosob u c'äybenob u c'aba' Dios y u yälbenob que uc'adios u chi por unejob. Ya' tzäcä ni junda.

Klausytis SAN LUCAS 24