If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

<div class="version vid4154 iso6393lai" data-vid="4154" data-iso6393="lai">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Ubufwe ubwa Lazalo</div><div class="p"> 1 # 
 Luk. 10.38-39
 Pakabapo umuntu yumo yuyo akaba we Lazalo, uwa mukaya aka Betaniya, yuyo akaba mubine. Betaniya kakaba kaya kako u Maliya nu muzuna wache u Malita bakikalaghamo. 2#Yoh. 12.3U Maliya yunuyu akaba weyuyo akakupulila amafuta aghakununkila munyayo izya Mwene nukuzipuputa ni sisi zyache. Umuyemba wache u Lazalo weyuyo akaba mubine. 3Abayemba bakamutumila u Yesu amazyu aghakuti, &#8220;Mwene, umumanyani wako umughaniwa abinite.&#8221; 4Bo u Yesu ivwa zinizi akati, &#8220;Ububine ubu bute bwakuti angafwa nabo, loli bwakuti u Chala achindikiliwemo, sona ukuti u Mwana uwa Chala apokele ubuchindamu pachifukwa icha bubine bunubu.&#8221;</div><div class="p"> 5U Yesu akamughana u Maliya nu muzuna wache u Malita, sona nu Lazalo. 6Loli bo u Yesu ivwa ukuti u Lazalo abinite, akikala kuko akabanga amasiku aghanji mabili. 7Po akababuzya abamanyili bache akati, &#8220;Zagha tunyokele mu Yudeya.&#8221;</div><div class="p"> 8Abamanyili bache bakamwamula bakati, &#8220;Wee Mumanyisi, patachilitepo na kabalilo akapimpa bulo, aba Yuda bakulakula bakalondagha pakukusumba na mabwe, po nkimba ukulonda pakunyokelako sona?&#8221; 9U Yesu akamula akati, &#8220;Umusanya ghuli na ma awala 12, mute momumo? Po nanti umuntu akwenda nu musanya atakwipunula pakuti akulwennya ulukozyo ulwa chisu ichapasi. 10Loli nanti akwenda nu busiku, akwipunula pakuti ate nulukozyo.&#8221;</div><div class="p"> 11U Yesu akanena amazyu ghanagha nukonjelezyapo ukuti, &#8220;Umumanyani witu u Lazalo aghonite bulo utulo, loli nkubuka pakumulamusya.&#8221; 12Abamanyili bache bakamwamula bakati, &#8220;Mwene, nanti achili bulo mutulo, akwiza pakuba akiza.&#8221; 13Abene bakinong'onagha ukuti akunena utulo utwenecho, loli u Yesu akang'anamulagha ukuti u Lazalo afuye. 14Po u Yesu akababuzya pabuzelu akati, &#8220;U Lazalo afuye, 15loli pachifukwa icha mwemwe ihobokite nkani ukuti intakabako, umwakuti musubile. Twende kukwache.&#8221; 16Po u Tomasi, (yuyo akitiziwanga ukuti we Didimo), akababuzya abamanyili abamwabo akati, &#8220;Twende twebosi poka nu mumanyisi, umwakuti tufwile poka nawe.&#8221;</div><div class="s">U Yesu weyuyo akubazyusya abantu</div><div class="p"> 17Bo u Yesu afika akagha ukuti u Lazalo aghonamo kale mwipumpa amasiku folo. 18Akaya aka Betaniya kakaba papipi nu Yelusalemu, amamita 3,000, 19po aba Yuda abinji bakiza pakumulema inyobe u Malita nu Maliya pachifukwa icha bufwe ubwa muyemba wabo.</div><div class="p"> 20Bo u Malita ivwa ukuti u Yesu akwiza, akafuma kuzi pakumupokela, loli u Maliya akasyala munyumba. 21U Malita akamubuzya u Yesu akati, &#8220;Mwene, nanti ukabangapo panapa, ngali umuyemba wane atafuye! 22Loli inzimenye ukuti ilelo u Chala akwiza pakukupa chosi chicho ukumulaba.&#8221;</div><div class="p"> 23U Yesu akamubuzya u Malita akati, &#8220;Umuyemba wako akwiza pakuzyuka kubufwe.&#8221;</div><div class="p"> 24U Malita akamwamula akati, &#8220;Inzimenye ukuti akwiza pakuzyuka kubufwe pisiku ilyabumalilo.&#8221;</div><div class="p"> 25U Yesu akamubuzya akati, &#8220;Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa. 26Sona umuntu wesi yuyo mumi nukusubila mumwane atakwiza pakufwa nalumo. Nkimba ukuzisubila zinizi?&#8221;</div><div class="p"> 27U Malita akamwamula akati, &#8220;Eee, Mwene, nkusubila ukuti awe we Kilisitu, u Mwana uwa Chala, yuyo bakatinji akwiza muchisu ichapasi.&#8221;</div><div class="s">U Yesu akulila</div><div class="p"> 28Bo u Malita amala pakunena zinizi, akanyokela pakumwitizya umuzuna wache u Maliya palubazu nukumubuzya ukuti, &#8220;Umumanyisi ali kuno akukwitizya.&#8221; 29Bo u Maliya ivwa zinizi, akanyamuka umwalubilolubilo pakukomana nu Yesu. 30U Yesu akaba achili pakufika mukaya kala, loli akaba achili pabuzilo bubo u Malita akakomana nawe. 31Abantu babo bakaba munyumba poka nu Maliya pakumulema inyobe, bakamukonka bo bennya anyamuka umwalubilolubilo nukufuma kuzi. Bakinong'onagha ukuti akubuka mumapumpa pakulila. 32U Maliya akafika pabuzilo bubo u Yesu akaba, po bo amwennya bulo, akamuwila muvinama. Akamubuzya akati, &#8220;Mwene nanti ukabangapo panapa, ngali umuyemba wane atafuye.&#8221;</div><div class="p"> 33Bo u Yesu amwennya u Maliya akulila, sona na bantu babo bakaba nawe, umoyo wache ghukizula ni chitima, sona akayimba nkani mumoyo wache. 34Akabalalusya akati, &#8220;Nkimba mumusyilite kwiyi?&#8221;</div><div class="p">Abene bakamwamula bakati, &#8220;Mwene, twende wennyeko.&#8221;</div><div class="p"> 35U Yesu akalila. 36Po aba Yuda bakati, &#8220;Ennya namumo akamughanila.&#8221;</div><div class="p"> 37Loli bamo bakati, &#8220;Umuntu uyu akamwighula amaso umufwamaso, mute momumo? Nkimba atangabombapo chimo ukuti u Lazalo atakafwe?&#8221;</div><div class="s">U Yesu akumuzyusya u Lazalo</div><div class="p"> 38U Yesu akayimba nkani sona mumoyo wache, po akabuka kwipumpa lilyo likaba mpako. Bakighalilapo nibwe pamulyango. 39U Yesu akalamula akati, &#8220;Efyapo ibwe.&#8221;</div><div class="p">U Malita umuyemba uwa muyazi yula akamubuzya u Yesu akati, &#8220;Mwene, pano pakwiza pakununka akabibi pakuti aghonamo kale amasiku folo.&#8221;</div><div class="p"> 40U Yesu akamubuzya akati, &#8220;Nkimba intakakubuzya ukuti nanti ukusubila ukwiza pakwennya ubuchindamu ubwa Chala?&#8221; 41Bakefyapo ibwe lila. Po u Yesu akennya kumwanya nukuti, &#8220;Tata, nkukupalizya pakuti wivwa inyiputo zyane. 42Inzimenye ukuti ukunyivwa akabalilo kosi, loli nkunena ichi mubuzilo ubwa bantu babo bali pano, umwakuti basubile ukuti wewe ukantuma.&#8221; 43Bo amala pakunena zinizi, akitizya nizyu ilya pamwanya nkani akati, &#8220;Lazalo epamo!&#8221; 44Umuyazi yula akepamo, inyobe ni vinama vikaba vichili vinnyembeteleliwe na menda ghagho bakamusyilila nagho, sona nu mwenda ghugho bakamunnyembetelela nagho kumaso. U Yesu akababuzya akati, &#8220;Mumusatule, muleke abukaye.&#8221;</div><div class="s">Aba Yuda bakubatika pakumughogha u Yesu</div><div class="r">(Mat. 26.1-5; Mlko. 14.1-2; Luk. 22.1-2)</div><div class="p"> 45Aba Yuda abinji babo bakiza pakumulema inyobe u Maliya bakennya zizyo u Yesu akabomba, po bakamusubila. 46Loli bamo bakabuka kuba Falisayi nukubabuzya zizyo u Yesu akabomba. 47Po aba Falisayi na baputi abasongo bakaba nulukomano nukulalusannya ukuti, &#8220;Nkimba tubombe choni panapa? Ennya, umuntu yunuyu akubomba ivimanyilo ivyinji! 48Nanti tukumuleka bulo ukuti endelelaye bunubu, abantu bosi bakwiza pakumusubila, sona aba Loma bakwiza pakunangannya Inyumba iya Chala nuluko lwitu bulo!&#8221;</div><div class="p"> 49Weka mukasi mumwabo yuyo akaba we Kayafa, umuputi usongo umwaka ghulaghula akati, &#8220;Amwe mwe bapunganu! 50Nkimba mutakuzyaghannya ukuti chizapo umuntu weka abafwile abantu bosi nukuchila ukuti uluko losi luzimile?&#8221; 51Nkaninkani, atakanenapo amazyu agha na mahala aghache na ghache. Loli pakuti akaba muputi usongo mumwaka ghulaghula, akalaghula ukuti u Yesu akwiza pakulufwila uluko ulwa ba Yuda, 52kute kokuti akwiza pakulufwila uluko lwabo lwene, loli pakubabungannya sona abana aba Chala babo banyampanite.</div><div class="p"> 53Ukwandila pisiku lilalila, abalaghili aba Chiyuda bakivwana nizya kumughogha u Yesu. 54Po u Yesu akaleka ukwendakwenda pabuzelu mukaya aka Yudeya, loli akepukako nukubuka kubuzilo bubo buli papipi ni nkolongo, akaya akakulu aka Efulayimu, kuko akikalagha na bamanyili bache.</div><div class="p"> 55Ulusekelo ulwa Pasa uwa Chiyuda lukaba papipi, po aba Yuda abinji bakafuma mutwaya nukubuka mu Yelusalemu pakubomba ulwiho ulwakwiswefya, bo nu lusekelo luchili pakubombiwa. 56Bakamulondagha u Yesu, po bo bakomana mu Nyumba iya Chala bakanda pakulalusannya bakati, &#8220;Amwe mukwinong'ona ichoni? Nkimba akwiza ku lusekelo ulu pamo awe?&#8221; 57Abaputi abasongo naba Falisayi bakalamula bakati nanti alipo yumo yuyo amenye kuko u Yesu akaba, abuke ababuzye, umwakuti babuke bamuleme.</div>
 </div>
 </div>
</div>

Pakabapo umuntu yumo yuyo akaba we Lazalo, uwa mukaya aka Betaniya, yuyo akaba mubine. Betaniya kakaba kaya kako u Maliya nu muzuna wache u Malita bakikalaghamo. U Maliya yunuyu akaba weyuyo akakupulila amafuta aghakununkila munyayo izya Mwene nukuzipuputa ni sisi zyache. Umuyemba wache u Lazalo weyuyo akaba mubine. Abayemba bakamutumila u Yesu amazyu aghakuti, “Mwene, umumanyani wako umughaniwa abinite.” Bo u Yesu ivwa zinizi akati, “Ububine ubu bute bwakuti angafwa nabo, loli bwakuti u Chala achindikiliwemo, sona ukuti u Mwana uwa Chala apokele ubuchindamu pachifukwa icha bubine bunubu.”
U Yesu akamughana u Maliya nu muzuna wache u Malita, sona nu Lazalo. Loli bo u Yesu ivwa ukuti u Lazalo abinite, akikala kuko akabanga amasiku aghanji mabili. Po akababuzya abamanyili bache akati, “Zagha tunyokele mu Yudeya.”
Abamanyili bache bakamwamula bakati, “Wee Mumanyisi, patachilitepo na kabalilo akapimpa bulo, aba Yuda bakulakula bakalondagha pakukusumba na mabwe, po nkimba ukulonda pakunyokelako sona?” U Yesu akamula akati, “Umusanya ghuli na ma awala 12, mute momumo? Po nanti umuntu akwenda nu musanya atakwipunula pakuti akulwennya ulukozyo ulwa chisu ichapasi. Loli nanti akwenda nu busiku, akwipunula pakuti ate nulukozyo.”
U Yesu akanena amazyu ghanagha nukonjelezyapo ukuti, “Umumanyani witu u Lazalo aghonite bulo utulo, loli nkubuka pakumulamusya.” Abamanyili bache bakamwamula bakati, “Mwene, nanti achili bulo mutulo, akwiza pakuba akiza.” Abene bakinong'onagha ukuti akunena utulo utwenecho, loli u Yesu akang'anamulagha ukuti u Lazalo afuye. Po u Yesu akababuzya pabuzelu akati, “U Lazalo afuye, loli pachifukwa icha mwemwe ihobokite nkani ukuti intakabako, umwakuti musubile. Twende kukwache.” Po u Tomasi, (yuyo akitiziwanga ukuti we Didimo), akababuzya abamanyili abamwabo akati, “Twende twebosi poka nu mumanyisi, umwakuti tufwile poka nawe.”

Bo u Yesu afika akagha ukuti u Lazalo aghonamo kale mwipumpa amasiku folo. Akaya aka Betaniya kakaba papipi nu Yelusalemu, amamita 3,000, po aba Yuda abinji bakiza pakumulema inyobe u Malita nu Maliya pachifukwa icha bufwe ubwa muyemba wabo.
Bo u Malita ivwa ukuti u Yesu akwiza, akafuma kuzi pakumupokela, loli u Maliya akasyala munyumba. U Malita akamubuzya u Yesu akati, “Mwene, nanti ukabangapo panapa, ngali umuyemba wane atafuye! Loli inzimenye ukuti ilelo u Chala akwiza pakukupa chosi chicho ukumulaba.”
U Yesu akamubuzya u Malita akati, “Umuyemba wako akwiza pakuzyuka kubufwe.”
U Malita akamwamula akati, “Inzimenye ukuti akwiza pakuzyuka kubufwe pisiku ilyabumalilo.”
U Yesu akamubuzya akati, “Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa. Sona umuntu wesi yuyo mumi nukusubila mumwane atakwiza pakufwa nalumo. Nkimba ukuzisubila zinizi?”
U Malita akamwamula akati, “Eee, Mwene, nkusubila ukuti awe we Kilisitu, u Mwana uwa Chala, yuyo bakatinji akwiza muchisu ichapasi.”

Bo u Malita amala pakunena zinizi, akanyokela pakumwitizya umuzuna wache u Maliya palubazu nukumubuzya ukuti, “Umumanyisi ali kuno akukwitizya.” Bo u Maliya ivwa zinizi, akanyamuka umwalubilolubilo pakukomana nu Yesu. U Yesu akaba achili pakufika mukaya kala, loli akaba achili pabuzilo bubo u Malita akakomana nawe. Abantu babo bakaba munyumba poka nu Maliya pakumulema inyobe, bakamukonka bo bennya anyamuka umwalubilolubilo nukufuma kuzi. Bakinong'onagha ukuti akubuka mumapumpa pakulila. U Maliya akafika pabuzilo bubo u Yesu akaba, po bo amwennya bulo, akamuwila muvinama. Akamubuzya akati, “Mwene nanti ukabangapo panapa, ngali umuyemba wane atafuye.”
Bo u Yesu amwennya u Maliya akulila, sona na bantu babo bakaba nawe, umoyo wache ghukizula ni chitima, sona akayimba nkani mumoyo wache. Akabalalusya akati, “Nkimba mumusyilite kwiyi?”
Abene bakamwamula bakati, “Mwene, twende wennyeko.”
U Yesu akalila. Po aba Yuda bakati, “Ennya namumo akamughanila.”
Loli bamo bakati, “Umuntu uyu akamwighula amaso umufwamaso, mute momumo? Nkimba atangabombapo chimo ukuti u Lazalo atakafwe?”

U Yesu akayimba nkani sona mumoyo wache, po akabuka kwipumpa lilyo likaba mpako. Bakighalilapo nibwe pamulyango. U Yesu akalamula akati, “Efyapo ibwe.”
U Malita umuyemba uwa muyazi yula akamubuzya u Yesu akati, “Mwene, pano pakwiza pakununka akabibi pakuti aghonamo kale amasiku folo.”
U Yesu akamubuzya akati, “Nkimba intakakubuzya ukuti nanti ukusubila ukwiza pakwennya ubuchindamu ubwa Chala?” Bakefyapo ibwe lila. Po u Yesu akennya kumwanya nukuti, “Tata, nkukupalizya pakuti wivwa inyiputo zyane. Inzimenye ukuti ukunyivwa akabalilo kosi, loli nkunena ichi mubuzilo ubwa bantu babo bali pano, umwakuti basubile ukuti wewe ukantuma.” Bo amala pakunena zinizi, akitizya nizyu ilya pamwanya nkani akati, “Lazalo epamo!” Umuyazi yula akepamo, inyobe ni vinama vikaba vichili vinnyembeteleliwe na menda ghagho bakamusyilila nagho, sona nu mwenda ghugho bakamunnyembetelela nagho kumaso. U Yesu akababuzya akati, “Mumusatule, muleke abukaye.”


Aba Yuda abinji babo bakiza pakumulema inyobe u Maliya bakennya zizyo u Yesu akabomba, po bakamusubila. Loli bamo bakabuka kuba Falisayi nukubabuzya zizyo u Yesu akabomba. Po aba Falisayi na baputi abasongo bakaba nulukomano nukulalusannya ukuti, “Nkimba tubombe choni panapa? Ennya, umuntu yunuyu akubomba ivimanyilo ivyinji! Nanti tukumuleka bulo ukuti endelelaye bunubu, abantu bosi bakwiza pakumusubila, sona aba Loma bakwiza pakunangannya Inyumba iya Chala nuluko lwitu bulo!”
Weka mukasi mumwabo yuyo akaba we Kayafa, umuputi usongo umwaka ghulaghula akati, “Amwe mwe bapunganu! Nkimba mutakuzyaghannya ukuti chizapo umuntu weka abafwile abantu bosi nukuchila ukuti uluko losi luzimile?” Nkaninkani, atakanenapo amazyu agha na mahala aghache na ghache. Loli pakuti akaba muputi usongo mumwaka ghulaghula, akalaghula ukuti u Yesu akwiza pakulufwila uluko ulwa ba Yuda, kute kokuti akwiza pakulufwila uluko lwabo lwene, loli pakubabungannya sona abana aba Chala babo banyampanite.
Ukwandila pisiku lilalila, abalaghili aba Chiyuda bakivwana nizya kumughogha u Yesu. Po u Yesu akaleka ukwendakwenda pabuzelu mukaya aka Yudeya, loli akepukako nukubuka kubuzilo bubo buli papipi ni nkolongo, akaya akakulu aka Efulayimu, kuko akikalagha na bamanyili bache.
Ulusekelo ulwa Pasa uwa Chiyuda lukaba papipi, po aba Yuda abinji bakafuma mutwaya nukubuka mu Yelusalemu pakubomba ulwiho ulwakwiswefya, bo nu lusekelo luchili pakubombiwa. Bakamulondagha u Yesu, po bo bakomana mu Nyumba iya Chala bakanda pakulalusannya bakati, “Amwe mukwinong'ona ichoni? Nkimba akwiza ku lusekelo ulu pamo awe?” Abaputi abasongo naba Falisayi bakalamula bakati nanti alipo yumo yuyo amenye kuko u Yesu akaba, abuke ababuzye, umwakuti babuke bamuleme.

Klausytis Yohani 11