<div class="version vid4129 iso6393tlj" data-vid="4129" data-iso6393="tlj">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Kwanjula</span></div><div class="ip"><span class="content">Li&#817;i&#817;na Ntandiko likumani&#817;i&#817;si&#817;ya &#8220;ndu&#817;ghi&#817;i&#817;li&#817;lo.&#8221; Kitabo kini ki&#817;bu&#817;ghi&#817;y&#700;o kuhanguwa kwa nsi na eghulu, ndu&#817;ghi&#817;i&#817;li&#817;lo ya bantu, ntandiko ya kibhi ekyalu&#817;ghi&#817;yemu kubona-bona munsi. Ki&#817;bu&#817;ghi&#817;y&#700;o dhee ntegheka ya Luhanga ya kujuna bantu hamui na nkolangana ya Luhanga na bantu. Kitabo kini kilimu bi&#817;twi&#817;ke bibili byamaani&#817;.</span></div><div class="ip"><span class="content">Ki&#817;twi&#817;ke ky&#700;oku&#817;du&#817;bha kili mu nsuula 1&#8212;11. Ki&#817;twi&#817;ke eki ki&#817;bu&#817;ghi&#817;y&#700;o kuhanguwa kwa nsi, kughuwa kwa muntu, mulingo kibhi kyakaniiyemu munsi, kyaleeteleja Luhanga kuleka maasi ngatungeela munsi. Maasi agha ghaahwelekeeleli&#817;ya bu&#817;li&#817; kintu, bantu, na bihanguwa byona. Aba ataahwelekeleei&#817;ye ni Nuha na baa ka yee, hamui na bihanguwa ebi Luhanga aamulaghiiye kutaaha nabiyo mu bwati&#817;. Ki&#817;bu&#817;ghi&#817;y&#700;o dhee Nuha na baasukulu be haanu&#817;ma ya kutungeela kwa maasi. Ki&#817;todhi&#817;ye kyabu&#817;gh&#700;o kuhanjaagukana kwa bantu, baaleka kukwela kibugha kya Bbabbeeli&#817;.</span></div><div class="ip"><span class="content">Ki&#817;twi&#817;ke kyakabili kili mu nsuula 12&#8212;50. Ki&#817;twi&#817;ke eki ki&#817;bu&#817;ghi&#817;y&#700;o byafaayo bya baataata baa Banai&#817;saaleeli&#817;. Taata wabo w&#700;oku&#817;du&#817;bha oghu ki&#817;bu&#817;ghi&#817;y&#700;o ni Ebbulahi&#817;mu&#817;, oghu akamanuwa haabwa ku&#817;hi&#817;ki&#817;li&#817;ja kuwe kandi na ku&#817;hu&#817;ti&#817;ya kuwe Luhanga. Du&#817;mbi&#817; haalabh&#700;o byafaayo bya mutabani&#817; wee I&#817;saka, na Yakobbo muusukulu wa Ebbulahi&#817;mu&#817;. Yakobbo baamughilaghamu dhee I&#817;saaleeli&#817;. Akaba ali na batabani&#817; be eku&#817;mi&#817; na babili. Batabani&#817; be aba niibo baatandi&#817;ki&#817;i&#817;si&#817;ye ntu&#817;la eku&#817;mi&#817; n&#700;ebili sya I&#817;saaleeli&#817;. Kitabo kini ki&#817;bu&#817;ghi&#817;y&#700;o munu Yojeefu&#817; omui mu batabani&#817; baa Yakobbo, na ebyaleki&#817;ye Yakobbo na batabani&#817; be banji na maka ghaabo baaghenda kuukala mu ehanga lya Mi&#817;si&#817;li&#817;.</span></div><div class="ip"><span class="content">Nankabha kitabo kini ki&#817;bu&#817;ghi&#817;y&#700;o byafaayo bya bantu, ki&#817;du&#817;bhi&#817;ye ku&#817;bu&#817;gh&#700;o munu mulimo oghu Luhanga aakoli&#817;ye ghwa kuhanga. Kitandi&#817;ki&#817;ye nki&#817;bu&#817;gha kwonini ngu Luhanga majima niiye akahanga nsi na eghulu kandi kyamaliilila na ndaghaano ngu Luhanga akweyongela kwoleka ngoku afu&#817;u&#817;y&#700;o bantu be.</span></div><div class="ip"><span class="content">Kitabo kini ni kimui haa bitabo bitaano ebi Musa aahandi&#817;i&#817;ki&#817;ye.</span></div><div class="iot"><span class="content">Bikulu ebili mu kitabo kini</span></div><div class="io"><span class="content">1. Byafaayo bya kuhanguwa </span><span class="ior"><span class="content">(</span><span class="content">1:1&#8212;2:25</span><span class="content">)</span></span></div><div class="io"><span class="content">2. Kibhi ky&#700;oku&#817;du&#817;bha na bu&#817;ji&#817;ndi&#817; </span><span class="ior"><span class="content">(</span><span class="content">3:1&#8212;4:16</span><span class="content">)</span></span></div><div class="io"><span class="content">3. Baasukulu baa Adamu kutungeela kutakabaay&#700;o </span><span class="ior"><span class="content">(</span><span class="content">4:17&#8212;5:32</span><span class="content">)</span></span></div><div class="io"><span class="content">4. Nuha na kutungeela kwa maasi </span><span class="ior"><span class="content">(</span><span class="content">6:1&#8212;9:28</span><span class="content">)</span></span></div><div class="io"><span class="content">5. Baasukulu baa Nuha na ngbaali ya Bbabbeeli&#817; </span><span class="ior"><span class="content">(</span><span class="content">10:1&#8212;11:32</span><span class="content">)</span></span></div><div class="io"><span class="content">6. </span><span class="nd"><span class="content">Mukama</span></span><span class="content"> naakoma Ebbulaamu </span><span class="ior"><span class="content">(</span><span class="content">12:1-20</span><span class="content">)</span></span></div><div class="io"><span class="content">7. Ebbulaamu na Looti&#817; </span><span class="ior"><span class="content">(</span><span class="content">13:1&#8212;14:24</span><span class="content">)</span></span></div><div class="io"><span class="content">8. </span><span class="nd"><span class="content">Mukama</span></span><span class="content"> naakola ndaghaano na Ebbulaamu </span><span class="ior"><span class="content">(</span><span class="content">15:1-21</span><span class="content">)</span></span></div><div class="io"><span class="content">9. Ebbulaamu, Hagali&#817;, na Sumai&#817;li&#817; </span><span class="ior"><span class="content">(</span><span class="content">16:1-16</span><span class="content">)</span></span></div><div class="io"><span class="content">10. Luhanga naahindula li&#817;i&#817;na lya Ebbulaamu kuba Ebbulahi&#817;mu&#817; kandi naamulaghani&#817;ja mwana </span><span class="ior"><span class="content">(</span><span class="content">17:1&#8212;18:15</span><span class="content">)</span></span></div><div class="io"><span class="content">11. Ebbulahi&#817;mu&#817;, Looti&#817;, Sodomu, na Gomola </span><span class="ior"><span class="content">(</span><span class="content">18:16&#8212;19:38</span><span class="content">)</span></span></div><div class="io"><span class="content">12. Ebbulahi&#817;mu&#817;, Saala, na I&#817;saka </span><span class="ior"><span class="content">(</span><span class="content">20:1&#8212;23:20</span><span class="content">)</span></span></div><div class="io"><span class="content">13. Lebbeeka, mukali&#817; wa I&#817;saka </span><span class="ior"><span class="content">(</span><span class="content">24:1-67</span><span class="content">)</span></span></div><div class="io"><span class="content">14. Ku&#817;ku&#817;wa kwa Ebbulahi&#817;mu&#817; </span><span class="ior"><span class="content">(</span><span class="content">25:1-18</span><span class="content">)</span></span></div><div class="io"><span class="content">15. I&#817;saka na ka yee </span><span class="ior"><span class="content">(</span><span class="content">25:19&#8212;28:9</span><span class="content">)</span></span></div><div class="io"><span class="content">16. Yakobbo na ka yee </span><span class="ior"><span class="content">(</span><span class="content">28:10&#8212;35:29</span><span class="content">)</span></span></div><div class="io"><span class="content">17. Esau na ka yee </span><span class="ior"><span class="content">(</span><span class="content">36:1-43</span><span class="content">)</span></span></div><div class="io"><span class="content">18. Baana baani&#817;na Yojeefu&#817; mbamu&#817;ghu&#817;li&#817;ya nga mu&#817;syana </span><span class="ior"><span class="content">(</span><span class="content">37:1-36</span><span class="content">)</span></span></div><div class="io"><span class="content">19. Yu&#817;da na Tamala </span><span class="ior"><span class="content">(</span><span class="content">38:1-30</span><span class="content">)</span></span></div><div class="io"><span class="content">20. Yojeefu&#817; ali Mi&#817;si&#817;li&#817; </span><span class="ior"><span class="content">(</span><span class="content">39:1&#8212;41:57</span><span class="content">)</span></span></div><div class="io"><span class="content">21. Yojeefu&#817; na baana baani&#817;na wee </span><span class="ior"><span class="content">(</span><span class="content">42:1&#8212;45:28</span><span class="content">)</span></span></div><div class="io"><span class="content">22. Yakobbo na ka yee mbaghenda Mi&#817;si&#817;li&#817; </span><span class="ior"><span class="content">(</span><span class="content">46:1&#8212;47:31</span><span class="content">)</span></span></div><div class="io"><span class="content">23. Yakobbo naaha ka yee mi&#817;gi&#817;sa kandi naaku&#817;wa </span><span class="ior"><span class="content">(</span><span class="content">48:1&#8212;50:14</span><span class="content">)</span></span></div><div class="io"><span class="content">24. Yojeefu&#817; naaku&#817;wa </span><span class="ior"><span class="content">(</span><span class="content">50:15-26</span><span class="content">)</span></span></div>
      </div>
   </div>
</div>

Talinga-Bwisi: New Testament and 15 Old Testament books in Lubwisi © Wycliffe Bible Translators, Inc., 2025

Kwanjula
Li̱i̱na Ntandiko likumani̱i̱si̱ya “ndu̱ghi̱i̱li̱lo.” Kitabo kini ki̱bu̱ghi̱yʼo kuhanguwa kwa nsi na eghulu, ndu̱ghi̱i̱li̱lo ya bantu, ntandiko ya kibhi ekyalu̱ghi̱yemu kubona-bona munsi. Ki̱bu̱ghi̱yʼo dhee ntegheka ya Luhanga ya kujuna bantu hamui na nkolangana ya Luhanga na bantu. Kitabo kini kilimu bi̱twi̱ke bibili byamaani̱.
Ki̱twi̱ke kyʼoku̱du̱bha kili mu nsuula 1—11. Ki̱twi̱ke eki ki̱bu̱ghi̱yʼo kuhanguwa kwa nsi, kughuwa kwa muntu, mulingo kibhi kyakaniiyemu munsi, kyaleeteleja Luhanga kuleka maasi ngatungeela munsi. Maasi agha ghaahwelekeeleli̱ya bu̱li̱ kintu, bantu, na bihanguwa byona. Aba ataahwelekeleei̱ye ni Nuha na baa ka yee, hamui na bihanguwa ebi Luhanga aamulaghiiye kutaaha nabiyo mu bwati̱. Ki̱bu̱ghi̱yʼo dhee Nuha na baasukulu be haanu̱ma ya kutungeela kwa maasi. Ki̱todhi̱ye kyabu̱ghʼo kuhanjaagukana kwa bantu, baaleka kukwela kibugha kya Bbabbeeli̱.
Ki̱twi̱ke kyakabili kili mu nsuula 12—50. Ki̱twi̱ke eki ki̱bu̱ghi̱yʼo byafaayo bya baataata baa Banai̱saaleeli̱. Taata wabo wʼoku̱du̱bha oghu ki̱bu̱ghi̱yʼo ni Ebbulahi̱mu̱, oghu akamanuwa haabwa ku̱hi̱ki̱li̱ja kuwe kandi na ku̱hu̱ti̱ya kuwe Luhanga. Du̱mbi̱ haalabhʼo byafaayo bya mutabani̱ wee I̱saka, na Yakobbo muusukulu wa Ebbulahi̱mu̱. Yakobbo baamughilaghamu dhee I̱saaleeli̱. Akaba ali na batabani̱ be eku̱mi̱ na babili. Batabani̱ be aba niibo baatandi̱ki̱i̱si̱ye ntu̱la eku̱mi̱ nʼebili sya I̱saaleeli̱. Kitabo kini ki̱bu̱ghi̱yʼo munu Yojeefu̱ omui mu batabani̱ baa Yakobbo, na ebyaleki̱ye Yakobbo na batabani̱ be banji na maka ghaabo baaghenda kuukala mu ehanga lya Mi̱si̱li̱.
Nankabha kitabo kini ki̱bu̱ghi̱yʼo byafaayo bya bantu, ki̱du̱bhi̱ye ku̱bu̱ghʼo munu mulimo oghu Luhanga aakoli̱ye ghwa kuhanga. Kitandi̱ki̱ye nki̱bu̱gha kwonini ngu Luhanga majima niiye akahanga nsi na eghulu kandi kyamaliilila na ndaghaano ngu Luhanga akweyongela kwoleka ngoku afu̱u̱yʼo bantu be.
Kitabo kini ni kimui haa bitabo bitaano ebi Musa aahandi̱i̱ki̱ye.
Bikulu ebili mu kitabo kini
1. Byafaayo bya kuhanguwa ( 1:1—2:25 )
2. Kibhi kyʼoku̱du̱bha na bu̱ji̱ndi̱ ( 3:1—4:16 )
3. Baasukulu baa Adamu kutungeela kutakabaayʼo ( 4:17—5:32 )
4. Nuha na kutungeela kwa maasi ( 6:1—9:28 )
5. Baasukulu baa Nuha na ngbaali ya Bbabbeeli̱ ( 10:1—11:32 )
6. MUKAMA naakoma Ebbulaamu ( 12:1-20 )
7. Ebbulaamu na Looti̱ ( 13:1—14:24 )
8. MUKAMA naakola ndaghaano na Ebbulaamu ( 15:1-21 )
9. Ebbulaamu, Hagali̱, na Sumai̱li̱ ( 16:1-16 )
10. Luhanga naahindula li̱i̱na lya Ebbulaamu kuba Ebbulahi̱mu̱ kandi naamulaghani̱ja mwana ( 17:1—18:15 )
11. Ebbulahi̱mu̱, Looti̱, Sodomu, na Gomola ( 18:16—19:38 )
12. Ebbulahi̱mu̱, Saala, na I̱saka ( 20:1—23:20 )
13. Lebbeeka, mukali̱ wa I̱saka ( 24:1-67 )
14. Ku̱ku̱wa kwa Ebbulahi̱mu̱ ( 25:1-18 )
15. I̱saka na ka yee ( 25:19—28:9 )
16. Yakobbo na ka yee ( 28:10—35:29 )
17. Esau na ka yee ( 36:1-43 )
18. Baana baani̱na Yojeefu̱ mbamu̱ghu̱li̱ya nga mu̱syana ( 37:1-36 )
19. Yu̱da na Tamala ( 38:1-30 )
20. Yojeefu̱ ali Mi̱si̱li̱ ( 39:1—41:57 )
21. Yojeefu̱ na baana baani̱na wee ( 42:1—45:28 )
22. Yakobbo na ka yee mbaghenda Mi̱si̱li̱ ( 46:1—47:31 )
23. Yakobbo naaha ka yee mi̱gi̱sa kandi naaku̱wa ( 48:1—50:14 )
24. Yojeefu̱ naaku̱wa ( 50:15-26 )

Klausytis Ntandiko Kwanjula