Yalë

<div class="version vid3687 iso6393nce" data-vid="3687" data-iso6393="nce">
 <div class="book bkMRK">
 <div class="chapter ch2" data-usfm="MRK.2">
 <div class="label">2</div><div class="s">Jisas ato mogowa home sle totle</div><div class="p"> 1Na tokwafe, li ol&#235;na, Jisas Kaperneam lifewa ita tuju. Na iniwa oneho Jisas ita k&#235; tigisib&#235; gali aholokwane m&#235;tla. 2Na lebutako oneho Jisasme lowa loko motokweitla. Lo lakewa tle, afloko hana t&#235;be tle. Na ino &#235;fo mata afloko hana t&#235;be. Na Jisas Gotob&#235; gali onehome t&#235; t&#235;tat&#235;me. 3Bu gali mana t&#235; t&#235;taguleb&#235;&#235;, na nilimal&#235; ho, ato mogowa k&#235;t&#235;gebetleb&#235; home Jisas bel&#235; ni labukuna m&#235;tlesula. 4Bu Jisas bel&#235; loliwa yafe m&#235;tlesula kwe lebutako oneho tafa m&#235;tlame n&#235;geme na lo wake tle, na bu loliwa hana m&#235;tlesula. Na bu lo leli el&#235; m&#235;tehilikola na anabali s&#235;sak&#235;fa m&#235;tla, na ni labuku m&#235;ta k&#235; ni t&#235;g&#235;beb&#235; ato mogowa home mana tuku m&#235;t&#235;malitaya Jisasb&#235; elebo li el&#235;. 5Na k&#235; ho melowene lam&#235;tla, &#8220;Jisas eb&#235; ato mogowa home lalowa sle logotlemefe.&#8221; Na k&#235;me tuku m&#235;t&#235;malitaya. Na Jisas bub&#235; lowene wahwi tlot&#235;me na k&#235; ato mogowa home gali tlole, &#8220;O n&#235;ba iko. Bo jub&#235; t&#235;bo aholokwana wafi ti n&#235;let&#235;.&#8221; </div><div class="p"> 6Na Gotob&#235; tafa sle gali lowene sle m&#235;gletlab&#235; ho fli, k&#235; lo m&#235;ta tafa m&#235;telula, na bub&#235; lowene nawa melowene lam&#235;tla, 7&#8220;Bu k&#235;ha gali f&#235;yeme gali l&#235;lene? Bu t&#235;bo homu. Bu Gotome f&#235;yeme boblo lotlene? Bu Gotoha natafa l&#235;glemene? Hee! Ho kwe t&#235;bo lowene aholokwana hana ti l&#235;gleme. Hanane mu. Goto kwe f&#235;yemene, t&#235;bo lowene aholokwana ti l&#235;gleme.&#8221; 8Na Jisas bub&#235; lowenena hokweinawa lalowenewa tlet&#235;me. Na bume takune tlome, &#8220;Sobo k&#235;ha lowenena f&#235;yeme lowene elone? 9Bo bume megali noglol&#235;na, &#8216;Bo jub&#235; t&#235;bo aholokwana wafi ti n&#235;let&#235;,&#8217; sobo habel&#235; lowene lalone, bo bub&#235; t&#235;bo lowene aholokwana ti n&#235;letel&#235;. Sobo k&#235; wesibi hwi hana elolo. Kwe bo bume megali noglol&#235;na, &#8216;Ju huju ele, na jub&#235; lowa ejume.&#8217; Na bu huju l&#235;leme, kwe sobo melowene naegelome, &#8216;Bo Gotob&#235; kal&#235;legona ho, na bo ato t&#235;bona home lalowa sle nogotl&#235;me. Na bo mata hob&#235; t&#235;bo lowene aholokwana lalowa ti n&#235;gletel&#235;me.&#8217; 10Bo metole nanel&#235;, sobo melowene egelome, &#8216;Bo k&#235; n&#235;geb&#235; kwe, Gotob&#235; life mago ho, bo eb&#235; life m&#235;ta, kal&#235;legona homu n&#235;tab&#235;. Na bo t&#235;bo lowene aholokwana lalowa ti n&#235;gletem&#235;me.&#8217;&#8202;&#8221; Na Jisas ato mogowa k&#235;t&#235;g&#235;betleb&#235; home hwi tlole na gali tlole, 11&#8220;Bo jume gali nol&#235;, ju huju ele, na jub&#235; ni labuku glo el&#235;me na jub&#235; lowa ejume.&#8221; 12Na k&#235; ho lahujuwa tle na bub&#235; ni labuku glo tle na hokweinawa latugujuwa. Na iniwa oneho klelego mem&#235;tla na bu Gotome fleflesu m&#235;tletla na megaliwa m&#235;tla, &#8220;Goto lale mu.&#8221; Na bu gali m&#235;tla, &#8220;&#203;tani sebo eb&#235;ha wesibi hwi hana tlola. Hanane mu.&#8221;</div><div class="s">Jisas Livaime gali tlole, &#8220;Ju bome nagi en&#235;n&#235;&#8221;</div><div class="p"> 13Jisas bu Galili lake tu helefowa ita tuju. Na feilawa oneho bu bel&#235; mitisitla na bume Gotob&#235; gali t&#235; t&#235;tat&#235;me. 14Bu tugujub&#235;&#235; na bu Alfiusb&#235; n&#235;ba, Livaime, hwi tlole, bu takis lo tokw&#235;fo m&#235;ta tafa tle. Livai bu takis baliti glo t&#235;glek&#235;feb&#235; ho. Na Jisas bume gali tlole, &#8220;Ju bome nagi en&#235;n&#235;.&#8221; Na Livai fotokoke na bume nagi tel&#235;kakle.</div><div class="p"> 15Tokwafe Jisas Livaib&#235; lo m&#235;ta hi tle. Na feilawa takis baliti k&#235; glo m&#235;glekef&#235;yab&#235; ho na fli t&#235;bo en&#235;ne, bu t&#235;bo lowene m&#235;ta k&#235; tafa m&#235;glab&#235;, bu Jisasna bub&#235; lowene esogo m&#235;glel&#235;tlab&#235; hona hi m&#235;tla. Feilawa k&#235;ha t&#235;bo lowene esogo m&#235;glel&#235;lab&#235; ho bu Jisasme nagi m&#235;tel&#235;kakla. 16Na Gotob&#235; tafa sle gali lowene sle m&#235;gletlab&#235; ho fli, bu lolime tafa m&#235;tla. Bub&#235; weniji mel&#235; l&#235;g&#235;bet&#235;melal&#235;le, Farisi. Na bu Jisasme mehwi motlola, takis baliti k&#235; glo m&#235;glekef&#235;yab&#235; ho name na fli t&#235;bo lowene k&#235; esogo m&#235;glel&#235;lab&#235; ho name hihi tlel&#235;me. Na bu Jisasb&#235; lowene esogo m&#235;glel&#235;tlab&#235; home takune motloma, &#8220;Bu takis baliti k&#235; glo m&#235;glekef&#235;yab&#235; ho name na fli t&#235;bo lowene k&#235; esogo m&#235;glel&#235;lab&#235; en&#235;nename f&#235;yeme hi l&#235;lel&#235;mene? Bu t&#235;bo en&#235;ne mu.&#8221; 17Jisas bu k&#235; gali aholokwane tle na k&#235; Farisi home gali tlome, &#8220;Dokta bu t&#235;bo jwa m&#235;glab&#235; home hana sle logotomeme, hanane mu. Ho t&#235;bo m&#235;glab&#235; kwe f&#235;yemene, dokta bume fwa sle logotomeme. Na bo k&#235; fenene, bo lale lowene k&#235; esogo m&#235;glel&#235;lab&#235; hob&#235; lowene sleme nane tisi. Weye. Bo t&#235;bo lowene k&#235; esogo m&#235;glel&#235;lab&#235; hob&#235; lowene sleme tisi.&#8221;</div><div class="s">Jisas bu hi wesibi k&#235; yo m&#235;tlab&#235; loweneme gali tle</div><div class="p"> 18K&#235; ol&#235;na, Jonb&#235; lowene esogo m&#235;glel&#235;tlab&#235; ho, na Gotob&#235; tafa sle gali lowene sle m&#235;gletlab&#235; ho, Farisi ho, bu hi wesibi yo m&#235;tla, bu Gotome lowene sle nam&#235;gletlame. Na fli en&#235;ne bu Jisasme takune motlola, &#8220;Jonb&#235; lowene esogo m&#235;glel&#235;tlab&#235; ho na Farisib&#235; lowene esogo m&#235;glel&#235;t&#235;mab&#235; ho, bu hi wesibi f&#235;yeme yo melekef&#235;yane kwe jub&#235; lowene esogo m&#235;lel&#235;t&#235;yob&#235; ho, bu hi wesibi yo jwa f&#235;yeme melekef&#235;yane? Hi wesibi yo lowene, eb&#235; lale lowene mu.&#8221; 19Na Jisas bume gali tlome, &#8220;Ho m&#235;se sei l&#235;glena, bub&#235; yabenino hi wesibi yo m&#235;glamene? Weye. Hanane yo m&#235;glame. K&#235; ho bub&#235; yabenina mana tafa m&#235;glana, kwe bu hi wesibi hana yo m&#235;glame. Hanane mu. Bu fleflesuna feilawa hi wesibi hi m&#235;glame. 20Kwe tokwafe, bu k&#235; home bu mago m&#235;glelulana, kwe mana bub&#235; hi wesibi hana hi m&#235;glame. Bu iniwa yo m&#235;glame.&#8221;</div><div class="p"> 21Jisas megali latlome, &#8220;&#203;tanifu lowenena, tiho lowenena iniwa hana sago m&#235;gleme.&#8221; Na bu eb&#235;me mewafl&#235; gali tle, &#8220;Ho li bu h&#235;no &#235;ho, tiho &#235;ho katabona hana susu logotleme. Bu mel&#235; l&#235;glena na k&#235; &#235;ho swa logotlena kwe k&#235; tiho &#235;ho katabob&#235; fofogo l&#235;gleme na h&#235;no &#235;home lahol&#235;yewa lotleme na fuluju takowa l&#235;beme. 22Na ho li bu tiho wain taba liji tu, &#235;tanifu m&#235;m&#235; kleli jibona k&#235; bl&#235;ge bl&#235;ge mototlab&#235; botolo m&#235;ta hana w&#235; logotleme. Bu mel&#235; l&#235;glena, na k&#235; tiho wain taba liji tu s&#235;se l&#235;glena, kwe &#235;tanifu m&#235;m&#235; kleli jibo botolome bule logotleme na wain taba liji tu na m&#235;m&#235; kleli jibo botolona iniwa t&#235;bo m&#235;gleme. Ho li bu k&#235;ha mel&#235; hana logotleme. Weye. Bu tiho wain taba liji tu, tiho m&#235;m&#235; kleli jibo botolo m&#235;ta w&#235; logotleme. Na bu hana bule l&#235;gleme.&#8221;</div><div class="s">Jisas bu tafawa ol&#235;na wege jwa nam&#235;glame loweneme gali tlome</div><div class="p"> 23Jisasna bub&#235; lowene esogo m&#235;glel&#235;tlab&#235; hona tafawa ol&#235;na nuju kukuwa tlelume. Na bub&#235; lowene esogo m&#235;glel&#235;tlab&#235; ho, witi liji hi wesibi al&#235;ge al&#235;ge t&#235;tl&#235;wa motokouja. 24Na Gotob&#235; tafa sle gali lowene sle m&#235;gletlab&#235; ho, Farisi ho, bu Jisasme takune motlola, &#8220;&#203;je, eb&#235; tafawa ol&#235;. Jub&#235; lowene esogo m&#235;lel&#235;t&#235;yob&#235; ho, bu tafawa ol&#235;na nuju mago hi wesibi f&#235;yeme t&#235;tl&#235; m&#235;lane, bu tafawa ol&#235;na f&#235;yeme wege m&#235;lane? Moses bu &#235;tani k&#235; loweneb&#235;me tako heh&#235; latle.&#8221;</div><div class="p"> 25-26Na kwe Jisas bume gali tafu t&#235;tat&#235;me. &#8220;Sobo, sebob&#235; &#235;tanifu eso ho, Devitb&#235; anebo gali, Gotob&#235; bogo mago, hwi sle hana elotelone? Gotob&#235; bogo megali lala, &#235;tanimu, Abiatar bu lotu lo m&#235;ta wege m&#235;glab&#235; en&#235;neb&#235; eso ho tafa tle. Na Devit, buna k&#235; tafa t&#235;glel&#235;meb&#235; ho, bu hi wesibi hanane na foneme gigli mem&#235;tla. Na Devit bu Gotob&#235; lowa t&#235;kaklu na bu Gotob&#235; naba li m&#235;ta k&#235; gogwa m&#235;tlab&#235; blet&#235; nage hi tle. K&#235; blet&#235; nage, Gotome k&#235; gogwa m&#235;tletlab&#235;, atwati oneho hana hi m&#235;glame. Lotu lo m&#235;ta k&#235; wege m&#235;glab&#235; howa hi m&#235;glame. Kwe Devit k&#235; blet&#235; nage fa totle na bume k&#235; tafa t&#235;glel&#235;meb&#235; home sa t&#235;tat&#235;me na bu iniwa hi tlel&#235;me. Kwe bu t&#235;bo lowene nane m&#235;tla. Na bob&#235; lowene esogo m&#235;glel&#235;tenab&#235; ho mata, bu t&#235;bo lowene nane m&#235;tla.&#8221;</div><div class="p"> 27Na Jisas bu li gali megali tlome, &#8220;Goto onehome afina bl&#235;ge bl&#235;ge totome na tafawa ol&#235; mana bl&#235;ge totle, onehome l&#235;gaitame nal&#235;gleme, k&#235; ol&#235;na tafawa nam&#235;glame. 28Kwe bo k&#235; n&#235;geb&#235; kwe, Gotob&#235; life mago ho, bo tafawa ol&#235;b&#235; eso ho n&#235;tab&#235;.&#8221;</div>
 </div>
 </div>
</div>

Na tokwafe, li olëna, Jisas Kaperneam lifewa ita tuju. Na iniwa oneho Jisas ita kë tigisibë gali aholokwane mëtla. Na lebutako oneho Jisasme lowa loko motokweitla. Lo lakewa tle, afloko hana tëbe tle. Na ino ëfo mata afloko hana tëbe. Na Jisas Gotobë gali onehome të tëtatëme. Bu gali mana të tëtagulebëë, na nilimalë ho, ato mogowa këtëgebetlebë home Jisas belë ni labukuna mëtlesula. Bu Jisas belë loliwa yafe mëtlesula kwe lebutako oneho tafa mëtlame nëgeme na lo wake tle, na bu loliwa hana mëtlesula. Na bu lo leli elë mëtehilikola na anabali sësakëfa mëtla, na ni labuku mëta kë ni tëgëbebë ato mogowa home mana tuku mëtëmalitaya Jisasbë elebo li elë. Na kë ho melowene lamëtla, “Jisas ebë ato mogowa home lalowa sle logotlemefe.” Na këme tuku mëtëmalitaya. Na Jisas bubë lowene wahwi tlotëme na kë ato mogowa home gali tlole, “O nëba iko. Bo jubë tëbo aholokwana wafi ti nëletë.”
Na Gotobë tafa sle gali lowene sle mëgletlabë ho fli, kë lo mëta tafa mëtelula, na bubë lowene nawa melowene lamëtla, “Bu këha gali fëyeme gali lëlene? Bu tëbo homu. Bu Gotome fëyeme boblo lotlene? Bu Gotoha natafa lëglemene? Hee! Ho kwe tëbo lowene aholokwana hana ti lëgleme. Hanane mu. Goto kwe fëyemene, tëbo lowene aholokwana ti lëgleme.” Na Jisas bubë lowenena hokweinawa lalowenewa tletëme. Na bume takune tlome, “Sobo këha lowenena fëyeme lowene elone? Bo bume megali noglolëna, ‘Bo jubë tëbo aholokwana wafi ti nëletë,’ sobo habelë lowene lalone, bo bubë tëbo lowene aholokwana ti nëletelë. Sobo kë wesibi hwi hana elolo. Kwe bo bume megali noglolëna, ‘Ju huju ele, na jubë lowa ejume.’ Na bu huju lëleme, kwe sobo melowene naegelome, ‘Bo Gotobë kalëlegona ho, na bo ato tëbona home lalowa sle nogotlëme. Na bo mata hobë tëbo lowene aholokwana lalowa ti nëgletelëme.’ Bo metole nanelë, sobo melowene egelome, ‘Bo kë nëgebë kwe, Gotobë life mago ho, bo ebë life mëta, kalëlegona homu nëtabë. Na bo tëbo lowene aholokwana lalowa ti nëgletemëme.’ ” Na Jisas ato mogowa këtëgëbetlebë home hwi tlole na gali tlole, “Bo jume gali nolë, ju huju ele, na jubë ni labuku glo elëme na jubë lowa ejume.” Na kë ho lahujuwa tle na bubë ni labuku glo tle na hokweinawa latugujuwa. Na iniwa oneho klelego memëtla na bu Gotome fleflesu mëtletla na megaliwa mëtla, “Goto lale mu.” Na bu gali mëtla, “Ëtani sebo ebëha wesibi hwi hana tlola. Hanane mu.”

Jisas bu Galili lake tu helefowa ita tuju. Na feilawa oneho bu belë mitisitla na bume Gotobë gali të tëtatëme. Bu tugujubëë na bu Alfiusbë nëba, Livaime, hwi tlole, bu takis lo tokwëfo mëta tafa tle. Livai bu takis baliti glo tëglekëfebë ho. Na Jisas bume gali tlole, “Ju bome nagi enënë.” Na Livai fotokoke na bume nagi telëkakle.
Tokwafe Jisas Livaibë lo mëta hi tle. Na feilawa takis baliti kë glo mëglekefëyabë ho na fli tëbo enëne, bu tëbo lowene mëta kë tafa mëglabë, bu Jisasna bubë lowene esogo mëglelëtlabë hona hi mëtla. Feilawa këha tëbo lowene esogo mëglelëlabë ho bu Jisasme nagi mëtelëkakla. Na Gotobë tafa sle gali lowene sle mëgletlabë ho fli, bu lolime tafa mëtla. Bubë weniji melë lëgëbetëmelalële, Farisi. Na bu Jisasme mehwi motlola, takis baliti kë glo mëglekefëyabë ho name na fli tëbo lowene kë esogo mëglelëlabë ho name hihi tlelëme. Na bu Jisasbë lowene esogo mëglelëtlabë home takune motloma, “Bu takis baliti kë glo mëglekefëyabë ho name na fli tëbo lowene kë esogo mëglelëlabë enënename fëyeme hi lëlelëmene? Bu tëbo enëne mu.” Jisas bu kë gali aholokwane tle na kë Farisi home gali tlome, “Dokta bu tëbo jwa mëglabë home hana sle logotomeme, hanane mu. Ho tëbo mëglabë kwe fëyemene, dokta bume fwa sle logotomeme. Na bo kë fenene, bo lale lowene kë esogo mëglelëlabë hobë lowene sleme nane tisi. Weye. Bo tëbo lowene kë esogo mëglelëlabë hobë lowene sleme tisi.”

Kë olëna, Jonbë lowene esogo mëglelëtlabë ho, na Gotobë tafa sle gali lowene sle mëgletlabë ho, Farisi ho, bu hi wesibi yo mëtla, bu Gotome lowene sle namëgletlame. Na fli enëne bu Jisasme takune motlola, “Jonbë lowene esogo mëglelëtlabë ho na Farisibë lowene esogo mëglelëtëmabë ho, bu hi wesibi fëyeme yo melekefëyane kwe jubë lowene esogo mëlelëtëyobë ho, bu hi wesibi yo jwa fëyeme melekefëyane? Hi wesibi yo lowene, ebë lale lowene mu.” Na Jisas bume gali tlome, “Ho mëse sei lëglena, bubë yabenino hi wesibi yo mëglamene? Weye. Hanane yo mëglame. Kë ho bubë yabenina mana tafa mëglana, kwe bu hi wesibi hana yo mëglame. Hanane mu. Bu fleflesuna feilawa hi wesibi hi mëglame. Kwe tokwafe, bu kë home bu mago mëglelulana, kwe mana bubë hi wesibi hana hi mëglame. Bu iniwa yo mëglame.”
Jisas megali latlome, “Ëtanifu lowenena, tiho lowenena iniwa hana sago mëgleme.” Na bu ebëme mewaflë gali tle, “Ho li bu hëno ëho, tiho ëho katabona hana susu logotleme. Bu melë lëglena na kë ëho swa logotlena kwe kë tiho ëho katabobë fofogo lëgleme na hëno ëhome laholëyewa lotleme na fuluju takowa lëbeme. Na ho li bu tiho wain taba liji tu, ëtanifu mëmë kleli jibona kë blëge blëge mototlabë botolo mëta hana wë logotleme. Bu melë lëglena, na kë tiho wain taba liji tu sëse lëglena, kwe ëtanifu mëmë kleli jibo botolome bule logotleme na wain taba liji tu na mëmë kleli jibo botolona iniwa tëbo mëgleme. Ho li bu këha melë hana logotleme. Weye. Bu tiho wain taba liji tu, tiho mëmë kleli jibo botolo mëta wë logotleme. Na bu hana bule lëgleme.”

Jisasna bubë lowene esogo mëglelëtlabë hona tafawa olëna nuju kukuwa tlelume. Na bubë lowene esogo mëglelëtlabë ho, witi liji hi wesibi alëge alëge tëtlëwa motokouja. Na Gotobë tafa sle gali lowene sle mëgletlabë ho, Farisi ho, bu Jisasme takune motlola, “Ëje, ebë tafawa olë. Jubë lowene esogo mëlelëtëyobë ho, bu tafawa olëna nuju mago hi wesibi fëyeme tëtlë mëlane, bu tafawa olëna fëyeme wege mëlane? Moses bu ëtani kë lowenebëme tako hehë latle.”
Na kwe Jisas bume gali tafu tëtatëme. “Sobo, sebobë ëtanifu eso ho, Devitbë anebo gali, Gotobë bogo mago, hwi sle hana elotelone? Gotobë bogo megali lala, ëtanimu, Abiatar bu lotu lo mëta wege mëglabë enënebë eso ho tafa tle. Na Devit, buna kë tafa tëglelëmebë ho, bu hi wesibi hanane na foneme gigli memëtla. Na Devit bu Gotobë lowa tëkaklu na bu Gotobë naba li mëta kë gogwa mëtlabë bletë nage hi tle. Kë bletë nage, Gotome kë gogwa mëtletlabë, atwati oneho hana hi mëglame. Lotu lo mëta kë wege mëglabë howa hi mëglame. Kwe Devit kë bletë nage fa totle na bume kë tafa tëglelëmebë home sa tëtatëme na bu iniwa hi tlelëme. Kwe bu tëbo lowene nane mëtla. Na bobë lowene esogo mëglelëtenabë ho mata, bu tëbo lowene nane mëtla.”
Na Jisas bu li gali megali tlome, “Goto onehome afina blëge blëge totome na tafawa olë mana blëge totle, onehome lëgaitame nalëgleme, kë olëna tafawa namëglame. Kwe bo kë nëgebë kwe, Gotobë life mago ho, bo tafawa olëbë eso ho nëtabë.”

Klausytis Mak 2