Riang

<div class="version vid3263 iso6393ril" data-vid="3263" data-iso6393="ril">
 <div class="book bkMRK">
 <div class="chapter ch5" data-usfm="MRK.5">
 <div class="label">5</div><div class="s">Yesuhz wah phiz ruakz lae kaai ihz hawkz</div><div class="r">(Matthe 8:28-34, Lukas 8:26-39)</div><div class="p"> 1Waaiz an diz, Yesuhz boh teu paez keui lan phraeoz eungz Kerasin#Matthe 8:28, Lukas 8:26, thaz tui omz nawngz Kalile. 2Meuz Yesuhz lae thaz ceun luang ne, maang ihz hawkz phiz kut hnhz, lae truz thaz ruk peun lu ne truz saanyz pao aacz ngaai Hnhz. 3Ihz an diz moh tuhz ruk peun lu, yaeh nam pae hnhz, leh nuarz hirz mat mok kaw nam bawnz. 4Leh nuarz hirz kai mat mok tihz cawng hnhz heungz laehz baaiz, keuiz daz hnhz tiut teuk teutz tang nuarz hirz. Yaeh nam pae mat bawnz hnhz. 5Hnhz raak tuhz ruk peun lu boh kaai rang klawhz seu ngihz klawhz borz, hnhz leh reu aangz pacz saetz toz daehz.</div><div class="p"> 6Meuz hnhz awlz Yesuhz thaz meuz teun yaan ne, wang lan cu, seuk deumz aacz ngaai Hnhz, 7raak keurz daz, &#8220;Yesuhz, Kuanz Phraz Pen Caoh an trawng dutz aez, sunz cih seu naez kaai ohz? Ohz maanyz Tahz ehz ohz teung kaao tawz Phraz Pen Caoh, yak cih aez ohz peur teuk,&#8221; 8Ihz an diz tawngz paan ceun diz ne kawp Yesuhz a wa wah thengz phiz ne daz, &#8220;Lae lan thaz hnhz raez.&#8221;</div><div class="p"> 9Yesuhz maanyz hnhz, &#8220;Mus mih daz naehz?&#8221;</div><div class="p">Ihz an diz kaw daz, &#8220;Mus Ohz daz Phiz Wungz, kawp daz ehz naeh heungz baaiz.&#8221; 10Phiz keui maanyz Hnhz mawh mawh heungz heungz, yak aez wah plaez daehz thaz prih an diz.</div><div class="p"> 11Rim aarz diz, maang lek wungz mawh suamz boh paerz rang ne. 12Phiz keui maanyz, &#8220;Aez ehz bawnz kut tuhz wungz lek keu diz.&#8221; 13Yesuhz kaw aez keuh kut. Phiz keu diz kaw lae lan thaz ihz an diz, kut tuhz wungz lek, lek keui teur aacz daehz teuk basz wang cur tawiz paerz rang, leucz yam tuhz omz. Lek keui raenz naeh seu aarz rengz.</div><div class="p"> 14Ihz khaenz lek keui wang lan lao ihz tawiz weng tawiz pruh. Ihz keui kaw teur aacz daehz rip truz yawt an a wa naeh peun. 15Meuz keuh phraeoz truz tawz Yesuhz ne, keuh awlz ihz an phiz kut ne keu dez boh a diz kap boh kreung, awlz tang phawmz hnhz a wa rak mial rae, keuh kaw khranz. 16Ihz an awlz ihz phiz kut boh lek keu diz, mial lao plaez ihz an truz thaz puatz keui nahz.</div><div class="p"> 17Meuz ceun diz, keuh cao Yesuhz lae lan thaz prih daehz.</div><div class="p"> 18Meuz Yesuhz kut tuhz ceun luang, ihz an phiz a wa lae kaai hnhz ne maanyz lan tawiz Hnhz.</div><div class="p"> 19Keuiz daz, Yesuhz daz, &#8220;Mih yak truz tawiz Ohz, weng cu lang kaang pehz lao plaez kuanz mai pehz nahz, lawng an Phraz Cen Cen teur yawng mih, cih kez cuz tawz mih thanz teur nae ne.&#8221;</div><div class="p"> 20Ihz an diz kaw weng krai plaez ihz nahz lawng an Phraz Cen Cen cih kez cuz kaai daehz tawz prih Dekapolis. Ihz an bawnz ngarz keui kaw teur aacz daehz sangz baaiz.</div><div class="s">Kuanz Yairus boh keun nyah thawkz naamz</div><div class="r">(Matthe 9:18-26, Lukas 8:40-56)</div><div class="p"> 21Meuz Yesuhz mial lo lan thaz tui omz, meuz Hnhz yeung naeh waar omz ne, ihz heungz baaiz teur aacz daehz truz cu Hnhz. 22Meuz diz luat, Yairus an naeh ihz mawh crawp rawz traz hawkz ne, truz seuk deumz aacz ngaai Hnhz 23maanyz daz, &#8220;Kuanz keun nyah ohz ngaz yam. Han! Weng kaang ehz, leh tihz Mih taangz kaai hnhz, beuk cih ceun diz hnhz te moh rak te nam yam.&#8221;</div><div class="p"> 24Yesuhz kaw weng tawiz Yairus, ihz keui teur aacz daehz prawk teu Hnhz.</div><div class="p"> 25Meuz ceun diz, maang keun nyah hawkz, thawkz naamz ta seu kawlz aarz wit. 26Hnhz a wa seuk neum heungz ti baaiz, ron khamz seu hnhz maang keui a wa hacz kaw nam kian baaiz yeung na. 27Hnhz ngarz reu oiz Yesuhz, hnhz lan tawiz teu kreung Hnhz. 28Hnhz daz tuhz phawmz daehz, &#8220;Beuk ohz bawnz teu kreung Hnhz kaw, an ohz penz ne te bilz.&#8221;</div><div class="p"> 29Meuz ceun diz naamz hnhz kaw eutz luat. Hnhz mas kaai toz daehz a wa bilz. 30Yesuhz mas taanz khoz lae thaz toz Daehz ne waaiz cu yawt ihz maanyz daz, &#8220;Yaeh teu kreung Ohz lah?&#8221;</div><div class="p"> 31Teu paez Hnhz keui kaw daz, &#8220;Ihz heungz thanz teur ni teur aacz daehz prawk teu boh Mih ne caang daz maanyz, &#8216;Yaeh teu Ohz lah?&#8217;&#8221;</div><div class="p"> 32Yesuhz yeung waaiz yawt takz dahz takz kaaiz kawp sunz mas ihz an teu kreung Daehz. 33Keun nyah an diz kaw doz teur ceus kawp daz hnhz mas reung naeh kaai daehz, truz seuk deumz aacz ngaai Yesuhz. Hnhz lao plaez Yesuhz nahz lawng an daehz cih hacz aamz. 34Yesuhz kaw daz, &#8220;Kuanz, kawp mih yum rae a wa bilz. Lan nimz nimz raez. Mih a wa bilz.&#8221;</div><div class="p"> 35Meuz daz boh ceun diz ne, maang ihz truz thaz kaang Yairus, truz lao daz Hnhz nahz, &#8220;Kuanz keun nyah mih a wa yam, cih naehz lah yeung tawiz sukz boh Tahz Sra a?&#8221;</div><div class="p"> 36Yesuhz kaw ngarz tang Daehz rae daz Yairus nahz, &#8220;Yak doz, lo yum pan.&#8221; 37Waaiz an diz, Tahz Yesuhz nam aez ihz lan tawiz Daehz, Petros, Yakop boh seum bohz hnhz Yohn pan aez lan tawiz a. 38Meuz keuh phraeoz a kaang ihz mawh crawp rawz traz ne, keuh awlz ihz keui ronyz, raak yaam boh a diz. 39Yesuhz kut tuhz kaang keuh ne maanyz keuh, &#8220;Cih naehz lah, pehz daz yaam a? Kuanz ihz ne nam yam keuiz, naeh hnhz yaetz reuk ngeut pan.&#8221;</div><div class="p"> 40Keuh kaw ngot keulz Hnhz. Yesuhz aez keuh lae thaz nawk rae, mah paz kuanz ihz tang teu paez Hnhz keui kut cu tuhz lukz kuanz keun nyah ne, 41Hnhz tawnz tang tihz kuanz keun nyah ne daz, &#8220;Talitha kum,&#8221; an loz daz, &#8220;Kuanz! Ohz daz mih nahz, rawi raez.&#8221;</div><div class="p"> 42Meuz diz luat hnhz kaw rawi nuar. A saak kuanz keun nyah an diz naeh seu kawlz aarz khopz. Ihz keui teur aacz daehz sangz baaiz. 43Yesuhz seumz mok mawn mawn tawz keuh, yak aez keuh lao ihz nahz lawng an ni. Waaiz an diz, Hnhz cao keuh aez seum suamz ta kuanz keun nyah kyehz ne nahz.</div>
 </div>
 </div>
</div>

Waaiz an diz, Yesuhz boh teu paez keui lan phraeoz eungz Kerasin, thaz tui omz nawngz Kalile. Meuz Yesuhz lae thaz ceun luang ne, maang ihz hawkz phiz kut hnhz, lae truz thaz ruk peun lu ne truz saanyz pao aacz ngaai Hnhz. Ihz an diz moh tuhz ruk peun lu, yaeh nam pae hnhz, leh nuarz hirz mat mok kaw nam bawnz. Leh nuarz hirz kai mat mok tihz cawng hnhz heungz laehz baaiz, keuiz daz hnhz tiut teuk teutz tang nuarz hirz. Yaeh nam pae mat bawnz hnhz. Hnhz raak tuhz ruk peun lu boh kaai rang klawhz seu ngihz klawhz borz, hnhz leh reu aangz pacz saetz toz daehz.
Meuz hnhz awlz Yesuhz thaz meuz teun yaan ne, wang lan cu, seuk deumz aacz ngaai Hnhz, raak keurz daz, “Yesuhz, Kuanz Phraz Pen Caoh an trawng dutz aez, sunz cih seu naez kaai ohz? Ohz maanyz Tahz ehz ohz teung kaao tawz Phraz Pen Caoh, yak cih aez ohz peur teuk,” Ihz an diz tawngz paan ceun diz ne kawp Yesuhz a wa wah thengz phiz ne daz, “Lae lan thaz hnhz raez.”
Yesuhz maanyz hnhz, “Mus mih daz naehz?”
Ihz an diz kaw daz, “Mus Ohz daz Phiz Wungz, kawp daz ehz naeh heungz baaiz.” Phiz keui maanyz Hnhz mawh mawh heungz heungz, yak aez wah plaez daehz thaz prih an diz.
Rim aarz diz, maang lek wungz mawh suamz boh paerz rang ne. Phiz keui maanyz, “Aez ehz bawnz kut tuhz wungz lek keu diz.” Yesuhz kaw aez keuh kut. Phiz keu diz kaw lae lan thaz ihz an diz, kut tuhz wungz lek, lek keui teur aacz daehz teuk basz wang cur tawiz paerz rang, leucz yam tuhz omz. Lek keui raenz naeh seu aarz rengz.
Ihz khaenz lek keui wang lan lao ihz tawiz weng tawiz pruh. Ihz keui kaw teur aacz daehz rip truz yawt an a wa naeh peun. Meuz keuh phraeoz truz tawz Yesuhz ne, keuh awlz ihz an phiz kut ne keu dez boh a diz kap boh kreung, awlz tang phawmz hnhz a wa rak mial rae, keuh kaw khranz. Ihz an awlz ihz phiz kut boh lek keu diz, mial lao plaez ihz an truz thaz puatz keui nahz.
Meuz ceun diz, keuh cao Yesuhz lae lan thaz prih daehz.
Meuz Yesuhz kut tuhz ceun luang, ihz an phiz a wa lae kaai hnhz ne maanyz lan tawiz Hnhz.
Keuiz daz, Yesuhz daz, “Mih yak truz tawiz Ohz, weng cu lang kaang pehz lao plaez kuanz mai pehz nahz, lawng an Phraz Cen Cen teur yawng mih, cih kez cuz tawz mih thanz teur nae ne.”
Ihz an diz kaw weng krai plaez ihz nahz lawng an Phraz Cen Cen cih kez cuz kaai daehz tawz prih Dekapolis. Ihz an bawnz ngarz keui kaw teur aacz daehz sangz baaiz.


Meuz Yesuhz mial lo lan thaz tui omz, meuz Hnhz yeung naeh waar omz ne, ihz heungz baaiz teur aacz daehz truz cu Hnhz. Meuz diz luat, Yairus an naeh ihz mawh crawp rawz traz hawkz ne, truz seuk deumz aacz ngaai Hnhz maanyz daz, “Kuanz keun nyah ohz ngaz yam. Han! Weng kaang ehz, leh tihz Mih taangz kaai hnhz, beuk cih ceun diz hnhz te moh rak te nam yam.”
Yesuhz kaw weng tawiz Yairus, ihz keui teur aacz daehz prawk teu Hnhz.
Meuz ceun diz, maang keun nyah hawkz, thawkz naamz ta seu kawlz aarz wit. Hnhz a wa seuk neum heungz ti baaiz, ron khamz seu hnhz maang keui a wa hacz kaw nam kian baaiz yeung na. Hnhz ngarz reu oiz Yesuhz, hnhz lan tawiz teu kreung Hnhz. Hnhz daz tuhz phawmz daehz, “Beuk ohz bawnz teu kreung Hnhz kaw, an ohz penz ne te bilz.”
Meuz ceun diz naamz hnhz kaw eutz luat. Hnhz mas kaai toz daehz a wa bilz. Yesuhz mas taanz khoz lae thaz toz Daehz ne waaiz cu yawt ihz maanyz daz, “Yaeh teu kreung Ohz lah?”
Teu paez Hnhz keui kaw daz, “Ihz heungz thanz teur ni teur aacz daehz prawk teu boh Mih ne caang daz maanyz, ‘Yaeh teu Ohz lah?’”
Yesuhz yeung waaiz yawt takz dahz takz kaaiz kawp sunz mas ihz an teu kreung Daehz. Keun nyah an diz kaw doz teur ceus kawp daz hnhz mas reung naeh kaai daehz, truz seuk deumz aacz ngaai Yesuhz. Hnhz lao plaez Yesuhz nahz lawng an daehz cih hacz aamz. Yesuhz kaw daz, “Kuanz, kawp mih yum rae a wa bilz. Lan nimz nimz raez. Mih a wa bilz.”
Meuz daz boh ceun diz ne, maang ihz truz thaz kaang Yairus, truz lao daz Hnhz nahz, “Kuanz keun nyah mih a wa yam, cih naehz lah yeung tawiz sukz boh Tahz Sra a?”
Yesuhz kaw ngarz tang Daehz rae daz Yairus nahz, “Yak doz, lo yum pan.” Waaiz an diz, Tahz Yesuhz nam aez ihz lan tawiz Daehz, Petros, Yakop boh seum bohz hnhz Yohn pan aez lan tawiz a. Meuz keuh phraeoz a kaang ihz mawh crawp rawz traz ne, keuh awlz ihz keui ronyz, raak yaam boh a diz. Yesuhz kut tuhz kaang keuh ne maanyz keuh, “Cih naehz lah, pehz daz yaam a? Kuanz ihz ne nam yam keuiz, naeh hnhz yaetz reuk ngeut pan.”
Keuh kaw ngot keulz Hnhz. Yesuhz aez keuh lae thaz nawk rae, mah paz kuanz ihz tang teu paez Hnhz keui kut cu tuhz lukz kuanz keun nyah ne, Hnhz tawnz tang tihz kuanz keun nyah ne daz, “Talitha kum,” an loz daz, “Kuanz! Ohz daz mih nahz, rawi raez.”
Meuz diz luat hnhz kaw rawi nuar. A saak kuanz keun nyah an diz naeh seu kawlz aarz khopz. Ihz keui teur aacz daehz sangz baaiz. Yesuhz seumz mok mawn mawn tawz keuh, yak aez keuh lao ihz nahz lawng an ni. Waaiz an diz, Hnhz cao keuh aez seum suamz ta kuanz keun nyah kyehz ne nahz.

Klausytis Markus 5