The Revised Maasai Bible © 2018, Bible Society of Kenya www.biblesociety-kenya.org The Revised Maasai Audio Bible ℗ 2019, Davar Partners International (Audio) www.davaraudiobibles.org God's word open for all

The Revised Maasai Bible

<div class="version vid3064 iso6393mas" data-vid="3064" data-iso6393="mas">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Yesu o lalashera lenyena</div><div class="p"> 1Ore pee eidipayu kuna baa nemanaa Yesu te Galilaya, amu meyieu nemanaa te Yudea te nkaraki naing'oru Lyahudi pee ear ninye metua. 2#Ilaw 23.34; Enkig 16.13Netinyikua osirua loo Lyahudi, aa osirua loo lng'oborri. 3Neaku etiakita lalashera lenyena ninye, &#8220;Tung'uai ene shomo Yudea, pee edol sii ninche lkipaareta linono isiaaitin niasita. 4Amu meetae oloas ai bae too nkisudorot laa keyieu ninye openy neliooyu aibalayu. Tenaa iasita iyie nena baa aibalunye, imbalakinye kewan enkop.&#8221; 5Amu eitu doi eiruk ilalashera lenyena ninye. 6Nejoki Yesu ninche, &#8220;Eton eitu ebau enkata ai, kake ore te ntae keishiaa erishata pooki. 7Meidim enkop aibayu intae, kake kaaiba nanu, amu kaishakenoki nchere kaarruok iasat enyena. 8Elepa intae enchom osirua. Mailep nanu alo ele sirua amu eton eitu ebaya enkata ai.&#8221; 9Ore pee eidip atiaki ninche nejia, nebik te Galilaya.</div><div class="s">Yesu to sirua loo lng'oborri</div><div class="p"> 10Ore eidipa lalashera lenyena aailepa aashom ilo sirua, neitoki sii ninye Yesu alo, neitu eitalio kewan, kake etiu anaa keisudori. 11Neaku keing'oru ninye Lyahudi teine to sirua, nejo, &#8220;Koree ninye?&#8221; 12Netii olong'unyung'unyi atua esiamo te nkaraki ninye, ejo kulikae, &#8220;Oltung'ani supat,&#8221; nejo kulikae, &#8220;A'a keitapong'oo ninye olorere.&#8221; 13Kake ore eyia nejia metii hoo obo oimaki ninye aibalunye eure Lyahudi.</div><div class="p"> 14Ore pee eitorito ilo sirua, neilep Yesu ajing enkaji e Nkai, neiteru aiteng'enisho. 15Neing'asia Ilyahudi nejo, &#8220;Kaji eiko pee eyiolo ele tung'ani isirat, neitu ae kata eiteng'eni?&#8221; 16Newaliki Yesu nejoki ninche, &#8220;Mme enaai enkiteng'enare naata, kake ene ilo laairriwua. 17Te nenyorraa oltung'ani aas eyieunoto e Nkai, keyiolou ineina kiteng'enare, te naa ke Nkai eing'uaa aashu te naa ai te nkitoria ai makewan airo. 18Ore oloiro makewan, enchunet enye makewan eing'oru; kake ore ilo oing'oru enchunet e ilo oirriwua, nesipa ninye, nemetii inemesipa atua ninye. 19Keitu eisho intae Musa nkitanapat? Nemetii obo linyi oibung'ita nena kitanapat. Kainyoo pee king'oruru aar nanu?&#8221; 20Newaliki olorere aajoki, &#8220;Aiata oloirirua, Aing'ae liking'oru aar?&#8221; 21Newaliki Yesu ajoki ninche, &#8220;Ataasa esiaai nabo ning'asiate pooki. 22#Ilaw 12.3; Enk 17.10Te nkaraki ena pee eishoo intae Musa emuratare, (neme Musa doi eing'uaa kake lelo loo papa), nimuratata intae oltung'ani te nkolong e Sabato. 23#Yhn 5.9Amaa amu kemurati oltung'ani te nkolong e Sabato pee megili nkitanapat e Musa, oo pee kigorokinono intae nanu amu aitaa oltung'ani biyoto katukul te nkolong e Sabato? 24Eminguanare too naalioo, kake enguanare te nkiguana oo sipat.&#8221;</div><div class="s">Kele doi Mesia?</div><div class="p"> 25Nejo kulikae le Yerusalem, &#8220;Aime ele tung'ani doi eing'oru enkitoria aar metua? 26Kake eng'ura eiro aibalie, neitu ejoki ninche ae. Keidimayu sa metaa keyiolo ilooitoreisho aajo ele Kristo? 27Kake ore ele eikiyiolo eneing'uaa. Naa tenelioyu kenya ilo oji Kristo aibalayu nemeetae oloyiolo eneing'uaa ninye.&#8221; 28Te nkaraki ina pee etabuaa Yesu te nkaji e Nkai eiteng'enisho ejo, &#8220;Eikiyiololo nanu niyiololo enaing'uaa. Neitu alotu te yieunoto ai makewan, kake ore ilo laairriwua ninye osipa, naa ninye miyiololo. 29Kayiolo nanu ninye, amu ninye aing'uaa naa ninye laairriwua.&#8221; 30Neing'oru ninche eneiko pee eibung ninye, kake metii obo oiteleikia enkaina ninye, amu eton eitu ebau esaa enye.</div><div class="p"> 31Neiruk ilkumok ninye tiatua olorere, nejo, &#8220;Amaa te nelotu Kristo, keas inkitoduaat kumok naalang inaasita ele tung'ani?&#8221;</div><div class="s">Eirriwayioki larripok meibung'a Yesu</div><div class="p"> 32Nening Ilfarisayo eimaki esiamo nena baa enyena, neirriwaa lapolosak kituaak o Lfarisayo larripok meshomo aaibung ninye. 33Nejoki Yesu ninche, &#8220;Eng'or enkiti kata eton atii tenebo intae, pee aitoki alo enetii ilo laairriwua. 34Aikiyiookiki aaing'oru, kake mikitumutumu, ore enatii nimindimidimi aaetu.&#8221; 35Nejokino Lyahudi maate, &#8220;Kaji ejo pee elo, nimikitumie? Kejo pee elo enetii Lyahudi ooidapashakinote Ilyunani, nelo aiteng'en Ilyunani? 36Kalo rorei ele otejo, &#8216;Aikiyiookiki aaing'oru nimikitumutumu, ore enatii nimindimidimi aaetu?&#8217; &#8221;</div><div class="s">Nchorroi naaimu enkare e nkishui</div><div class="p"> 37 # 
 Ilaw 23.36
 Ore te nkolong nabayie, naa ninye enkolong kitok e ilo sirua, neitashe Yesu nebuak ajo, &#8220;Te neeta oltung'ani enkure, inchoo elotu enatii aokisho. 38#Esek 47.1; Sak 14.8Ore olaairuk nanu, anaa enajo ilkigerot. &#8216;Keyooki aarukunye nchorroi e nkare naishu to ltau lenye.&#8217; &#8221; 39Ore pee etejo Yesu nejia, Enkiyang'et eimaka natum lelo pooki ooiruk ninye, amu eton eitu ebau ina Kiyang'et ina kata, amu eton eitu eilepieki Yesu metaa kitok.</div><div class="s">Etoorote iltung'ana</div><div class="p"> 40Ore pee ening ematua oo ltung'ana kulo rorei nejo, &#8220;Kesipa ilo oiboni ele.&#8221; 41Nejo kulikae, &#8220;Ele Kristo.&#8221; Nejo kulikae, &#8220;Ai Galilaya epukunye Kristo? 42#2 Sam 7.12; Mik 5.2Keitu ejo lkigerot eishoi e Daudi eimu Kristo, apukunye Betlehem, enkang natii apa Daudi?&#8221; 43Ore teina nejing empong'o atua esiamo te nkaraki Yesu. 44Neyieu kulikae neibung ninye, kake metii oloitabaikia ninye enkaina.</div><div class="s">Etanyaita larikok loo Lyahudi Yesu</div><div class="p"> 45Nepuonu ilarripok enetii lapolosak kituaak o Lfarisayo, nejokini ninche, &#8220;Kainyoo pee eitu iyauu ninye?&#8221; 46Newaliki larripok nejo, &#8220;Eitu aekata eiro oltung'ani anaa enairo ele tung'ani.&#8221; 47Newaliki Lfarisayo ilarripok aajoki, &#8220;Keitapong'oyioki sii ninche intae? 48Keetae too laitoriak anaa too Lfarisayo oloiruko ninye? 49Kake ore ena siamo nemeyiolo nkitanapat naa kedia.&#8221; 50#Yhn 3.1,2Nejoki Nikodemo ninche, olapa taa otang'asa alotu enetii Yesu, laa obo le lelo Farisayo, 51&#8220;Amaa kedung'oki nkitanapat ang oltung'ani enkiguana eton eitu eng'asi aainining neyiolouni enataasa?&#8221; 52Newaliki aajoki ninye, &#8220;Aa Galilaya sii yie ing'uaa? Ing'urai tisipu ilkigerot, inchere meetae oloiboni opuku eing'uaa Galilaya.&#8221;</div><div class="p"> 53Nelo pooki tung'ani enkaji enye.</div>
 </div>
 </div>
</div>

Ore pee eidipayu kuna baa nemanaa Yesu te Galilaya, amu meyieu nemanaa te Yudea te nkaraki naing'oru Lyahudi pee ear ninye metua. Netinyikua osirua loo Lyahudi, aa osirua loo lng'oborri. Neaku etiakita lalashera lenyena ninye, “Tung'uai ene shomo Yudea, pee edol sii ninche lkipaareta linono isiaaitin niasita. Amu meetae oloas ai bae too nkisudorot laa keyieu ninye openy neliooyu aibalayu. Tenaa iasita iyie nena baa aibalunye, imbalakinye kewan enkop.” Amu eitu doi eiruk ilalashera lenyena ninye. Nejoki Yesu ninche, “Eton eitu ebau enkata ai, kake ore te ntae keishiaa erishata pooki. Meidim enkop aibayu intae, kake kaaiba nanu, amu kaishakenoki nchere kaarruok iasat enyena. Elepa intae enchom osirua. Mailep nanu alo ele sirua amu eton eitu ebaya enkata ai.” Ore pee eidip atiaki ninche nejia, nebik te Galilaya.

Ore eidipa lalashera lenyena aailepa aashom ilo sirua, neitoki sii ninye Yesu alo, neitu eitalio kewan, kake etiu anaa keisudori. Neaku keing'oru ninye Lyahudi teine to sirua, nejo, “Koree ninye?” Netii olong'unyung'unyi atua esiamo te nkaraki ninye, ejo kulikae, “Oltung'ani supat,” nejo kulikae, “A'a keitapong'oo ninye olorere.” Kake ore eyia nejia metii hoo obo oimaki ninye aibalunye eure Lyahudi.
Ore pee eitorito ilo sirua, neilep Yesu ajing enkaji e Nkai, neiteru aiteng'enisho. Neing'asia Ilyahudi nejo, “Kaji eiko pee eyiolo ele tung'ani isirat, neitu ae kata eiteng'eni?” Newaliki Yesu nejoki ninche, “Mme enaai enkiteng'enare naata, kake ene ilo laairriwua. Te nenyorraa oltung'ani aas eyieunoto e Nkai, keyiolou ineina kiteng'enare, te naa ke Nkai eing'uaa aashu te naa ai te nkitoria ai makewan airo. Ore oloiro makewan, enchunet enye makewan eing'oru; kake ore ilo oing'oru enchunet e ilo oirriwua, nesipa ninye, nemetii inemesipa atua ninye. Keitu eisho intae Musa nkitanapat? Nemetii obo linyi oibung'ita nena kitanapat. Kainyoo pee king'oruru aar nanu?” Newaliki olorere aajoki, “Aiata oloirirua, Aing'ae liking'oru aar?” Newaliki Yesu ajoki ninche, “Ataasa esiaai nabo ning'asiate pooki. Te nkaraki ena pee eishoo intae Musa emuratare, (neme Musa doi eing'uaa kake lelo loo papa), nimuratata intae oltung'ani te nkolong e Sabato. Amaa amu kemurati oltung'ani te nkolong e Sabato pee megili nkitanapat e Musa, oo pee kigorokinono intae nanu amu aitaa oltung'ani biyoto katukul te nkolong e Sabato? Eminguanare too naalioo, kake enguanare te nkiguana oo sipat.”

Nejo kulikae le Yerusalem, “Aime ele tung'ani doi eing'oru enkitoria aar metua? Kake eng'ura eiro aibalie, neitu ejoki ninche ae. Keidimayu sa metaa keyiolo ilooitoreisho aajo ele Kristo? Kake ore ele eikiyiolo eneing'uaa. Naa tenelioyu kenya ilo oji Kristo aibalayu nemeetae oloyiolo eneing'uaa ninye.” Te nkaraki ina pee etabuaa Yesu te nkaji e Nkai eiteng'enisho ejo, “Eikiyiololo nanu niyiololo enaing'uaa. Neitu alotu te yieunoto ai makewan, kake ore ilo laairriwua ninye osipa, naa ninye miyiololo. Kayiolo nanu ninye, amu ninye aing'uaa naa ninye laairriwua.” Neing'oru ninche eneiko pee eibung ninye, kake metii obo oiteleikia enkaina ninye, amu eton eitu ebau esaa enye.
Neiruk ilkumok ninye tiatua olorere, nejo, “Amaa te nelotu Kristo, keas inkitoduaat kumok naalang inaasita ele tung'ani?”

Nening Ilfarisayo eimaki esiamo nena baa enyena, neirriwaa lapolosak kituaak o Lfarisayo larripok meshomo aaibung ninye. Nejoki Yesu ninche, “Eng'or enkiti kata eton atii tenebo intae, pee aitoki alo enetii ilo laairriwua. Aikiyiookiki aaing'oru, kake mikitumutumu, ore enatii nimindimidimi aaetu.” Nejokino Lyahudi maate, “Kaji ejo pee elo, nimikitumie? Kejo pee elo enetii Lyahudi ooidapashakinote Ilyunani, nelo aiteng'en Ilyunani? Kalo rorei ele otejo, ‘Aikiyiookiki aaing'oru nimikitumutumu, ore enatii nimindimidimi aaetu?’ ”

Ore te nkolong nabayie, naa ninye enkolong kitok e ilo sirua, neitashe Yesu nebuak ajo, “Te neeta oltung'ani enkure, inchoo elotu enatii aokisho. Ore olaairuk nanu, anaa enajo ilkigerot. ‘Keyooki aarukunye nchorroi e nkare naishu to ltau lenye.’ ” Ore pee etejo Yesu nejia, Enkiyang'et eimaka natum lelo pooki ooiruk ninye, amu eton eitu ebau ina Kiyang'et ina kata, amu eton eitu eilepieki Yesu metaa kitok.

Ore pee ening ematua oo ltung'ana kulo rorei nejo, “Kesipa ilo oiboni ele.” Nejo kulikae, “Ele Kristo.” Nejo kulikae, “Ai Galilaya epukunye Kristo? Keitu ejo lkigerot eishoi e Daudi eimu Kristo, apukunye Betlehem, enkang natii apa Daudi?” Ore teina nejing empong'o atua esiamo te nkaraki Yesu. Neyieu kulikae neibung ninye, kake metii oloitabaikia ninye enkaina.

Nepuonu ilarripok enetii lapolosak kituaak o Lfarisayo, nejokini ninche, “Kainyoo pee eitu iyauu ninye?” Newaliki larripok nejo, “Eitu aekata eiro oltung'ani anaa enairo ele tung'ani.” Newaliki Lfarisayo ilarripok aajoki, “Keitapong'oyioki sii ninche intae? Keetae too laitoriak anaa too Lfarisayo oloiruko ninye? Kake ore ena siamo nemeyiolo nkitanapat naa kedia.” Nejoki Nikodemo ninche, olapa taa otang'asa alotu enetii Yesu, laa obo le lelo Farisayo, “Amaa kedung'oki nkitanapat ang oltung'ani enkiguana eton eitu eng'asi aainining neyiolouni enataasa?” Newaliki aajoki ninye, “Aa Galilaya sii yie ing'uaa? Ing'urai tisipu ilkigerot, inchere meetae oloiboni opuku eing'uaa Galilaya.”
Nelo pooki tung'ani enkaji enye.

Klausytis Yohana 7