Sahu - 2015 Edition (NT) Non Drama

<div class="version vid2891 iso6393saj" data-vid="2891" data-iso6393="saj">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Bobita ma soi tumudingi: 'Ade-'ade mangale sowohi re 'ai doba-doba</div><div class="p"> 1&#8220;Ni ngaku mode-mode'e 'Ari demo-demo nena-ne: Ngowa'a matengo ga'a 'o osama toma doba ma karunga 'a mete'e ma ngalana ua, mada'a 'o pere mete'e ngo'omo lelegu; unanga gena-ge ngowa'a to-tori'i re ngowa'a ra-rabasa. 2Mada'a ngowa'a ga'a 'a&#7695;i osama mete'e karunga ma ngalana, unanga gena-ge 'o doba ma sowohi. 3Ngalana ma ja-jaga 'a welanga ngalana di'a unanga re doba-doba 'i mete'e unanga 'ai i&#7695;ingi sababu enanga ya nana'o. Unanga gena-ge 'a 'aro'o enanga ma lomanga rimoi-rimoi re 'a gasa enanga sisupu. 4Wakutu unanga 'o gasa doba-doba mo-moini gena-ge sisupu, unanga 'o tagi sisi&#7695;a toma doba ma biono re doba-doba 'i mete'e unanga, sababu enanga ya nana'o unanga 'ai i&#7695;ingi. 5Mada'a enanga 'i mete'e yo&#7695;u'u ngowa'a lelegu, enanga 'i wi&#7695;i toma ngowa'a gena-ge, sababu 'i nana'o ua ngowa'a lelegu 'ai i&#7695;ingi.&#8221;</div><div class="p"> 6Yesus 'a sijarita 'ade-'ade gena-ge ra ananga, mada'a ananga ya sahe ua, 'oru ga'a Unanga 'ai maksudu.</div><div class="s">Yesus Sowohi ma La-La</div><div class="p"> 7Sababu gena-ge, Yesus 'o kanau soi moi moju, &#8220;Ni ngaku mode-mode'e 'Ari demo-demo nena-ne: Ngoi nena-ne karunga ma ngalana di'a doba-doba. 8Ngowa'a mo-moini ra&#7695;i sapolo si&#7695;a ra Ngoi, ananga gena-ge ngowa'a to-tori'i re ngowa'a ra-rabasa, mada'a doba-doba ya 'isene ua ananga manga i&#7695;ingi. 9Ngoi nena-ne karunga ma ngalana. 'A guna &#7687;ato 'o osama sababu 'o ngaku Ngoi, unanga &#7695;uanga i'a 'o sanga salamata. Unanga gena-ge ma tero sa'olo doba ga'a supu re osama re 'i sanga ngo-ngoromo. 10To-tori'i 'a&#7695;i sapolo pa'i 'a&#7695;i tori'i, 'a&#7695;i sisengene re 'a&#7695;i singiranga &#7687;ato. Mada'a Ngoi nena-ne to sapolo, la manusia nyengara 'a&#7695;i sanga 'ahu ga'a 'i romanga reo Ma Jou'ongu Madutu 'ai barakati.</div><div class="p"> 11Ngoi nena-ne Sowohi ma La-La. Sowohi ma La-La sidoa'a 'ai 'ahu di'a sisalamata doba-doba. 12Ngowa'a ga'a pa'i sanga sewa sijaga 'o doba, ananga dadi sowohi ua re doba-doba ma dutu ua. Dadi na'o serigala 'i sapolo, ananga 'a&#7695;i wi&#7695;i sisoi'i tala doba-doba. Re serigala ya cako'o singadolo doba-doba gena-ge matai are. 13Ngowa'a sewa gena-ge 'o wi&#7695;i sababu unanga 'o munara pa'i disa pipisi, unanga 'a kalesanga ua doba-doba gena-ge.</div><div class="p"> 14Ngoi nena-ne Sowohi ma La-La. Ngoi to nana'o 'Ari doba-doba re enanga ri nana'o Ngoi, 15ma tero sa'olo 'Ari &#7686;a&#7687;a 'o nana'o Ngoi re Ngoi to nana'o 'Ari &#7686;a&#7687;a. Re Ngoi ta sidoa'a 'Ari 'ahu di'a sisalamata 'Ari doba-doba.#Mat. 11:27; Luk. 10:22 16'Age doba-doba ma lelegu &#7695;i'i ga'a enanga 'i osama toma karunga gena-ge nyangu. Enanga &#7695;i'i balasu Ta gasa ino, re enanga ya 'isene Ngoi 'ari i&#7695;ingi. Dadi enanga mo-moini 'i dadi toropo moi, re pa'i Ngoi matengo &#7687;ato To dadi sowohi di'a mo-moini.</div><div class="p"> 17'Ari &#7686;a&#7687;a ro dadalara Ngoi, sababu Ngoi to sidoa'a 'Ari 'ahu, la Ngoi dadunu to sanga 'Ari 'ahu moju. 18Matengo i'a mai ua nga'unu ya 'oro 'Ari 'ahu. Ngoi ta sidoa'a 'Ari 'ahu 'i mete'e 'Ari mau masiretene. Ngoi rari kuasa di'a ta sidoa'a 'Ari 'ahu, re Rari kuasa dadunu To 'ahu moju. Parenta gena-ge 'Ari &#7686;a&#7687;a ro sipula'a ra Ngoi.&#8221;</div><div class="p"> 19Sababu Yesus 'o kanau so'o gena-ge, ngowa-ngowa'a Yahudi dadunu 'a&#7695;i ma'u tolabe moju matengo re matengo. 20Ngowa'a repe 'a&#7695;i kanau, &#8220;Unanga roh ma jira 'U dungosama! Unanga 'o pona! 'Oru ngini 'isene Unanga?&#8221;</div><div class="p"> 21Mada'a 'age &#7695;i'i ngowa'a lelegu ga'a 'a&#7695;i kanau, &#8220;Ngowa'a matengo ga'a 'o roh ma jira 'U dungosama 'o kanau so'o gena ua. Nyengara 'o roh ma jira 'i si-la ngowa'a hafu, dadi nyengara 'o o&#7695;i'i?!&#8221;</div><div class="s">Ngowa'a Yahudi 'a&#7695;i dawongo Yesus ua</div><div class="p"> 22Toma limau Yerusalem ngowa'a 'a&#7695;i 'a'a laya di'a wangere lamo'o wakutu ananga 'a&#7695;i 'elingi tabisi Ma Jou'ongu Madutu 'ai Wala. 'Orasa gena-ge 'orasa 'alo-'alo. 23Yesus 'o tagi toma gandaria silomanga Salomo 'ai gandaria, ra Ma Jou'ongu Madutu 'ai Wala ma soana. 24Wakutu ngowa'a Yahudi 'a&#7695;i sapolo malomu ananga 'a&#7695;i sigolo&#7695;i Unanga re 'a&#7695;i kanau, &#8220;Singadolo ngau ngana no sieanga i'a ngomi minga 'akala re sinyingara 'i ogoro ua? Nange-ne no sitarangi ra ngomi: Ngana nena-ne, mode-mode'e 'O Kristus, bolo ua?&#8221;</div><div class="p"> 25Yesus 'a sangoro, &#8220;Ngoi reto kanau &#7695;ua ra ngini mada'a ngini ni ngaku ua. 'Ari ga'a hera-heranga Ngoi reta si'a'a rari &#7686;a&#7687;a 'ai kuasa, gena-ge 'i sibukiti mangale Ngoi nena-ne 'a guna. 26Mada'a ngini ngaku ua, sababu ngini ni osama Tari doba ma nyo-nyoimi ua. 27'Ari doba-doba ya 'isene 'Ari i&#7695;ingi. Ngoi ta nana'o enanga re enanga 'i mete'e Ngoi. 28Ngoi to pula'a 'ahu kasingado-ngadolo i'a ra ananga, re kasingado-ngadolo i'a ananga kama binasa ua. Ananga Tari giama ma sata re matengo i'a mai ua nga'unu 'u ra-rabasa. 29'Ari &#7686;a&#7687;a ro pula'a ananga ra Ngoi, re 'Ai kuasa ma pari cua. Matengo i'a mai ua nga'unu 'o ra-rabasa ananga Tari &#7686;a&#7687;a 'ai giama ma sata. 30Ngoi re 'Ari &#7686;a&#7687;a, ngomi gena-ge rimoi.&#8221;</div><div class="s">Yesus gena-ge Ma Jou'ongu Madutu 'ai Ngowa'a Nau'u</div><div class="p"> 31&#7694;ua ngowa'a Yahudi dadunu 'a&#7695;i 'oro ma&#7695;i-ma&#7695;i moju di'a 'a&#7695;i poini 'a Yesus. 32Mada'a Yesus 'o kanau ra ananga, &#8220;Ngini rini o&#7695;i'i Ngoi 'ari ga'a hera-heranga ma repe, ga'a 'Ari &#7686;a&#7687;a 'o soma'a Ngoi ta si'a'a. Dadi ngini mau ni poini Ngoi reo ma&#7695;i di'a 'Ari ga'a hera-heranga 'oru?&#8221;</div><div class="p"> 33Ngowa'a Yahudi 'a&#7695;i sangoro, &#8220;Ngomi mau mi poini ua Ngana reo ma&#7695;i sababu 'Ani ga'a hera-heranga, mada'a sababu Ngana no si'u'u ua Ma Jou'ongu Madutu. Kalaha Ngana nena-ne pa'i manusia &#7687;ato, No kanau Ngana Ma Jou'ongu Madutu.&#8221;#Im. 24:16</div><div class="p"> 34&#7694;ua Yesus 'o sangoro ra ananga, &#8220;Na waro ua ra Musa 'ai hukumu 'i silefo mangale ngowa'a Yahudi manga bi-biri'i so'o ne: &#8216;Ma Jou'ongu Madutu ro kanau ngini nena-ne ma tero sa'olo jou'ongu-jou'ongu&#8217;?!#Nya. 82:6 35Ngene wa waro mangale 'oru ga'a ri silefo toma Boku 'Ofi-'Ofi 'i si&#7695;agi kasingado-ngadolo i'a. Dadi 'ua re 'au wali Ma Jou'ongu Madutu 'o si'aro'o ngowa'a Yahudi manga bi-biri'i gena-ge &#8216;jou'ongu&#8217;, ananga pa'i ra&#7695;i dawongo &#7687;ato Unanga 'ai demo. 36Momongolo ua, Ngoi nena-ne, Ma Jou'ongu Madutu masiretene 'o siwola i'a Ngoi re Unanga 'o 'utusu Ngoi di'a to sapolo toma dungia nena-ne. Dadi, i'a sa'olo ngini kanau Ngoi to si'u'u ua Ma Jou'ongu Madutu, sababu Ngoi to kanau, &#8216;Ngoi Ma Jou'ongu Madutu 'ai Ngowa'a Nau'u&#8217;?! 37Na'o Ngoi to si&#7695;agi ua munara ga'a tari &#7686;a&#7687;a, ni ngaku Ngoi awa. 38Kalaha ngini ni ngaku ua 'Ari demo mangale Ngoi 'a guna, ni ngaku Ngoi sababu Ngoi to 'a'a ga'a hera-heranga ga'a Tari &#7686;a&#7687;a ino. Na'o so'o gena ngini na waro re na sahe mangale 'Ari &#7686;a&#7687;a 'o marimoi ra Ngoi re Ngoi to marimoi Tari &#7686;a&#7687;a.&#8221;</div><div class="p"> 39Wakutu ananga 'a&#7695;i isene gena-ge, ananga dadunu 'a&#7695;i makutale moju cako'o 'a Yesus, mada'a 'a&#7695;i nga'unu ua.</div><div class="s">Yesus 'o &#7695;ibo da'a &#7686;anyo Yordan kaci moi</div><div class="p"> 40Yesus 'o &#7695;ibo da'a &#7686;anyo Yordan kaci moi. Toma ngi'i ga'a ma mulaingi 'a Yohanes ro baptis ngowa'a. Toma ngi'i gena-ge Unanga 'o tegoro,#Yoh. 1:28 41re ngowa'a manga repe 'a&#7695;i sapolo ra Unanga re 'a&#7695;i kanau, &#8220;Kalaha Yohanes kai ga'a hera-heranga ua, mada'a mo-moini ga'a unanga 'o kanau mangale Yesus nena-ne 'i banari.&#8221; 42Dadi ngowa'a manga repe toma ngi'i gena-ge ananga 'a&#7695;i ngaku Yesus.</div>
 </div>
 </div>
</div>

“Ni ngaku mode-mode'e 'Ari demo-demo nena-ne: Ngowa'a matengo ga'a 'o osama toma doba ma karunga 'a mete'e ma ngalana ua, mada'a 'o pere mete'e ngo'omo lelegu; unanga gena-ge ngowa'a to-tori'i re ngowa'a ra-rabasa. Mada'a ngowa'a ga'a 'aḏi osama mete'e karunga ma ngalana, unanga gena-ge 'o doba ma sowohi. Ngalana ma ja-jaga 'a welanga ngalana di'a unanga re doba-doba 'i mete'e unanga 'ai iḏingi sababu enanga ya nana'o. Unanga gena-ge 'a 'aro'o enanga ma lomanga rimoi-rimoi re 'a gasa enanga sisupu. Wakutu unanga 'o gasa doba-doba mo-moini gena-ge sisupu, unanga 'o tagi sisiḏa toma doba ma biono re doba-doba 'i mete'e unanga, sababu enanga ya nana'o unanga 'ai iḏingi. Mada'a enanga 'i mete'e yoḏu'u ngowa'a lelegu, enanga 'i wiḏi toma ngowa'a gena-ge, sababu 'i nana'o ua ngowa'a lelegu 'ai iḏingi.”
Yesus 'a sijarita 'ade-'ade gena-ge ra ananga, mada'a ananga ya sahe ua, 'oru ga'a Unanga 'ai maksudu.

Sababu gena-ge, Yesus 'o kanau soi moi moju, “Ni ngaku mode-mode'e 'Ari demo-demo nena-ne: Ngoi nena-ne karunga ma ngalana di'a doba-doba. Ngowa'a mo-moini raḏi sapolo siḏa ra Ngoi, ananga gena-ge ngowa'a to-tori'i re ngowa'a ra-rabasa, mada'a doba-doba ya 'isene ua ananga manga iḏingi. Ngoi nena-ne karunga ma ngalana. 'A guna ḇato 'o osama sababu 'o ngaku Ngoi, unanga ḏuanga i'a 'o sanga salamata. Unanga gena-ge ma tero sa'olo doba ga'a supu re osama re 'i sanga ngo-ngoromo. To-tori'i 'aḏi sapolo pa'i 'aḏi tori'i, 'aḏi sisengene re 'aḏi singiranga ḇato. Mada'a Ngoi nena-ne to sapolo, la manusia nyengara 'aḏi sanga 'ahu ga'a 'i romanga reo Ma Jou'ongu Madutu 'ai barakati.
Ngoi nena-ne Sowohi ma La-La. Sowohi ma La-La sidoa'a 'ai 'ahu di'a sisalamata doba-doba. Ngowa'a ga'a pa'i sanga sewa sijaga 'o doba, ananga dadi sowohi ua re doba-doba ma dutu ua. Dadi na'o serigala 'i sapolo, ananga 'aḏi wiḏi sisoi'i tala doba-doba. Re serigala ya cako'o singadolo doba-doba gena-ge matai are. Ngowa'a sewa gena-ge 'o wiḏi sababu unanga 'o munara pa'i disa pipisi, unanga 'a kalesanga ua doba-doba gena-ge.
Ngoi nena-ne Sowohi ma La-La. Ngoi to nana'o 'Ari doba-doba re enanga ri nana'o Ngoi, ma tero sa'olo 'Ari Ḇaḇa 'o nana'o Ngoi re Ngoi to nana'o 'Ari Ḇaḇa. Re Ngoi ta sidoa'a 'Ari 'ahu di'a sisalamata 'Ari doba-doba.'Age doba-doba ma lelegu ḏi'i ga'a enanga 'i osama toma karunga gena-ge nyangu. Enanga ḏi'i balasu Ta gasa ino, re enanga ya 'isene Ngoi 'ari iḏingi. Dadi enanga mo-moini 'i dadi toropo moi, re pa'i Ngoi matengo ḇato To dadi sowohi di'a mo-moini.
'Ari Ḇaḇa ro dadalara Ngoi, sababu Ngoi to sidoa'a 'Ari 'ahu, la Ngoi dadunu to sanga 'Ari 'ahu moju. Matengo i'a mai ua nga'unu ya 'oro 'Ari 'ahu. Ngoi ta sidoa'a 'Ari 'ahu 'i mete'e 'Ari mau masiretene. Ngoi rari kuasa di'a ta sidoa'a 'Ari 'ahu, re Rari kuasa dadunu To 'ahu moju. Parenta gena-ge 'Ari Ḇaḇa ro sipula'a ra Ngoi.”
Sababu Yesus 'o kanau so'o gena-ge, ngowa-ngowa'a Yahudi dadunu 'aḏi ma'u tolabe moju matengo re matengo. Ngowa'a repe 'aḏi kanau, “Unanga roh ma jira 'U dungosama! Unanga 'o pona! 'Oru ngini 'isene Unanga?”
Mada'a 'age ḏi'i ngowa'a lelegu ga'a 'aḏi kanau, “Ngowa'a matengo ga'a 'o roh ma jira 'U dungosama 'o kanau so'o gena ua. Nyengara 'o roh ma jira 'i si-la ngowa'a hafu, dadi nyengara 'o oḏi'i?!”

Toma limau Yerusalem ngowa'a 'aḏi 'a'a laya di'a wangere lamo'o wakutu ananga 'aḏi 'elingi tabisi Ma Jou'ongu Madutu 'ai Wala. 'Orasa gena-ge 'orasa 'alo-'alo. Yesus 'o tagi toma gandaria silomanga Salomo 'ai gandaria, ra Ma Jou'ongu Madutu 'ai Wala ma soana. Wakutu ngowa'a Yahudi 'aḏi sapolo malomu ananga 'aḏi sigoloḏi Unanga re 'aḏi kanau, “Singadolo ngau ngana no sieanga i'a ngomi minga 'akala re sinyingara 'i ogoro ua? Nange-ne no sitarangi ra ngomi: Ngana nena-ne, mode-mode'e 'O Kristus, bolo ua?”
Yesus 'a sangoro, “Ngoi reto kanau ḏua ra ngini mada'a ngini ni ngaku ua. 'Ari ga'a hera-heranga Ngoi reta si'a'a rari Ḇaḇa 'ai kuasa, gena-ge 'i sibukiti mangale Ngoi nena-ne 'a guna. Mada'a ngini ngaku ua, sababu ngini ni osama Tari doba ma nyo-nyoimi ua. 'Ari doba-doba ya 'isene 'Ari iḏingi. Ngoi ta nana'o enanga re enanga 'i mete'e Ngoi. Ngoi to pula'a 'ahu kasingado-ngadolo i'a ra ananga, re kasingado-ngadolo i'a ananga kama binasa ua. Ananga Tari giama ma sata re matengo i'a mai ua nga'unu 'u ra-rabasa. 'Ari Ḇaḇa ro pula'a ananga ra Ngoi, re 'Ai kuasa ma pari cua. Matengo i'a mai ua nga'unu 'o ra-rabasa ananga Tari Ḇaḇa 'ai giama ma sata. Ngoi re 'Ari Ḇaḇa, ngomi gena-ge rimoi.”

Ḏua ngowa'a Yahudi dadunu 'aḏi 'oro maḏi-maḏi moju di'a 'aḏi poini 'a Yesus. Mada'a Yesus 'o kanau ra ananga, “Ngini rini oḏi'i Ngoi 'ari ga'a hera-heranga ma repe, ga'a 'Ari Ḇaḇa 'o soma'a Ngoi ta si'a'a. Dadi ngini mau ni poini Ngoi reo maḏi di'a 'Ari ga'a hera-heranga 'oru?”
Ngowa'a Yahudi 'aḏi sangoro, “Ngomi mau mi poini ua Ngana reo maḏi sababu 'Ani ga'a hera-heranga, mada'a sababu Ngana no si'u'u ua Ma Jou'ongu Madutu. Kalaha Ngana nena-ne pa'i manusia ḇato, No kanau Ngana Ma Jou'ongu Madutu.”
Ḏua Yesus 'o sangoro ra ananga, “Na waro ua ra Musa 'ai hukumu 'i silefo mangale ngowa'a Yahudi manga bi-biri'i so'o ne: ‘Ma Jou'ongu Madutu ro kanau ngini nena-ne ma tero sa'olo jou'ongu-jou'ongu’?! Ngene wa waro mangale 'oru ga'a ri silefo toma Boku 'Ofi-'Ofi 'i siḏagi kasingado-ngadolo i'a. Dadi 'ua re 'au wali Ma Jou'ongu Madutu 'o si'aro'o ngowa'a Yahudi manga bi-biri'i gena-ge ‘jou'ongu’, ananga pa'i raḏi dawongo ḇato Unanga 'ai demo. Momongolo ua, Ngoi nena-ne, Ma Jou'ongu Madutu masiretene 'o siwola i'a Ngoi re Unanga 'o 'utusu Ngoi di'a to sapolo toma dungia nena-ne. Dadi, i'a sa'olo ngini kanau Ngoi to si'u'u ua Ma Jou'ongu Madutu, sababu Ngoi to kanau, ‘Ngoi Ma Jou'ongu Madutu 'ai Ngowa'a Nau'u’?! Na'o Ngoi to siḏagi ua munara ga'a tari Ḇaḇa, ni ngaku Ngoi awa. Kalaha ngini ni ngaku ua 'Ari demo mangale Ngoi 'a guna, ni ngaku Ngoi sababu Ngoi to 'a'a ga'a hera-heranga ga'a Tari Ḇaḇa ino. Na'o so'o gena ngini na waro re na sahe mangale 'Ari Ḇaḇa 'o marimoi ra Ngoi re Ngoi to marimoi Tari Ḇaḇa.”
Wakutu ananga 'aḏi isene gena-ge, ananga dadunu 'aḏi makutale moju cako'o 'a Yesus, mada'a 'aḏi nga'unu ua.

Yesus 'o ḏibo da'a Ḇanyo Yordan kaci moi. Toma ngi'i ga'a ma mulaingi 'a Yohanes ro baptis ngowa'a. Toma ngi'i gena-ge Unanga 'o tegoro, re ngowa'a manga repe 'aḏi sapolo ra Unanga re 'aḏi kanau, “Kalaha Yohanes kai ga'a hera-heranga ua, mada'a mo-moini ga'a unanga 'o kanau mangale Yesus nena-ne 'i banari.” Dadi ngowa'a manga repe toma ngi'i gena-ge ananga 'aḏi ngaku Yesus.

Klausytis Yohanes 10