Dayak Ngaju Old Testament

<div class="version vid2879 iso6393nij" data-vid="2879" data-iso6393="nij">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s">Abram mandohop Lot</div><div class="p"> 1Epat raja, iete: Amrapel bara Babilonia, Ariokh bara Elasar, Kedor-Laomer bara Elam, tuntang Tideal bara Goyim 2parang malawan lime raja beken. Ewen te Bera bara Sodom, Birsa bara Gomora, Sineab bara Adma, Semeber bara Seboim, tuntang raja bara Bela je inyewut kea Soar. 3Lime raja te hapakat tuntang mamumpong tentara ain ewen hong tanah rampar Sidim. Eka te wayah toh inyewut Tasik Matei. 4Katahin 12 nyelo ewen irentah awi raja Kedor-Laomer. Tapi hong nyelo je katelo walas, ewen bagagah malawan ie. 5Hong nyelo kaepat walas Kedor-Laomer dengan kare raja awang pakate dumah dengan tantara ain ewen. Ewen mampakalah oloh Repaim hong Asterot-Karnaim, oloh Susim hong Ham, oloh Emim hong Sawe-Kiryataim, 6tuntang oloh Hori hong tanah bukit Edom, manggoang kare ewen te sampai El-Paran hong saran padang pasir. 7Limbah te ewen te haluli tinai manyampai En-Mispat, je wayah toh inyewut Kades. Ewen mampakalah salepah tanah Amalek tuntang oloh Amori je melai hong Haseson-Tamar. 8Limbah te kare raja bara Sodom, Gomora, Adma, Seboim tuntang Bela mator barisan tantara ewen hong petak rampar Sidim. 9Ewen parang malawan kare raja bara Elam, Goyim, Babilonia tuntang Elasar. Jadi lime raja malawan epat raja. 10Janah te kontep dengan kalin aspal. Jadi metoh kare raja bara Sodom tuntang Gomora mandari arepe bara parang, ewen manjato akan huang kare kali te. Telo raja beken olih salamat tuntang hadari akan eka je habukit. 11Epat raja je manang, marampas taloh en bewei hong Sodom tuntang Gomora. Ewen manduan kea kare panginan, palus haguet. 12Lot aken Abram malai kea hong Sodom. Awi te ie tamput iimbit musoh dengan kare panataue.</div><div class="p"> 13Tapi ije oloh je olih manyalamat arepe mansanan kare taloh je manjadi te akan Abram, oloh Ibrani te. Abram melai tokep kare pukong pahewan eka sombayang ain Mamre. Mamre te oloh Amori. Ie dengan kare paharie iete Eskol tuntang Aner, uras sobat ain Abram. 14Katika Abram mahining je akee buah tawan, ie mamumpong oloh je aton hong kare kemah ayue je sanggam parang 318 biti karee balalu ewen manggoang kaepat raja te sampai Dan. 15Hete Abram mambagi kare oloh ayue manjadi pire-pire kabagi balalu ewen mantakan musoh katika andau jari hamalem tuntang mampakalah ewen. Ie manggoang ewen sampai akan Hoba intu hila utara lewu Damaskus. 16Abram olih marampas haluli kare ramo je jari irampas musoh. Lot kea dengan kare panataue ihalalian dengan kare oloh bawi tuntang tawanan je beken.</div><div class="s">Melkisedek mamberkat Abram</div><div class="p"> 17Limbah mampakalah raja Kedor-Laomer dengan kare raja je pakat dengae, Abram buli haluli. Palus raja Sodom dumah manambang ie hong Janah Sawe je inyewut kea Janah Raja. 18#Ibr. 7:1-10 Melkisedek, raja Salem tuntang imam Hatalla je Pangkahai, mimbit rote tuntang anggor akan Abram. 19Ie mamberkat Abram, koae, &#8220;Keleh Hatalla je Pangkahai, je jari manjapa langit tuntang petak, mamberkat Abram! 20Tara akan Hatalla je Pangkahai, je jari manenga akam kamanang taharep musohm.&#8221; Limbah te Abram manenga akan Melkisedek ije bara sapuluh bara kare ramo je irampase je jari iimbite buli te.</div><div class="p"> 21Balalu raja Sodom hamauh dengan Abram, &#8220;Duan taloh rampasan te, tapi keleh ikau malian kare oloh ayungku akangku.&#8221;</div><div class="p"> 22Tapi tombah Abram, &#8220;Aku jari sumpah intu taharep Tuhan, Hatalla je Pangkahai je jari manjapa langit tuntang petak 23je aku dia handak manduan taloh en-en bara kare ramom. Aloh ije karambar lawai atawa ije katetek talin sarompah mahin dia aku handak manduae. Tagal te ikau dia baka tau hamauh, &#8216;Aku toh je mampatatau Abram.&#8217; 24Aku dia handak manduan taloh en-en akangku kabuat. Aku baya handak manarima taloh je jari ihapan awi oloh ayungku. Tapi nauhe kare oloh je pakat dengangku, iete Aner, Eskol tuntang Mamre, manduan bagin ewen.&#8221;</div>
 </div>
 </div>
</div>

Epat raja, iete: Amrapel bara Babilonia, Ariokh bara Elasar, Kedor-Laomer bara Elam, tuntang Tideal bara Goyim parang malawan lime raja beken. Ewen te Bera bara Sodom, Birsa bara Gomora, Sineab bara Adma, Semeber bara Seboim, tuntang raja bara Bela je inyewut kea Soar. Lime raja te hapakat tuntang mamumpong tentara ain ewen hong tanah rampar Sidim. Eka te wayah toh inyewut Tasik Matei. Katahin 12 nyelo ewen irentah awi raja Kedor-Laomer. Tapi hong nyelo je katelo walas, ewen bagagah malawan ie. Hong nyelo kaepat walas Kedor-Laomer dengan kare raja awang pakate dumah dengan tantara ain ewen. Ewen mampakalah oloh Repaim hong Asterot-Karnaim, oloh Susim hong Ham, oloh Emim hong Sawe-Kiryataim, tuntang oloh Hori hong tanah bukit Edom, manggoang kare ewen te sampai El-Paran hong saran padang pasir. Limbah te ewen te haluli tinai manyampai En-Mispat, je wayah toh inyewut Kades. Ewen mampakalah salepah tanah Amalek tuntang oloh Amori je melai hong Haseson-Tamar. Limbah te kare raja bara Sodom, Gomora, Adma, Seboim tuntang Bela mator barisan tantara ewen hong petak rampar Sidim. Ewen parang malawan kare raja bara Elam, Goyim, Babilonia tuntang Elasar. Jadi lime raja malawan epat raja. Janah te kontep dengan kalin aspal. Jadi metoh kare raja bara Sodom tuntang Gomora mandari arepe bara parang, ewen manjato akan huang kare kali te. Telo raja beken olih salamat tuntang hadari akan eka je habukit. Epat raja je manang, marampas taloh en bewei hong Sodom tuntang Gomora. Ewen manduan kea kare panginan, palus haguet. Lot aken Abram malai kea hong Sodom. Awi te ie tamput iimbit musoh dengan kare panataue.
Tapi ije oloh je olih manyalamat arepe mansanan kare taloh je manjadi te akan Abram, oloh Ibrani te. Abram melai tokep kare pukong pahewan eka sombayang ain Mamre. Mamre te oloh Amori. Ie dengan kare paharie iete Eskol tuntang Aner, uras sobat ain Abram. Katika Abram mahining je akee buah tawan, ie mamumpong oloh je aton hong kare kemah ayue je sanggam parang 318 biti karee balalu ewen manggoang kaepat raja te sampai Dan. Hete Abram mambagi kare oloh ayue manjadi pire-pire kabagi balalu ewen mantakan musoh katika andau jari hamalem tuntang mampakalah ewen. Ie manggoang ewen sampai akan Hoba intu hila utara lewu Damaskus. Abram olih marampas haluli kare ramo je jari irampas musoh. Lot kea dengan kare panataue ihalalian dengan kare oloh bawi tuntang tawanan je beken.

Limbah mampakalah raja Kedor-Laomer dengan kare raja je pakat dengae, Abram buli haluli. Palus raja Sodom dumah manambang ie hong Janah Sawe je inyewut kea Janah Raja. Melkisedek, raja Salem tuntang imam Hatalla je Pangkahai, mimbit rote tuntang anggor akan Abram. Ie mamberkat Abram, koae, “Keleh Hatalla je Pangkahai, je jari manjapa langit tuntang petak, mamberkat Abram! Tara akan Hatalla je Pangkahai, je jari manenga akam kamanang taharep musohm.” Limbah te Abram manenga akan Melkisedek ije bara sapuluh bara kare ramo je irampase je jari iimbite buli te.
Balalu raja Sodom hamauh dengan Abram, “Duan taloh rampasan te, tapi keleh ikau malian kare oloh ayungku akangku.”
Tapi tombah Abram, “Aku jari sumpah intu taharep TUHAN, Hatalla je Pangkahai je jari manjapa langit tuntang petak je aku dia handak manduan taloh en-en bara kare ramom. Aloh ije karambar lawai atawa ije katetek talin sarompah mahin dia aku handak manduae. Tagal te ikau dia baka tau hamauh, ‘Aku toh je mampatatau Abram.’ Aku dia handak manduan taloh en-en akangku kabuat. Aku baya handak manarima taloh je jari ihapan awi oloh ayungku. Tapi nauhe kare oloh je pakat dengangku, iete Aner, Eskol tuntang Mamre, manduan bagin ewen.”

Klausytis GENESIS 14