Bible Text in Txitxopi© SociedadeBíblica de Moçambique, 1999 Audio recording of the Bible Text ℗ Hosanna, 2018

Txitxopi - 1999 MOZ (NT) Drama

<div class="version vid2848 iso6393cce" data-vid="2848" data-iso6393="cce">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Txidinganiso txa mxayisi wo mbi thembeka</div><div class="p"> 1Ene a wombile kambe ka vagondiswa vakwe txidinganiso txiya:</div><div class="p">&#8220;Ku ti ni wamwamna wokari wa tithomba, a nga ti ni mxayisi wa m'ti wakwe. Se mamoyo a to mangalelwa masoni ka nyamne wa tithomba, va txi kha vona wa hangalasela thomba yakwe. 2Se nyamne a to m'dhana a txi khene kwakwe: &#8216;Nda txani ti ni ti pfako ngu mhaka yako kani? Hinga txhamusela mhaka ya mthumo wako, nguko khu na mbiswa u txi maha muwoneleti wa simaha sangu.&#8217;</div><div class="p"> 3Se muwoneleti a to pimisa mbiluni kwakwe a txi khene: &#8216;Ni na txani kuwa, ngako nyamne wangu a ni humisako ha mthumoni kani? Kudima kha ni sikoti, kutsimbila ni kombela, ka ni thela tingana. 4Na tiziva ati ni no maha, kasiku ni txi mana wo ni amukela m'tini kwakwe, mbimo yi ni no humiswa mthumoni.&#8217;</div><div class="p"> 5Se ngako a di dhanile votshe va va nga ti txenekile ka mkoma wakwe, a to womba ka wo khata a txi khene: &#8216;Mtengo muni u nga txeneka ka nyamne wangu kani?&#8217;</div><div class="p"> 6Se ene a ti khene: &#8216;Dizana da mipimo ya mtona.&#8217;</div><div class="p">Ene a to khene kwakwe:</div><div class="p">&#8216;Kuluveta u txi khalahatsha, u txi bhala ku mtxhanu wa magumi a mipimo.&#8217;</div><div class="p"> 7Sekoko a nje khene ka mmwani: &#8216;Awe-ko, mtengo muni u nga txeneka kani?&#8217;</div><div class="p">Ene a xamute a txi khene: &#8216;dizana da mipimo ya fulaho.&#8217; Mxayisi a to khene kwakwe:</div><div class="p">&#8216;Teka diphepha dako u bhala ku i mtxhanu wa magumi ni mararu.&#8217; 8Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.&#8221;</div><div class="p"> 9&#8220;Ngu toneto, na mi gela ku khani: Txhatani vandoni ngu thomba yo mbi lulama, kasiku, mbimo yi mi no gumelwa, vona va na mi amukela tinyumbani ka wutomi wo mbi guma. 10Awu i ku wo thembeka ka sa sidotho, a na va i di wo thembeka kambe ni ka sasingi; awu i ku txidambu ka sa sidotho ngutu, njidambu kambe ni ka sasingi. 11Ngu toneto, ngako mi sa ziva kumaha vo thembeka amu kuxayisani ka txuma txi i ku si nga txa txinene, mi na sikotisa kutxani kumahwa vaxayisi va sile i ku sa sinene kani? 12Ngako mi di tandekile kuva vaxayisi vo thembeka ka si i ku sa vane, i mani a no mi ninga asi i ku sanu kani?&#8221;</div><div class="p"> 13 # Wona ni ka: Mat. 6:24. &#8220;A walo wu a sikotako kuthumela vakoma vambidi: Nguko mwendo a na nyenya mmweyo, a txi randa mmwani; mwendo a na namarela ka mmweyo, a txi kanyisa mmwani. Kha mi na kusikota kuthumela Txizimu ni tithomba ta mafu.&#8221;</div><div class="s">Mlayo ni Mfumo wa Txizimu</div><div class="r">(Matewu 11:12-13)</div><div class="p"> 14Vafarisi va i ku vathu va makolo ni male, va ti tiengisa totshe timhaketo, se ve mu seka. 15Ene a ti khene kwawe: &#8220;I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.&#8221;</div><div class="p"> 16 # Wona ni ka: Mat. 11:12-13. &#8220;Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.&#8221;</div><div class="p"> 17 # Wona ni ka: Mat. 5:18. &#8220;Ta hehuka ti ta ku nzuma ni mafu si mwalala, kupinda kuwa hahatshi hambi txisesana tximwetxo txa Mlayo.&#8221;</div><div class="p"> 18&#8220;Wuhi ni wuhi a lekako msikati wakwe e teka mmwani, wa maha wugango; se awu a tekako wu a nga lekwa ngu mkatakwe, wa maha wugango.&#8221;</div><div class="s">Txidinganiso txa nyatithombe ni Lazaro</div><div class="p"> 19&#8220;Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku. 20Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda. 21A ti ti navela kukhura ngu maruru awa ma nga txi wa ngu ha mezani ka nyatithombe. Hambi timbwa ti txi ta ti ta danzela silonda sakwe. 22Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.&#8221;</div><div class="p"> 23&#8220;Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe. 24Konaho a to kwangula a txi khene: &#8216;Tata Abrahamu, ni size u ruma Lazaro, eya nakanisa tshoka ya litiho ngu mati, a txi ta ni timula lidimi, nguko na xaniswa ngutu ha mdhikilani hawa ka mndilo.&#8217; 25Abrahamu a xamute a txi khene: &#8216;Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso. 26Hahanze ka toneto kambe, ku na ni mkova wa kuhokoma ngutu hagari kwanu ni nathu, se ngu konaho, ava va lavako kutshawunyeta va txi ta kheyo kwanu kha va na kusikota, hambi anu kheyo kha mi na kusikota kutshawunyeta mi txi ta kheno kwathu.&#8217; &#8221;</div><div class="p"> 27&#8220;Kambe ene a engetile a txi khene: &#8216;Tata, na ku kombela, hambi keto, rumela Lazaro, e tsula m'tini ka tate wangu, 28Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.&#8217; 29Aniko Abrahamu a xamute a txi khene: &#8216;Vona va na ni Mlayo wa Mosi ni tigondo ta Vaprofeti, va na va engise.&#8217; 30Kambe ene a ti khene: &#8216;Lambi, tata Abrahamu, aniko idiku wo tsula mmweyo wa vava va nga fa, a txi va yela, vona va ndi na hunduluka.&#8217; 31Aniko Abrahamu a mu xamute ku khene: &#8216;Ngako va si engisi Mlayo wa Mosi ni tigondo ta vaprofeti, hambi idiku wo wuka mmweyo wa vafi, kha va na mbi hunduluka.&#8217; &#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

Ene a wombile kambe ka vagondiswa vakwe txidinganiso txiya:
“Ku ti ni wamwamna wokari wa tithomba, a nga ti ni mxayisi wa m'ti wakwe. Se mamoyo a to mangalelwa masoni ka nyamne wa tithomba, va txi kha vona wa hangalasela thomba yakwe. Se nyamne a to m'dhana a txi khene kwakwe: ‘Nda txani ti ni ti pfako ngu mhaka yako kani? Hinga txhamusela mhaka ya mthumo wako, nguko khu na mbiswa u txi maha muwoneleti wa simaha sangu.’
Se muwoneleti a to pimisa mbiluni kwakwe a txi khene: ‘Ni na txani kuwa, ngako nyamne wangu a ni humisako ha mthumoni kani? Kudima kha ni sikoti, kutsimbila ni kombela, ka ni thela tingana. Na tiziva ati ni no maha, kasiku ni txi mana wo ni amukela m'tini kwakwe, mbimo yi ni no humiswa mthumoni.’
Se ngako a di dhanile votshe va va nga ti txenekile ka mkoma wakwe, a to womba ka wo khata a txi khene: ‘Mtengo muni u nga txeneka ka nyamne wangu kani?’
Se ene a ti khene: ‘Dizana da mipimo ya mtona.’
Ene a to khene kwakwe:
‘Kuluveta u txi khalahatsha, u txi bhala ku mtxhanu wa magumi a mipimo.’
Sekoko a nje khene ka mmwani: ‘Awe-ko, mtengo muni u nga txeneka kani?’
Ene a xamute a txi khene: ‘dizana da mipimo ya fulaho.’ Mxayisi a to khene kwakwe:
‘Teka diphepha dako u bhala ku i mtxhanu wa magumi ni mararu.’ Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”
“Ngu toneto, na mi gela ku khani: Txhatani vandoni ngu thomba yo mbi lulama, kasiku, mbimo yi mi no gumelwa, vona va na mi amukela tinyumbani ka wutomi wo mbi guma. Awu i ku wo thembeka ka sa sidotho, a na va i di wo thembeka kambe ni ka sasingi; awu i ku txidambu ka sa sidotho ngutu, njidambu kambe ni ka sasingi. Ngu toneto, ngako mi sa ziva kumaha vo thembeka amu kuxayisani ka txuma txi i ku si nga txa txinene, mi na sikotisa kutxani kumahwa vaxayisi va sile i ku sa sinene kani? Ngako mi di tandekile kuva vaxayisi vo thembeka ka si i ku sa vane, i mani a no mi ninga asi i ku sanu kani?”
“A walo wu a sikotako kuthumela vakoma vambidi: Nguko mwendo a na nyenya mmweyo, a txi randa mmwani; mwendo a na namarela ka mmweyo, a txi kanyisa mmwani. Kha mi na kusikota kuthumela Txizimu ni tithomba ta mafu.”


Vafarisi va i ku vathu va makolo ni male, va ti tiengisa totshe timhaketo, se ve mu seka. Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”
“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”
“Ta hehuka ti ta ku nzuma ni mafu si mwalala, kupinda kuwa hahatshi hambi txisesana tximwetxo txa Mlayo.”
“Wuhi ni wuhi a lekako msikati wakwe e teka mmwani, wa maha wugango; se awu a tekako wu a nga lekwa ngu mkatakwe, wa maha wugango.”

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku. Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda. A ti ti navela kukhura ngu maruru awa ma nga txi wa ngu ha mezani ka nyatithombe. Hambi timbwa ti txi ta ti ta danzela silonda sakwe. Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.”
“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe. Konaho a to kwangula a txi khene: ‘Tata Abrahamu, ni size u ruma Lazaro, eya nakanisa tshoka ya litiho ngu mati, a txi ta ni timula lidimi, nguko na xaniswa ngutu ha mdhikilani hawa ka mndilo.’ Abrahamu a xamute a txi khene: ‘Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso. Hahanze ka toneto kambe, ku na ni mkova wa kuhokoma ngutu hagari kwanu ni nathu, se ngu konaho, ava va lavako kutshawunyeta va txi ta kheyo kwanu kha va na kusikota, hambi anu kheyo kha mi na kusikota kutshawunyeta mi txi ta kheno kwathu.’ ”
“Kambe ene a engetile a txi khene: ‘Tata, na ku kombela, hambi keto, rumela Lazaro, e tsula m'tini ka tate wangu, Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.’ Aniko Abrahamu a xamute a txi khene: ‘Vona va na ni Mlayo wa Mosi ni tigondo ta Vaprofeti, va na va engise.’ Kambe ene a ti khene: ‘Lambi, tata Abrahamu, aniko idiku wo tsula mmweyo wa vava va nga fa, a txi va yela, vona va ndi na hunduluka.’ Aniko Abrahamu a mu xamute ku khene: ‘Ngako va si engisi Mlayo wa Mosi ni tigondo ta vaprofeti, hambi idiku wo wuka mmweyo wa vafi, kha va na mbi hunduluka.’ ”

Klausytis Luka 16