Text: © The Bible Society of Ghana 2006 Audio: ℗ 2007 Hosanna

Sehwi - 2006 Edition (Drama NT)

<div class="version vid2710 iso6393sfw" data-vid="2710" data-iso6393="sfw">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Betesaeda bubuani&#603; bie anwonyer&#603;sal&#603;</div><div class="p"> 1&#400;he asi ne, Yudafo&#603; aluolue dwuli, na Yesu h&#596;le Yerusalem. 2#Neh 3.1 N&#233; &#603;kwaa bie w&#596; Yerusalem Mmoaen Pambim ne nwo, b&#596; Hebri dwudwol&#603; nu b&#603;fr&#603; ye Betesaeda &#596;; na n&#233; apata nnu b&#596; atee lela b&#603; bo &#596; b&#603;w&#596; &#603;kwaa ne anwo ber&#603;. 3N&#233; ayarefo&#603; pee, anyesiniwaafo&#603;, mbakye ne b&#603; b&#596; babubu bagua ber&#603; &#596; b&#603;lela apata nem&#596; abo [b&#603;nwond&#603; nzue ne maa &#596;woso. 4N&#233; odwu mmer&#603; bie a, ab&#596;fo dwu ba &#603;kwaa ne anu &#596;baponda nzue ne; na s&#603; nzue ne ponda a, ebiala b&#596; okoli moa k&#596;&#596;t&#596; nu ne, anwonyer&#603; biala b&#596; &#596;ha ye ne, ye nwo sa.]#5.4: Tete Ahyer&#603;l&#603; ne bie fa ngyeky&#603;mu&#603; 4 boka so. 5N&#233; biaa bie w&#596; ber&#603; b&#596; ye nwo ay&#603; ye yea afo&#603; aburasa ne mm&#596;tw&#603; &#596;. 6Na Yesu nwuni ye ky&#603; &#596;la ber&#603;, na onwuni ky&#603; wala ber&#603; wahy&#603; nen, obisale ye ky&#603;, &#8220;&#400;pena ky&#603; w&#596; nwo sa anaa?&#8221; 7Na yarefo&#603; ne buale ky&#603;, &#8220;Me mene, nnne ebiala b&#596; s&#603; nzue ne ponda a, &#596;fa me k&#596;to &#603;kwaa ne anu &#596;; na s&#603; mekwaat&#596; nu a, n&#233; ebie ali me nyunu moa waat&#596; nu.&#8221;</div><div class="p"> 8 # 
 Mat 9.5, 6 Na Yesu sele ye ky&#603;, &#8220;Dw&#596;so, fa w&#596; b&#603;en ne, n&#225; nate!&#8221; 9#Mat 12.1-14 Na ber&#603; ne ala, biaa ne tele ap&#596;; &#596;fale ye b&#603;en ne, na &#596;natele. N&#233; s&#596; ky&#7869;a ne te afofiky&#7869;a. 10#Yer 17.21; Neh 13.15-22; Mak 2.24 Yiti Yudafo&#603; nem&#596; sele biaa b&#596; ye nwo asa ne ky&#603;, &#8220;&#400;n&#603; te afofiky&#7869;a, yiti mmeraa mma ate ky&#603; &#603;k&#596;soa w&#596; b&#603;en &#596;.&#8221; 11Na obuale b&#603; ky&#603;, &#8220;Biaa b&#596; &#596;sale me anwonyer&#603; ne, ye ye&#603; osele me ky&#603;, &#8216;Fa w&#596; b&#603;en ne, n&#225; nate&#8217; &#596;.&#8221; 12Ye&#603; bebisale ye ky&#603;, &#8220;Biaa beni ye&#603; osele w&#596; ky&#603;, &#8216;Fa w&#596; b&#603;en ne, n&#225; nate&#8217; &#596;?&#8221; 13Na biaa b&#596; ye nwo asa ne, n&#233; &#596;nze sona hor&#603;, ofiky&#603; n&#233; Yesu ahwe ye nwo wafi ber&#603;, ye&#603; afei n&#233; mmenia pee w&#596; ber&#603;. 14#Mak 2.5 Nzi&#603; ye, Yesu nwuni ye w&#596; as&#596;ney&#603;&#603; sua ne anu, na osele ye ky&#603; &#8220;Nea, ate ap&#596;, nn&#603;y&#596; b&#596;ne ko, n&#225; nikyee t&#603;&#603; b&#596; &#596;tra &#603;he &#596; wany&#603; w&#596;.&#8221; 15Biaa ne sili nu h&#596;le, na &#596;&#596;b&#596;le Yudafo&#603; nem&#596; amane&#603; ky&#603; Yesu ye&#603; &#596;sale ye anwonyer&#603; ne &#596;. 16Na &#596;nate s&#596; ati, Yudafo&#603; nem&#596; tanene Yesu nye, ofiky&#603; &#596;y&#596;le s&#596; afofiky&#7869;a. 17#Luk 2.49 Na Yesu buale b&#603; ky&#603;, &#8220;Me Baba gu so &#596;y&#596; adwuma maa waadwu bekye, na me koso m&#233;y&#596; adwuma.&#8221; 18#Mat 12.14 Na &#596;nate s&#596; ati, Yudafo&#603; m&#596; mane b&#603; nye borole ky&#603; bekohu ye &#596;, ky&#603;, nna afofiky&#7869;a ngome ye&#603; wabu so &#596;; na mmom &#596;nwa Nyame&#603; te ye b&#596;b&#596; ye Baba, b&#596; &#596;fa kyire ky&#603; &#596;ne Nyame&#603; b&#603;te p&#603; &#596;.</div><div class="s1">Yesu ma b&#603; mmuay&#603;&#603;</div><div class="p"> 19 # 
 Yoh 14.24
 Na Yesu sele b&#603; ky&#603;, &#8220;Nahor&#603; nu paa, mek&#227; mekyire &#603;m&#596; ky&#603;, Baa ne b&#596;b&#596; ngora ny&#596; hwee, sana b&#596; onwu Baba ne ky&#603; &#596;y&#596; &#596;; ofiky&#603; nikyee biala b&#596; &#596;y&#596; ne, ebie ala ye&#603; Baa ne koso &#596;y&#596; &#596;. 20Ofiky&#603; Baba ne kuro Baa ne dwir&#603;, na okyire ye nikyee biala b&#596; ye b&#596;b&#596; &#596;y&#596; &#596;; na okohyire ye nnwumaa mbiri mbiri b&#596; b&#603;tra &#603;hem&#596; &#596;, n&#225; way&#603; &#603;m&#596; nwanwa. 21#Rom 4.17; 2 Kor 1.9; Heb 11.19 Na ky&#603;b&#596; Baba ne tingye awufo&#603;, n&#225; &#596;ma b&#603; ngoa nen, s&#596; ala ye&#603; Baa ne koso &#596;ma b&#603; b&#596; okuro &#596; ngoa &#596;. 22#Gye 18.25; Aso 10.42 Baba ne mmua ebiala nd&#603;en, na mmom wafa nd&#603;enbual&#603; amukoraa wawura Baa ne sa, 23#Luk 10.16 ky&#603; mmenia amukoraa beli Baa ne ni, ky&#603;b&#596; bedi Baba ne ni nen. Na ebiala b&#596; onni Baa ne ni nen, onni Baba ne b&#596; &#596;somane ye ne koso ni.</div><div class="p"> 24 # 
 Mat 10.40; 1 Yoh 3.14 &#8220;Nahor&#603; nu paa, mek&#227; mekyire &#603;m&#596; ky&#603;, ebiala b&#596; &#596;te me dwir&#603;, n&#225; ode b&#596; &#596;somane me ne di nen, ole daa ngoa; bengobua ye fo&#603;, na mmom wap&#603; nu wafi ewue nu wah&#596; ngoa nu. 25#Yoh 4.23; 16.32 Nahor&#603; nu paa, mek&#227; mekyire &#603;m&#596; ky&#603;, mmer&#603; ne &#596;&#769;ba, na wawa dada, b&#596; awufo&#603; b&#603;k&#596;te Nyame&#603; Awa ne komvi, na b&#603; b&#596; b&#603;te ne, bekonya ngoa. 26#Deut 30.20; Edw 36.9 Na ky&#603;b&#596; Baba ne ole ngoa w&#596; ye b&#596;b&#596; ye nu nen, s&#596; ala ye&#603; wafa wama Baa ne ky&#603; ye koso onya ngoa w&#596; ye b&#596;b&#596; ye nu &#596;; 27na wama ye tumi ky&#603; obua nd&#603;en, &#596;nate ky&#603; ye ole Sona Awa ne. 28#Yoh 4.21 Nn&#603;m&#596;ma &#603;he y&#603; &#603;m&#596; nwanwa, ofiky&#603; mmer&#603; ne &#596;&#769;ba, b&#596; b&#603; b&#596; b&#603;w&#596; asiele&#603; nu amukoraa b&#603;k&#596;te ye komvi &#596;, 29#Mat 25.46 na bekofite b&#603;k&#596;wa, na b&#603; b&#596; bay&#596; b&#596; &#596;te paa ne, b&#603;k&#596;h&#596; ngoa ewutingyel&#603; nu; nakoso b&#603; b&#596; bay&#596; b&#596;ne ne de, b&#603;k&#596;h&#596; nd&#603;enbual&#603; ewutingyel&#603; nu.</div><div class="p"> 30&#8220;Me de, mengora memva me tumi meny&#596; hwee; ky&#603;b&#596; mete ne, ye&#603; mebua nd&#603;en &#596;, na me nd&#603;enbual&#603; te turoloo. &#390;nate ky&#603; nna me b&#596;b&#596; m&#8217;ap&#603;de&#603; ye&#603; mepena &#596;, na mmom b&#596; &#596;somane me n&#8217;ap&#603;de&#603;. 31#Yoh 8.14 S&#603; medi me b&#596;b&#596; me nwo adanze&#603; a, m&#8217;adanze&#603; ne &#596;tte nahor&#603;. 32Ebie w&#596; ber&#603; b&#596; odi me nwo adanze&#603; &#596;, na mese ky&#603; adanze&#603; b&#596; odi fa me nwo ne &#596;te nahor&#603;. 33&#400;m&#596;somane mmenia maa b&#603;h&#596;le Yohane ber&#603;, na olili nahor&#603; ne nwo adanze&#603;. 34Na me de, nna sona ber&#603; ye&#603; mede adanze&#603; mefi &#596;, na mmom mek&#227; s&#596; dwir&#603; nem&#596;, ky&#603;b&#596; &#596;k&#596;y&#603; b&#596; &#603;m&#596;konya ngoa &#596;. 35#Dan 12.3; 2 Pet 1.19 &#390;te kanea b&#596; &#243;gye n&#225; &#596;ta &#596;, na &#603;m&#596;hurole ky&#603; &#603;m&#596; nye k&#596;h&#227; ye kanea ne anu k&#227;a. 36#1 Yoh 5.9; Yoh 14.11 Na me de, m&#8217;adanze&#603; ne &#596;tra Yohane de&#603; ne; ofiky&#603; nnwumaa b&#596; Baba ne wafa wama me ky&#603; ny&#596; nyie nen, s&#596; nnwumaa hem&#596; ala b&#596; mey&#596; ne, bedi me nwo adanze&#603; ky&#603; Baba ne ye&#603; wasoma me &#596;. 37#Deut 4.12; 1 Tim 1.17 Na Baba ne b&#596; &#596;somane me ne, ye b&#596;b&#596; wali me nwo adanze&#603;. &#400;m&#596;ttele ye komvi le, ye&#603; &#603;m&#596;nnwuni ye sue le; 38#1 Yoh 1.10; Yes 26.10 ye&#603; &#603;m&#596;mma ye dwir&#603; ne ndena &#603;m&#596; nu, ofiky&#603; b&#596; &#596;somane ye ne, &#603;m&#596;nne ye benni. 39#Mat 25.46; Rom 2.17, 18; Luk 24.27, 44; Aso 13.27 &#400;m&#596;p&#603;nz&#603;p&#603;nz&#603; Ahyer&#603;l&#603; ne anu, ofiky&#603; &#603;m&#596;dwene ky&#603; &#603;m&#596;le daa ngoa w&#596; nu; na ye ala ye&#603; odi me nwo adanze&#603; &#596;. 40Nakoso &#603;m&#596;nguro ky&#603; &#603;m&#596;k&#596;wa me ber&#603;, n&#225; &#603;m&#596;anya ngoa.</div><div class="p"> 41&#8220;Membena animnyam memvi mmenia ber&#603;, 42na mese ky&#603; Nyame&#603; nwo d&#596; &#596;nne &#603;m&#596; nu. 43Me Baba dumaa nu ye&#603; mmale &#596;, nakoso &#603;m&#596;nne me b&#603;ndo nu; na s&#603; ebie ba ye b&#596;b&#596; ye dumaa nu a, ye de &#603;m&#596;kole ye b&#603;k&#596;to nu. 44#Rom 2.29 &#390;k&#596;y&#603; s&#603; n&#233; &#603;m&#596;ale bali, &#603;m&#596; b&#596; &#603;m&#596;hyehy&#603; &#603;m&#596; nwo &#603;m&#596; nwo animnyam, b&#596; &#603;m&#596;mbena animnyam b&#596; ofi Nyame&#603; komap&#603; ne ber&#603; &#596;? 45#Yoh 9.28 Nn&#603;ma &#603;m&#596;dwene ky&#603; me ye&#603; ng&#596;b&#596; &#603;m&#596; kwaadu w&#596; me Baba ne nyunu &#596;; b&#596; &#596;b&#596; &#603;m&#596; kwaadu ne w&#596; ber&#603;, na ye ole Mose b&#596; &#603;m&#596;afa &#603;m&#596; nye bato ye so ne. 46#Luk 24.27, 44; Aso 26.22 Na s&#603; &#603;m&#596;lele Mose belili a, ahaa &#603;m&#596;kole me koso bekoli; ofiky&#603; &#596;hyer&#603;le me nwo dwir&#603;. 47#Luk 16.29, 31 Na s&#603; &#603;m&#596;nne b&#596; &#596;hyer&#603;le ne benni a, &#596;k&#596;y&#603; s&#603;&#603; n&#233; &#603;m&#596;ale me noa dwir&#603; bali?&#8221;</div>
 </div>
 </div>
</div>

Esahie Bible © Bible Society of Ghana, 2018.

Ɛhe asi ne, Yudafoɛ aluolue dwuli, na Yesu hɔle Yerusalem. Né ɛkwaa bie wɔ Yerusalem Mmoaen Pambim ne nwo, bɔ Hebri dwudwolɛ nu bɛfrɛ ye Betesaeda ɔ; na né apata nnu bɔ atee lela bɛ bo ɔ bɛwɔ ɛkwaa ne anwo berɛ. Né ayarefoɛ pee, anyesiniwaafoɛ, mbakye ne bɛ bɔ babubu bagua berɛ ɔ bɛlela apata nemɔ abo [bɛnwondɛ nzue ne maa ɔwoso. Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.] Né biaa bie wɔ berɛ bɔ ye nwo ayɛ ye yea afoɛ aburasa ne mmɔtwɛ ɔ. Na Yesu nwuni ye kyɛ ɔla berɛ, na onwuni kyɛ wala berɛ wahyɛ nen, obisale ye kyɛ, “Ɛpena kyɛ wɔ nwo sa anaa?” Na yarefoɛ ne buale kyɛ, “Me mene, nnne ebiala bɔ sɛ nzue ne ponda a, ɔfa me kɔto ɛkwaa ne anu ɔ; na sɛ mekwaatɔ nu a, né ebie ali me nyunu moa waatɔ nu.”
Na Yesu sele ye kyɛ, “Dwɔso, fa wɔ bɛen ne, ná nate!” Na berɛ ne ala, biaa ne tele apɔ; ɔfale ye bɛen ne, na ɔnatele. Né sɔ kyẽa ne te afofikyẽa. Yiti Yudafoɛ nemɔ sele biaa bɔ ye nwo asa ne kyɛ, “Ɛnɛ te afofikyẽa, yiti mmeraa mma ate kyɛ ɛkɔsoa wɔ bɛen ɔ.” Na obuale bɛ kyɛ, “Biaa bɔ ɔsale me anwonyerɛ ne, ye yeɛ osele me kyɛ, ‘Fa wɔ bɛen ne, ná nate’ ɔ.” Yeɛ bebisale ye kyɛ, “Biaa beni yeɛ osele wɔ kyɛ, ‘Fa wɔ bɛen ne, ná nate’ ɔ?” Na biaa bɔ ye nwo asa ne, né ɔnze sona horɛ, ofikyɛ né Yesu ahwe ye nwo wafi berɛ, yeɛ afei né mmenia pee wɔ berɛ. Nziɛ ye, Yesu nwuni ye wɔ asɔneyɛɛ sua ne anu, na osele ye kyɛ “Nea, ate apɔ, nnɛyɔ bɔne ko, ná nikyee tɛɛ bɔ ɔtra ɛhe ɔ wanyɛ wɔ.” Biaa ne sili nu hɔle, na ɔɔbɔle Yudafoɛ nemɔ amaneɛ kyɛ Yesu yeɛ ɔsale ye anwonyerɛ ne ɔ. Na ɔnate sɔ ati, Yudafoɛ nemɔ tanene Yesu nye, ofikyɛ ɔyɔle sɔ afofikyẽa. Na Yesu buale bɛ kyɛ, “Me Baba gu so ɔyɔ adwuma maa waadwu bekye, na me koso méyɔ adwuma.” Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ. Ofikyɛ Baba ne kuro Baa ne dwirɛ, na okyire ye nikyee biala bɔ ye bɔbɔ ɔyɔ ɔ; na okohyire ye nnwumaa mbiri mbiri bɔ bɛtra ɛhemɔ ɔ, ná wayɛ ɛmɔ nwanwa. Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ. Baba ne mmua ebiala ndɛen, na mmom wafa ndɛenbualɛ amukoraa wawura Baa ne sa, kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.
“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu. Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa. Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ; na wama ye tumi kyɛ obua ndɛen, ɔnate kyɛ ye ole Sona Awa ne. Nnɛmɔma ɛhe yɛ ɛmɔ nwanwa, ofikyɛ mmerɛ ne ɔ́ba, bɔ bɛ bɔ bɛwɔ asieleɛ nu amukoraa bɛkɔte ye komvi ɔ, na bekofite bɛkɔwa, na bɛ bɔ bayɔ bɔ ɔte paa ne, bɛkɔhɔ ngoa ewutingyelɛ nu; nakoso bɛ bɔ bayɔ bɔne ne de, bɛkɔhɔ ndɛenbualɛ ewutingyelɛ nu.
“Me de, mengora memva me tumi menyɔ hwee; kyɛbɔ mete ne, yeɛ mebua ndɛen ɔ, na me ndɛenbualɛ te turoloo. Ɔnate kyɛ nna me bɔbɔ m’apɛdeɛ yeɛ mepena ɔ, na mmom bɔ ɔsomane me n’apɛdeɛ. Sɛ medi me bɔbɔ me nwo adanzeɛ a, m’adanzeɛ ne ɔtte nahorɛ. Ebie wɔ berɛ bɔ odi me nwo adanzeɛ ɔ, na mese kyɛ adanzeɛ bɔ odi fa me nwo ne ɔte nahorɛ. Ɛmɔsomane mmenia maa bɛhɔle Yohane berɛ, na olili nahorɛ ne nwo adanzeɛ. Na me de, nna sona berɛ yeɛ mede adanzeɛ mefi ɔ, na mmom mekã sɔ dwirɛ nemɔ, kyɛbɔ ɔkɔyɛ bɔ ɛmɔkonya ngoa ɔ. Ɔte kanea bɔ ógye ná ɔta ɔ, na ɛmɔhurole kyɛ ɛmɔ nye kɔhã ye kanea ne anu kãa. Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ. Na Baba ne bɔ ɔsomane me ne, ye bɔbɔ wali me nwo adanzeɛ. Ɛmɔttele ye komvi le, yeɛ ɛmɔnnwuni ye sue le; yeɛ ɛmɔmma ye dwirɛ ne ndena ɛmɔ nu, ofikyɛ bɔ ɔsomane ye ne, ɛmɔnne ye benni. Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ. Nakoso ɛmɔnguro kyɛ ɛmɔkɔwa me berɛ, ná ɛmɔanya ngoa.
“Membena animnyam memvi mmenia berɛ, na mese kyɛ Nyameɛ nwo dɔ ɔnne ɛmɔ nu. Me Baba dumaa nu yeɛ mmale ɔ, nakoso ɛmɔnne me bɛndo nu; na sɛ ebie ba ye bɔbɔ ye dumaa nu a, ye de ɛmɔkole ye bɛkɔto nu. Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ? Nnɛma ɛmɔdwene kyɛ me yeɛ ngɔbɔ ɛmɔ kwaadu wɔ me Baba ne nyunu ɔ; bɔ ɔbɔ ɛmɔ kwaadu ne wɔ berɛ, na ye ole Mose bɔ ɛmɔafa ɛmɔ nye bato ye so ne. Na sɛ ɛmɔlele Mose belili a, ahaa ɛmɔkole me koso bekoli; ofikyɛ ɔhyerɛle me nwo dwirɛ. Na sɛ ɛmɔnne bɔ ɔhyerɛle ne benni a, ɔkɔyɛ sɛɛ né ɛmɔale me noa dwirɛ bali?”

Klausytis Yohane 5