Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Gimba yaa heedi tleehhidi</div><div class="p"> 1Tlaatleesoogo khooroo sagaa kahhiye tlehhinay, Gimba yaa wana.#1:1 Gimba yaa wana: Hi&#297; ti uma Yohaana gi giimaamisiye gu Nanku Iliitleemu, Yeesu Kristu. Hari amoti da Kristu, Iliitleemu hingay tlaa&#42892;asi daqa doorii. Gimbakee yaa sliimaa wana haa Iliitleemu. Kara, Gimbakee yaa Iliitleemu. 2Tlaatleesoogo Gimba yaa sliimaa wana haa Iliitleemu. 3Hari amoo dosi idadu go&#245; digaati tleehhi. Kara, wantaaba idoo lensee daaba tlehhinay hari amoo dosi. 4Ina na tlaatleesoo da slafimaa, kara slafimaa hhakee hiraa khayri cencee sa hida. 5Slime cencetee wanqada hhanteege, kara hhantee giyaa hiidahhasidiiba kaba&#8260;a cencetee.</div><div class="p"> 6Heedi waku yaa khay daa ya&#8260;abi ha Iliitleemu, uma gosi na Yohaana.#1:6 Yohaana: Hi&#297; daa ya&#8260;abi ha Iliitleemu, yaati Yohaana Hiinunqudimiisay. 7Ina yaati khay sa ilatlawa cencetee sa hida, haa hari amoo dosi hida go&#245; &#8260;imbiyee cencetee. 8Yohaana yaa cencetee gooba. Ina yaati khay, ma ilatlay cencetee sa hida. 9Ha&#227; na cencee da loi daa khoca khoorooge haa gii cencuusida kila heedi.</div><div class="p"> 10Gimbakee yaa wana khoorooge, kara hari amoo dosi khooroo dagaa tleehhi. Teesaaqay see, khooroo gwaa baraslaydiiba ina. 11Ina yaati khay daqa hida kosii, teesaaqay see, hida kosi gwaa &#8260;imbiriiba ina. 12Hida go&#245; gwaa oowee ina, sigaa hadisi haaki da ya&#42892;ay gu Iliitleemu tleehhida, hhakee na hida hhaka&#42892;a gwaa &#8260;imbee uma gosi. 13Ya&#42892;ay hhakee ti hhaka&#42892;aaba daa laqwali hari amoo da slaslaw hhawata haa hadee, baku hari slahhaahhaau gu slaqwa, baku hari sla&#42892;amuu gu hhawata, ti Iliitleemu nigaa tleehhi.</div><div class="p"> 14Inkoo, Gimbakee gi heedi tleehhidi, gi ibiidi sliimaa haa dandiray. Dandiray ha&#227; arini wanqamee dosi, wanqamee da Naw gu le&#7869; gwaa daqa Taataa dahha, yaani haci hhoinay gu didiru haa gu lou.</div><div class="p"> 15Yohaana yaa ilatlatlay sa hida gimba gosi, sigigi kaay hari afoo da didiri tuba, &#8220;Hi&#297; na hikira gaa kaay gimba gosi ambee, &#8216;Ina gwaa khoca alu&#361; koaa hikee gu didiri ba&#8260;ay da ana, sa gimba ina yaa wana ana dinaa ilii kahhiye see laqwaloo.&#8217; &#8221; 16Slayii tuba hari bu&#42892;udisaraa dosi, dandiray go&#245; ha&#227; oowani hari khisla hhoinay gu didiru gu Iliitleemu. 17Sa gimba, sariyaa dagaati hadisi ha Iliitleemu hari amoo da Musaa. Hhoinay gu didiru haa gimba gu lou, yaati khay hari amoo da Yeesu Kristu. 18Hhaku heedi lensee gwaa arimu Iliitleemu qatlay lensee. Ti Naw gu le&#7869; kilesi ina gu Iliitleemu gu sliimaa waara haa Taataa, hikee naa hiitlaa&#42892;asi Iliitleemu daqa doorii.</div><div class="s1">Ilatlawaraa da Yohaana Hiinunqudimiisay</div><div class="r">(Mataayo 3:1-12; Maariko 1:1-8; Luuka 3:1-18)</div><div class="p"> 19Baloo waka giyaadimiisee da Wayahuudi yaa ya&#8260;abiri hhapalooee haa Walaawi daqa Yohaanage, Yerusaleemugo. Ha&#227; na ilatlawa da Yohaana, gwaa ilii maasiri tuba, &#8220;Ugu na miyaa?&#8221; 20Yohaana yaati gimbuusi pandataa yakwaraa see guba tuba, &#8220;Ana Kristu#1:20 Kristu: Ti&#42892;ii umaki Kristu hari Yunaanaisoo na Masiiya, ma&#42892;aana dosi na Daa maakhi du&#8260;iya. gooba.&#8221;</div><div class="p"> 21Te&#42892;esii, inay gugi maasiri tuba, &#8220;Inkoo, ugu ti miyaa? Ugu na inaa tletimiisay Eliyaa?&#8221;</div><div class="p">Yohaana gi ilaki&#8260;isi tuba, &#8220;Suti, ana na inaaba.&#8221;</div><div class="p">Gugi maasiri tuba, &#8220;Inkoo, ugu na tletimiisaykiraa?&#8221;#Yu&#42892;udii kitaabuu gu Hiislaslaw gu Sariyaa 18:15, 18; Malaaki 4:5-6.</div><div class="p">Yohaana gigi ilaki&#8260;isi tuba, &#8220;Suti, ana na inaaba.&#8221;</div><div class="p"> 22Inay gugi maasiri kara tuba, &#8220;Inkoo, ugu ti miyaa? Kara ugu hati mala oii&#42892;inta daqa dooguu ugu loi? Sandi kaade, ma slayni gimba ga leehhisane sa hhakira gundaani ya&#8260;abee.&#8221;</div><div class="p"> 23Yohaana gigi ilaki&#8260;isi inay hari gimba gu tletimiisay Isaaya tuba, &#8220;Ana na afoo da heedi gu kakaakama kongoqomeege tuba, &#8216;Tafa&#42892;asa amoo da Looimoo gu Go&#245;.&#8217; &#8221;#Yu&#42892;udii kitaabuu gu Isaaya 40:3.</div><div class="p"> 24Inkoo, hida hhakee daa ya&#8260;abi, yaa daqa Farisaayoo dahhiyay. 25Inay gugi maasiri ina tuba, &#8220;Bere ugu Kristu gooba, Eliyaa gooba, kara tletimiisaykiraaba, inkoo ugu sa so&#42892;oyi hiinunqudiidimisida?&#8221;</div><div class="p"> 26Yohaana gigi ilaki&#8260;isi inay tuba, &#8220;Gu lou, ana hanguri ma&#42892;ay kilesi hiinunqudimisa. Wana le&#7869; gu&#361; qadidu tla&#8260;a&#227; googunay, unkuray hagu kahhaday caahha. 27Hikee gwaa khoca alu&#361; koaa, ana haraa hiiboo&#8260;iiba tongimoo gosi tleehhida, gimati gweedaraa dincaaraa da ye&#8260;eetoo kosi.&#8221;</div><div class="p"> 28Gimbakee yaa yade hiicaca&#8260;i tongoo da Betaniyaage, hari tlo&#8260;osaa gu duudu gu Yoridaani, yade Yohaana daqa giyaa ilii nunqudiidimisiye.</div><div class="s1">Yeesu &#8260;ambeenimoo gu Iliitleemu</div><div class="p"> 29Heetlaalee dosii, Yohaana yaa arimi Yeesu yaa khoci daqa dosii, gi kaay tuba, &#8220;Yu&#42892;udaa! Hi&#297; na &#8260;ambeenimoo gu Iliitleemu gu hiiowa tlakwaroo da khooroo. 30Hi&#297; na hikira sangwaa kaay gimba gosi ambee, &#8216;Ina gwaa khoca alu&#361; koaa, ina na didiri ba&#8260;ay da ana, sa gimba ina yaa wana ana dinaa ilii kahhiye see laqwaloo.&#8217; 31Gu lou, ana loi hagu&#361; caahhiiba ina. Teesaaqay see, ana hanti khay haa hiinunqudimisa hari ma&#42892;ay, ina duguma hiitlaa&#42892;asi daqa hida gu Israeelige.&#8221; 32Da hhe&#42892;esi, Yohaana gi ilatlay, kakaana tuba, &#8220;Ana ha&#227; arimi Muuna gu Iliitleemu yaa hii&#8260;eeti tlabiya pahha rawaa gu rawgo haa gii ibiidi daqa dosii. 33Gu lou, ana loi hagwaa caahhiiba ina. Teesaaqay see, ina gwaa ya&#8260;abu ana, ma hiinunqudimisi hida hari ma&#42892;ay, sinaa kaay tuba, &#8216;Heedika&#42892;a gamaa ante Muuna gu Iliitleemu yaa hii&#8260;eeti rawaa gu rawgo haa gii ibiidi rawaa kosii, hikee namaa hiinunqudimisi hida hari Muuna gu Iliitleemu.&#8217; 34Ana loi ha&#227; arimi gimbaki, haa hagu ilatlatlaatlaw ambee, hi&#297; ti Nanku Iliitleemu.&#8221;</div><div class="s1">Sirakoomiisee da tlaatleesoo</div><div class="p"> 35Heetlaalee dosii, Yohaana yaa qadidi kara nama daqatiray sliimaa haa sirakoomiisee dosi cada. 36Qatlay Yohaana giyaa ilii arimi Yeesu hiicati hari te&#42892;esa, gi kaay tuba, &#8220;Yu&#42892;udaa! Hi&#297; na &#8260;ambeenimoo gu Iliitleemu!&#8221;</div><div class="p"> 37Qatlay sirakoomiisetee cada da Yohaana giyaa ilii akhasiri ina gimbuusi gimbaki, inay gi sirakoniri Yeesu. 38Yeesu gii fookidi alunge, gi arimi sirakoomiisetee cada gwaa sirakonay, ina gigi maasi inay tuba, &#8220;Unkuray mala damaamitay?&#8221;</div><div class="p">Inay gugi ilaki&#8260;isiri tuba, &#8220;Maarimuu, ugu kaale ibimaamita?&#8221; 39Yeesu gigi ilaki&#8260;isi inay tuba, &#8220;Khocaa, unkuray ha arintayi daqa go&#243; ilii ibiide!&#8221;</div><div class="p">Teesaaqay, inay gi hadakayri haa gi ariniri, ina daqa giyaa ilii ibimaamidiye. Qatlaykee daa daadaauusi saa mibi da khwayai&#297;. Inay gi ibiidiri haa ina balotee.</div><div class="p"> 40Andareyaa, hhia gu Simooni Peetiro, yaa le&#7869; gu hhakira gu cada gwaa akhasee Yohaana gimbuusi teesaaqay, haa gi sirakoomi Yeesu. 41Andareyaa gi hadakay gesaa gi dabiidukay hhia gosi Simooni haa sugugi kaay tuba, &#8220;Dandiray ha&#227; arini Masiiya.&#8221; Hi&#297; slime do&#243; eteedine na Kristu. 42Da hhe&#42892;esi, Andareyaa gugi leehhisi Simooni daqa Yeesuge.</div><div class="p">Yeesu gi khu&#42892;umi Simooni haa gi kaay tuba, &#8220;Ugu na Simooni nanku Yohaana, inkoo duguti eteedina na Keefa.&#8221; Hari Yunaanaisoo umaki gu Peetiro, ma&#42892;aana dosi na hhafida.</div><div class="s1">Filiipo haa Natanaeeli eteedaraa dooina</div><div class="p"> 43Heetlaalee dosii Yeesu yaa hadakay hhapee da Galilaayage. Ina gi arimi Filiipo, sugugi kaay tuba, &#8220;Hanisirakonte.&#8221; 44Filiipo yaa yaamulooay gu yaamu gu Betisayda, slime ti yaamu gu&#361; Andareyaa haa Peetiro. 45Ina see Filiipo gi slay Natanaeeli haa sugugi kaay tuba, &#8220;Dandiray ha&#227; arini ina gimba gosi daa handakimi ha Musaa kitaabuu gu sariyaage, slime tletimiisee da Iliitleemu yaa handikiniri gimba gosi. Ina ti Yeesu gu Nasareeti, Nanku Yoseefu.&#8221;</div><div class="p"> 46Natanaeeli gi maasi Filiipo tuba, &#8220;Gu louu, idoo da hhoi yaa hiidahhasida hiica&#8260;a Nasareetigo?&#8221; Filiipo gi kaay sa Natanaeeli tuba, &#8220;Khoca arimi.&#8221;</div><div class="p"> 47Yeesu giyaa ilii arimi Natanaeeli yaa khoci daqa dosii, gi kaay gimba gosi tuba, &#8220;Yu&#42892;udaa! Hikee na Israeelimoo loi loi, wa&#42892;ay kosii wantaaba afa&#42892;afuuma.&#8221; 48Te&#42892;esii, Natanaeeli gi maasi Yeesu tuba, &#8220;Ugu hani&#297; malee caahhadi ana?&#8221;</div><div class="p">Yeesu gugi ilaki&#8260;isi ina tuba, &#8220;Ana hagu&#361; arimi ugu, qatlay ga&#227; iliiwante yaqay biraa gu &#8260;ancimooge, Filiipo gi&#297; ilii kahhiye see eteedaraa ugu.&#8221;</div><div class="p"> 49Te&#42892;esii, Natanaeeli sugugi kaay Yeesu tuba, &#8220;Maarimuu, ugu ti Nanku Iliitleemu! Ugu ti Mutemi gu Israeeli!&#8221;</div><div class="p"> 50Yeesu gi ilaki&#8260;isi, sugugi kaay tuba, &#8220;Ugu hanti &#8260;imbidii, sa gimba sugunti kaay kilesi ambee, ana hagu&#361; arimi ugu, qatlay ga&#227; iliiwante biraa gu &#8260;ancimooge? Yu&#42892;udiyaa, ha arinta gimba gu denu ba&#8260;ay da hi&#297;.&#8221; 51Yeesu gi kaay sa ina tuba, &#8220;Gu lou, sangu kaay ambee, unkuray ha arintayi raw hiitlaa&#42892;adi haa malayika da Iliitleemu hiidadayay haa hii&#8260;eemidiyay daqa Nanku Heedige.&#8221;</div>
 </div>
 </div>
</div>

Tlaatleesoogo khooroo sagaa kahhiye tlehhinay, Gimba yaa wana. Gimbakee yaa sliimaa wana haa Iliitleemu. Kara, Gimbakee yaa Iliitleemu. Tlaatleesoogo Gimba yaa sliimaa wana haa Iliitleemu. Hari amoo dosi idadu goõ digaati tleehhi. Kara, wantaaba idoo lensee daaba tlehhinay hari amoo dosi. Ina na tlaatleesoo da slafimaa, kara slafimaa hhakee hiraa khayri cencee sa hida. Slime cencetee wanqada hhanteege, kara hhantee giyaa hiidahhasidiiba kaba⁄a cencetee.
Heedi waku yaa khay daa ya⁄abi ha Iliitleemu, uma gosi na Yohaana. Ina yaati khay sa ilatlawa cencetee sa hida, haa hari amoo dosi hida goõ ⁄imbiyee cencetee. Yohaana yaa cencetee gooba. Ina yaati khay, ma ilatlay cencetee sa hida. Haã na cencee da loi daa khoca khoorooge haa gii cencuusida kila heedi.
Gimbakee yaa wana khoorooge, kara hari amoo dosi khooroo dagaa tleehhi. Teesaaqay see, khooroo gwaa baraslaydiiba ina. Ina yaati khay daqa hida kosii, teesaaqay see, hida kosi gwaa ⁄imbiriiba ina. Hida goõ gwaa oowee ina, sigaa hadisi haaki da yaꞌay gu Iliitleemu tleehhida, hhakee na hida hhakaꞌa gwaa ⁄imbee uma gosi. Yaꞌay hhakee ti hhakaꞌaaba daa laqwali hari amoo da slaslaw hhawata haa hadee, baku hari slahhaahhaau gu slaqwa, baku hari slaꞌamuu gu hhawata, ti Iliitleemu nigaa tleehhi.
Inkoo, Gimbakee gi heedi tleehhidi, gi ibiidi sliimaa haa dandiray. Dandiray haã arini wanqamee dosi, wanqamee da Naw gu leẽ gwaa daqa Taataa dahha, yaani haci hhoinay gu didiru haa gu lou.
Yohaana yaa ilatlatlay sa hida gimba gosi, sigigi kaay hari afoo da didiri tuba, “Hiĩ na hikira gaa kaay gimba gosi ambee, ‘Ina gwaa khoca aluũ koaa hikee gu didiri ba⁄ay da ana, sa gimba ina yaa wana ana dinaa ilii kahhiye see laqwaloo.’ ” Slayii tuba hari buꞌudisaraa dosi, dandiray goõ haã oowani hari khisla hhoinay gu didiru gu Iliitleemu. Sa gimba, sariyaa dagaati hadisi ha Iliitleemu hari amoo da Musaa. Hhoinay gu didiru haa gimba gu lou, yaati khay hari amoo da Yeesu Kristu. Hhaku heedi lensee gwaa arimu Iliitleemu qatlay lensee. Ti Naw gu leẽ kilesi ina gu Iliitleemu gu sliimaa waara haa Taataa, hikee naa hiitlaaꞌasi Iliitleemu daqa doorii.


Baloo waka giyaadimiisee da Wayahuudi yaa ya⁄abiri hhapalooee haa Walaawi daqa Yohaanage, Yerusaleemugo. Haã na ilatlawa da Yohaana, gwaa ilii maasiri tuba, “Ugu na miyaa?” Yohaana yaati gimbuusi pandataa yakwaraa see guba tuba, “Ana Kristu gooba.”
Teꞌesii, inay gugi maasiri tuba, “Inkoo, ugu ti miyaa? Ugu na inaa tletimiisay Eliyaa?”
Yohaana gi ilaki⁄isi tuba, “Suti, ana na inaaba.”
Gugi maasiri tuba, “Inkoo, ugu na tletimiisaykiraa?”
Yohaana gigi ilaki⁄isi tuba, “Suti, ana na inaaba.”
Inay gugi maasiri kara tuba, “Inkoo, ugu ti miyaa? Kara ugu hati mala oiiꞌinta daqa dooguu ugu loi? Sandi kaade, ma slayni gimba ga leehhisane sa hhakira gundaani ya⁄abee.”
Yohaana gigi ilaki⁄isi inay hari gimba gu tletimiisay Isaaya tuba, “Ana na afoo da heedi gu kakaakama kongoqomeege tuba, ‘Tafaꞌasa amoo da Looimoo gu Goõ.’ ”
Inkoo, hida hhakee daa ya⁄abi, yaa daqa Farisaayoo dahhiyay. Inay gugi maasiri ina tuba, “Bere ugu Kristu gooba, Eliyaa gooba, kara tletimiisaykiraaba, inkoo ugu sa soꞌoyi hiinunqudiidimisida?”
Yohaana gigi ilaki⁄isi inay tuba, “Gu lou, ana hanguri maꞌay kilesi hiinunqudimisa. Wana leẽ guũ qadidu tla⁄aã googunay, unkuray hagu kahhaday caahha. Hikee gwaa khoca aluũ koaa, ana haraa hiiboo⁄iiba tongimoo gosi tleehhida, gimati gweedaraa dincaaraa da ye⁄eetoo kosi.”
Gimbakee yaa yade hiicaca⁄i tongoo da Betaniyaage, hari tlo⁄osaa gu duudu gu Yoridaani, yade Yohaana daqa giyaa ilii nunqudiidimisiye.

Heetlaalee dosii, Yohaana yaa arimi Yeesu yaa khoci daqa dosii, gi kaay tuba, “Yuꞌudaa! Hiĩ na ⁄ambeenimoo gu Iliitleemu gu hiiowa tlakwaroo da khooroo. Hiĩ na hikira sangwaa kaay gimba gosi ambee, ‘Ina gwaa khoca aluũ koaa, ina na didiri ba⁄ay da ana, sa gimba ina yaa wana ana dinaa ilii kahhiye see laqwaloo.’ Gu lou, ana loi haguũ caahhiiba ina. Teesaaqay see, ana hanti khay haa hiinunqudimisa hari maꞌay, ina duguma hiitlaaꞌasi daqa hida gu Israeelige.” Da hheꞌesi, Yohaana gi ilatlay, kakaana tuba, “Ana haã arimi Muuna gu Iliitleemu yaa hii⁄eeti tlabiya pahha rawaa gu rawgo haa gii ibiidi daqa dosii. Gu lou, ana loi hagwaa caahhiiba ina. Teesaaqay see, ina gwaa ya⁄abu ana, ma hiinunqudimisi hida hari maꞌay, sinaa kaay tuba, ‘Heedikaꞌa gamaa ante Muuna gu Iliitleemu yaa hii⁄eeti rawaa gu rawgo haa gii ibiidi rawaa kosii, hikee namaa hiinunqudimisi hida hari Muuna gu Iliitleemu.’ Ana loi haã arimi gimbaki, haa hagu ilatlatlaatlaw ambee, hiĩ ti Nanku Iliitleemu.”

Heetlaalee dosii, Yohaana yaa qadidi kara nama daqatiray sliimaa haa sirakoomiisee dosi cada. Qatlay Yohaana giyaa ilii arimi Yeesu hiicati hari teꞌesa, gi kaay tuba, “Yuꞌudaa! Hiĩ na ⁄ambeenimoo gu Iliitleemu!”
Qatlay sirakoomiisetee cada da Yohaana giyaa ilii akhasiri ina gimbuusi gimbaki, inay gi sirakoniri Yeesu. Yeesu gii fookidi alunge, gi arimi sirakoomiisetee cada gwaa sirakonay, ina gigi maasi inay tuba, “Unkuray mala damaamitay?”
Inay gugi ilaki⁄isiri tuba, “Maarimuu, ugu kaale ibimaamita?” Yeesu gigi ilaki⁄isi inay tuba, “Khocaa, unkuray ha arintayi daqa goó ilii ibiide!”
Teesaaqay, inay gi hadakayri haa gi ariniri, ina daqa giyaa ilii ibimaamidiye. Qatlaykee daa daadaauusi saa mibi da khwayaiĩ. Inay gi ibiidiri haa ina balotee.
Andareyaa, hhia gu Simooni Peetiro, yaa leẽ gu hhakira gu cada gwaa akhasee Yohaana gimbuusi teesaaqay, haa gi sirakoomi Yeesu. Andareyaa gi hadakay gesaa gi dabiidukay hhia gosi Simooni haa sugugi kaay tuba, “Dandiray haã arini Masiiya.” Hiĩ slime doó eteedine na Kristu. Da hheꞌesi, Andareyaa gugi leehhisi Simooni daqa Yeesuge.
Yeesu gi khuꞌumi Simooni haa gi kaay tuba, “Ugu na Simooni nanku Yohaana, inkoo duguti eteedina na Keefa.” Hari Yunaanaisoo umaki gu Peetiro, maꞌaana dosi na hhafida.

Heetlaalee dosii Yeesu yaa hadakay hhapee da Galilaayage. Ina gi arimi Filiipo, sugugi kaay tuba, “Hanisirakonte.” Filiipo yaa yaamulooay gu yaamu gu Betisayda, slime ti yaamu guũ Andareyaa haa Peetiro. Ina see Filiipo gi slay Natanaeeli haa sugugi kaay tuba, “Dandiray haã arini ina gimba gosi daa handakimi ha Musaa kitaabuu gu sariyaage, slime tletimiisee da Iliitleemu yaa handikiniri gimba gosi. Ina ti Yeesu gu Nasareeti, Nanku Yoseefu.”
Natanaeeli gi maasi Filiipo tuba, “Gu louu, idoo da hhoi yaa hiidahhasida hiica⁄a Nasareetigo?” Filiipo gi kaay sa Natanaeeli tuba, “Khoca arimi.”
Yeesu giyaa ilii arimi Natanaeeli yaa khoci daqa dosii, gi kaay gimba gosi tuba, “Yuꞌudaa! Hikee na Israeelimoo loi loi, waꞌay kosii wantaaba afaꞌafuuma.” Teꞌesii, Natanaeeli gi maasi Yeesu tuba, “Ugu haniĩ malee caahhadi ana?”
Yeesu gugi ilaki⁄isi ina tuba, “Ana haguũ arimi ugu, qatlay gaã iliiwante yaqay biraa gu ⁄ancimooge, Filiipo giĩ ilii kahhiye see eteedaraa ugu.”
Teꞌesii, Natanaeeli sugugi kaay Yeesu tuba, “Maarimuu, ugu ti Nanku Iliitleemu! Ugu ti Mutemi gu Israeeli!”
Yeesu gi ilaki⁄isi, sugugi kaay tuba, “Ugu hanti ⁄imbidii, sa gimba sugunti kaay kilesi ambee, ana haguũ arimi ugu, qatlay gaã iliiwante biraa gu ⁄ancimooge? Yuꞌudiyaa, ha arinta gimba gu denu ba⁄ay da hiĩ.” Yeesu gi kaay sa ina tuba, “Gu lou, sangu kaay ambee, unkuray ha arintayi raw hiitlaaꞌadi haa malayika da Iliitleemu hiidadayay haa hii⁄eemidiyay daqa Nanku Heedige.”

Klausytis Yohaana 1