<div class="version vid1908 iso6393ntu" data-vid="1908" data-iso6393="ntu">
    <div class="book bkRUT">
        <div class="chapter chINTRO1" data-usfm="RUT.INTRO1">
            <div class="imt1"><span class="content">Natq Ngr Nzaplxtqngr Mz Buk Ngr Rut</span></div><div class="ip"><span class="content">Trkrlzkuu neke yrle buk lc, a' nzyr mzli kc Devet tqngini-ngrde king kc tqaclvele Israel, mwx mz yiz 1000 BC x Kraes kc mzte tzmc ate. A' da kcng tzyapwxti mz be lc, nzprtzting mzli kc tqngi trgalr king mrkc Israel. Rut nide lxe Obed. Obed nide trte Jesi, x Jesi nide trte King Devet kc tqngi king krali ngr Israel. Opxm kx mz Obed nzmc mz mzlir yiz 1110&#8212;1080 BC.</span></div><div class="ip"><span class="content">Drtc' ngr Moab yc mz nqlvi r Prla Kxtrlu-ngru Da me prkilzm nepi. Lr Moab nidr leplz kxnzmnc-mrbrng x nzota-zvzng badr lr Israel. A' mz mzli r be lc, nzmncng mz nrwx murde Moab yclzpebz mz zmatq ngr Israel.</span></div><div class="ip"><span class="content">Mzli lcde tao kc dzbi mrkc Israel, murde trpnzngr tewa. Mz nzmu-krde lcde, kzdq kc ncblo ngr Israel, drtqde Elimelek nidr mz olvz rde, drtqde Naomi, x mrlxde nzling, drtqdr Malon x Kilion nzvzng Moab mz nzmnc-krpwzlr elr. Zbz Malon yrlztile Rut, x Kilion yrlztile Opa, olvz lr Moab. A' mz nibr kzdung mzli, ncblo ngr Naomi x mrlxde kcng nzling sc tzbzpeng Moab.</span></div><div class="ip"><span class="content">Mz nibrde Naomi xlrle kx tewa dcpe mrkc Israel, x sc tqaotipe drtwrde kx nayzlu-mop mrnyzde. Rut sc tqyrnipebz bade kx navzng rlilrdr, murde mrlztile lvxbqde Naomi. Rut lxngitile Yawe mz nzngini-kz-krde Gct rde, x sc tzvzpeng.</span></div><div class="ip"><span class="content">Mz drtwr Naomi, nzmncpe-krdr kc Israel narblx, murde trpengr ncblo ngrdrng, x trnzrlr-ngrpwzu mz olvz nzrnginyz-krdr drtc' o da kx na-atatr-ngrmle. Mwx kzdung lr Israel narpilr na-atrkatilr Rut mz nzngini-krde lr mrkzble kc tqangiole drka' mzli kc. X mz drtwrde kz, narblxbz mz Rut nzrmcti-mou-krde ncblo kx nayrlztile nide.</span></div><div class="ip"><span class="content">A' kzdq kc ncblo drtqde Boas sc tqyrlztipele Rut, mz nzvz-nqblq-krde nqmq kr lr Jiu mzli lc. Ncblo lc kzdq kxngini Naomi kx takitrde nzxpepx-krbzle drtc' nyzde x nzaopx-krbzle nqvi lr ncblo ngrdr mz Rut. </span><span class="note x"><span class="label">#</span><span class=" body">Livae 25:25-34, 47-55</span></span><span class="content"> Zbz Rut rmika nedr doa ncblo, drtqde Obed. Obed nide kc nalolvzle drtc' nyz Malon murde nqvi lrde bzkq mztr. </span><span class="note x"><span class="label">#</span><span class=" body">Nou 38:8-10; Lou Kcpwz 25:5-10; Matiu 22:23-28</span></span></div><div class="ip"><span class="content">Be ngr Boas nzokatr-krde Rut ngi kz nzycmne-ebzpxngr mz nzwzkr Kraes, mz nzngini-krde kx-xpepx kxnginideng.</span></div><div class="ili"><span class="content">1) Kx-xpepx kxnginide navzpxm mz nqvi kcpwz tzvzpx-ngrmqng leplz kcng tqxpepxle. Dekc Mrlx Gct, Mevalu Kxnzmcpx, nangini-kzde leplz, da kc tqwaiku. </span><span class="note x"><span class="label">#</span><span class=" body">Lou Kcpwz 25:5, 7-10; Jon 1:14; Rom 1:3; Filipae 2:5-8; Hibru 2:14-15</span></span></div><div class="ili"><span class="content">2) Kx-xpepx kxnginide nakrlzle nzxpe-krde da kx takitrde nzxpepx-krdeleng. Kxnzmcpx xpepxle nigu mz nzbz-krde esz'-krde, murde ma tqbz-aloku. </span><span class="note x"><span class="label">#</span><span class=" body">Rut 2:1; 1 Pita 1:18-19</span></span></div><div class="ili"><span class="content">3) Kx-xpepx kxnginide narlrpx-lzbqbz mz nzxpepxngr lc. Mz nzrlrpx-lzbqkr Kxnzmcpx, ka-lzbq-nrbalq mz nzxpepx-krde nigu, murde ma tzayrplapx alo nigu mz alwx ngrgung. </span><span class="note x"><span class="label">#</span><span class=" body">Rut 3:11; Matiu 20:28; Jon 10:15, 18; Hibru 10:7</span></span></div><div class="ili"><span class="content">4) Kx-xpepx kxnginide trtakitrdeu nide nzngini-krde kxnzawz-nrbalq kc tqmnclzbz mz zmatq ngr kzdq kz ncblo. Kxnzmcpx lc trmnclzpwzu mz zmatq ngr alwx murde trpnzngr alwx ngrde. Mz nzmu-krde lcde, krlzle nzxpepx-krde nigu mz alwx ngrgung. </span><span class="note x"><span class="label">#</span><span class=" body">2 Korint 5:21; Hibru 4:15; 7:26; 1 Pita 2:22; 1 Jon 3:5</span></span></div><div class="ip"><span class="content">Lr Israel, mz nzngini-krdr leplz kcng tqmcpxng Gct, mz drtwrdr trtakitrdeu lr mrkzbleng kcng trnzangiolru Gct angidr nzprtr-krdr mz nqvi lrdrng, myapxbz mz nqvi lr Mevalu kc tzaenzlilr. A' be lc aelwapx-kz-ngrmle bagu kx kxmule-esz' Rut trngiu lr Israel, a' prtr kz mz nqvi lr Jiszs Kxnzmcpx. Mz nzmu-krde lcde, opx angidr kx Kxnzmcpx trarlapxpwzleu lr Israel esz'-krdr, a' vz-kzp mz nzarlapx-krde leplz amrlx mz nrlc kcng tzlxngitilr nide.</span></div>
        </div>
    </div>
</div>

Natq Ngr Nzaplxtqngr Mz Buk Ngr Rut
Trkrlzkuu neke yrle buk lc, a' nzyr mzli kc Devet tqngini-ngrde king kc tqaclvele Israel, mwx mz yiz 1000 BC x Kraes kc mzte tzmc ate. A' da kcng tzyapwxti mz be lc, nzprtzting mzli kc tqngi trgalr king mrkc Israel. Rut nide lxe Obed. Obed nide trte Jesi, x Jesi nide trte King Devet kc tqngi king krali ngr Israel. Opxm kx mz Obed nzmc mz mzlir yiz 1110—1080 BC.
Drtc' ngr Moab yc mz nqlvi r Prla Kxtrlu-ngru Da me prkilzm nepi. Lr Moab nidr leplz kxnzmnc-mrbrng x nzota-zvzng badr lr Israel. A' mz mzli r be lc, nzmncng mz nrwx murde Moab yclzpebz mz zmatq ngr Israel.
Mzli lcde tao kc dzbi mrkc Israel, murde trpnzngr tewa. Mz nzmu-krde lcde, kzdq kc ncblo ngr Israel, drtqde Elimelek nidr mz olvz rde, drtqde Naomi, x mrlxde nzling, drtqdr Malon x Kilion nzvzng Moab mz nzmnc-krpwzlr elr. Zbz Malon yrlztile Rut, x Kilion yrlztile Opa, olvz lr Moab. A' mz nibr kzdung mzli, ncblo ngr Naomi x mrlxde kcng nzling sc tzbzpeng Moab.
Mz nibrde Naomi xlrle kx tewa dcpe mrkc Israel, x sc tqaotipe drtwrde kx nayzlu-mop mrnyzde. Rut sc tqyrnipebz bade kx navzng rlilrdr, murde mrlztile lvxbqde Naomi. Rut lxngitile Yawe mz nzngini-kz-krde Gct rde, x sc tzvzpeng.
Mz drtwr Naomi, nzmncpe-krdr kc Israel narblx, murde trpengr ncblo ngrdrng, x trnzrlr-ngrpwzu mz olvz nzrnginyz-krdr drtc' o da kx na-atatr-ngrmle. Mwx kzdung lr Israel narpilr na-atrkatilr Rut mz nzngini-krde lr mrkzble kc tqangiole drka' mzli kc. X mz drtwrde kz, narblxbz mz Rut nzrmcti-mou-krde ncblo kx nayrlztile nide.
A' kzdq kc ncblo drtqde Boas sc tqyrlztipele Rut, mz nzvz-nqblq-krde nqmq kr lr Jiu mzli lc. Ncblo lc kzdq kxngini Naomi kx takitrde nzxpepx-krbzle drtc' nyzde x nzaopx-krbzle nqvi lr ncblo ngrdr mz Rut. Zbz Rut rmika nedr doa ncblo, drtqde Obed. Obed nide kc nalolvzle drtc' nyz Malon murde nqvi lrde bzkq mztr.
Be ngr Boas nzokatr-krde Rut ngi kz nzycmne-ebzpxngr mz nzwzkr Kraes, mz nzngini-krde kx-xpepx kxnginideng.
1) Kx-xpepx kxnginide navzpxm mz nqvi kcpwz tzvzpx-ngrmqng leplz kcng tqxpepxle. Dekc Mrlx Gct, Mevalu Kxnzmcpx, nangini-kzde leplz, da kc tqwaiku.
2) Kx-xpepx kxnginide nakrlzle nzxpe-krde da kx takitrde nzxpepx-krdeleng. Kxnzmcpx xpepxle nigu mz nzbz-krde esz'-krde, murde ma tqbz-aloku.
3) Kx-xpepx kxnginide narlrpx-lzbqbz mz nzxpepxngr lc. Mz nzrlrpx-lzbqkr Kxnzmcpx, ka-lzbq-nrbalq mz nzxpepx-krde nigu, murde ma tzayrplapx alo nigu mz alwx ngrgung.
4) Kx-xpepx kxnginide trtakitrdeu nide nzngini-krde kxnzawz-nrbalq kc tqmnclzbz mz zmatq ngr kzdq kz ncblo. Kxnzmcpx lc trmnclzpwzu mz zmatq ngr alwx murde trpnzngr alwx ngrde. Mz nzmu-krde lcde, krlzle nzxpepx-krde nigu mz alwx ngrgung.
Lr Israel, mz nzngini-krdr leplz kcng tqmcpxng Gct, mz drtwrdr trtakitrdeu lr mrkzbleng kcng trnzangiolru Gct angidr nzprtr-krdr mz nqvi lrdrng, myapxbz mz nqvi lr Mevalu kc tzaenzlilr. A' be lc aelwapx-kz-ngrmle bagu kx kxmule-esz' Rut trngiu lr Israel, a' prtr kz mz nqvi lr Jiszs Kxnzmcpx. Mz nzmu-krde lcde, opx angidr kx Kxnzmcpx trarlapxpwzleu lr Israel esz'-krdr, a' vz-kzp mz nzarlapx-krde leplz amrlx mz nrlc kcng tzlxngitilr nide.

Klausytis Rut Natq Ngr Nzaplxtqngr Mz Buk Ngr Rut