<div class="version vid1287 iso6393mkn" data-vid="1287" data-iso6393="mkn">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Kaen deng Habel pung carita</div><div class="p"> 1Ais Adam pi tidor deng dia pung bini Hawa. Ju itu parampuan dudu par&#250;. Ais ju dia barana satu ana laki-laki. Ju dia bilang, &#8220;Beta su barana kasi kaluar satu ana laki-laki, tagal TUHAN su tolong sang beta.&#8221; Ais dia kasi nama itu ana, Kaen (yang dia pung arti &#8216;kasi kaluar&#8217;). 2Ais Hawa barana lai satu ana laki-laki. Ju dia kasi nama Habel.</div><div class="p">Waktu dong dua b&#233;sar datang, Habel gambala binatang, deng Kaen karj&#225; kab&#243;n. 3Satu kali, Kaen bawa ame dia pung kab&#243;n pung hasil saparu, ko kasi sang TUHAN. 4Habel ju bawa ame dia pung domba mai dong pung ana partama. Dia horo itu domba dong, ais dia bawa daging yang paling bae kasi sang Tuhan. Lia bagitu, TUHAN pung hati san&#225;ng sang Habel deng dia pung korban tu. 5Ma Dia sonde suka sang Kaen deng dia pung korban tu. Ju Kaen mara mau mati, sampe dia pung muka asar&#225;ng.</div><div class="p"> 6Ju TUHAN omong deng Kaen bilang, &#8220;He, Kaen! Akurang ko lu mara bagitu? Karmana ko lu pung muka asar&#225;ng bagitu? 7Kalo lu bekin bae, tantu Beta ju tarima bae sang lu. Ma ati-ati! Kalo lu bekin jahat, nanti itu jahat makan bale sang lu, sama ke kucing mau kobo tikus. Jadi, kalo lu ada kapingin bekin jahat, lebe bae lu tola buang memang!&#8221; </div><div class="p"> 8Satu kali, Kaen buju sang Habel bilang, &#8220;Adi! Mari ko kotong jalan-jalan pi kab&#243;n.&#8221;#4:8:Ada barapa tulisan tua yang pake Kaen pung omong tu, ma itu kata dong sonde ada dalam tulisan bahasa Ibrani yang paling tua. Waktu dong sampe di sana, takuju sa Kaen papoko bekin mati sang dia pung adi.</div><div class="p"> 9Ais TUHAN tanya sang Kaen bilang, &#8220;He, Kaen! Lu pung adi ada di mana?&#8221;</div><div class="p">Kaen manyao bilang, &#8220;Beta sonde tau dia ada di mana! Kira beta ni, tukang pegang dia pung kaki, ko?&#8221;</div><div class="p"> 10Ju Tuhan omong bilang, &#8220;Akurang ko lu bekin jahat bagitu? Jang kira ko lu bisa sambunyi lu pung adi pung dara di tana, te Beta su lia samua! 11Sakarang kutuk su nae kan&#225; sang lu. Te waktu lu bunu lu pung adi, tana isap ame dia pung dara. Jadi sakarang itu tana su sonde bisa kasi idop sang lu lai. 12Kalo lu bekin kab&#243;n, tana su sonde mau kasi lu hasil apa-apa lai. Mulai sakarang, lu maen tapaleuk pi-datang sama ke orang kasian yang cari idop di ini dunya.&#8221;</div><div class="p"> 13Ma Kaen protes sang TUHAN bilang, &#8220;Awii! Tuhan, &#233;! Karmana ko Tuhan kasi beta kutuk bar&#225;t talalu, sampe beta su tar bisa pikol lai ni? 14Tagal Tuhan su usir sang beta dari ini tampa, beta nanti jao dari Tuhan. Beta maen tapaleuk pi mana-mana. Ais sapa sa yang nanti katumu sang beta, tantu dong bunu bekin mati sang beta.&#8221;</div><div class="p"> 15Ma TUHAN manyao bale bilang, &#8220;Sonde bagitu! Sapa yang bunu sang lu, Beta nanti hukum sang dia tuju kali lebe bar&#225;t!&#8221; Ais TUHAN bekin tanda di Kaen, ko biar orang dapa tau kalo dong sonde bole bunu sang dia. 16Ais Kaen jalan kasi tenga itu tampa, ko pi jao-jao dari TUHAN. Dia jalan sampe di satu tampa di kab&#243;n Eden pung sabl&#225; matahari nae. Itu tampa pung nama Nod, yang pung arti bilang &#8216;Tapaleuk&#8217;. Ais ju dia tenga di situ.</div><div class="s1">Kaen pung turunan dong</div><div class="p"> 17Ais itu, Kaen kawin, ju dia pung bini dudu par&#250;. Ju dia barana satu ana laki-laki, yang dong kasi nama, Henok. Deng Kaen kasi bangun satu kampong. Ais dia kasi nama itu kampong, Henok, iko dia pung ana pung nama. 18Ais Henok pung ana, andia Irad. Irad pung ana, Mehuyael. Mehuyael pung ana, Metusael. Deng Metusael pung ana, Lamek. </div><div class="p"> 19Lamek pung bini dua. Satu nama Ada, deng satu nama Sila. 20Ada pung ana, nama Yabal. Dia pung turunan dong, jadi gambala. Dong idop bapinda-pinda deng tenga di tenda. 21Dia pung adi, nama Yubal. Yubal pung turunan dong jadi tukang maen musik, pake suling deng alat musik kuti pake tali san&#225;r. </div><div class="p"> 22Lamek pung bini Sila barana sang Tubal Kaen. Dia pung turunan jadi tukang besi, ko dong bekin barang macam-macam dari besi deng tambaga. Tubal Kaen pung adi parampuan, nama Na&#42892;ama.</div><div class="p"> 23Satu kali, Lamek angka-angka diri di muka dia pung bini dua-dua bilang, &#8220;Bosong dengar, &#233;! Tadi ada satu nyong yang hantam sang beta, ma beta habok bekin mati sang dia. 24Orang yang bunu sang Kaen, dapa hukuman tuju kali. Ma kalo ada yang mau balas dendam sang beta, dong dapa hukuman 77 kali.&#8221;</div><div class="s1">Adam pung ana laen, andia Set</div><div class="p"> 25Adam pung bini Hawa barana satu ana laki-laki lai. Ju dong kasi nama itu ana, Set (yang dia pung arti &#8216;sorong kasi&#8217;), tagal Hawa bilang, &#8220;Tuhan Allah su sorong kasi beta ini ana ko ganti sang Habel, yang Kaen su bunu bekin mati tu.&#8221; 26Lama-lama Set dapa satu ana laki-laki, nama Enos.</div><div class="p">Itu waktu, orang dong mulai s&#233;mba sang TUHAN Allah.</div>
 </div>
 </div>
</div>

Ais Adam pi tidor deng dia pung bini Hawa. Ju itu parampuan dudu parú. Ais ju dia barana satu ana laki-laki. Ju dia bilang, “Beta su barana kasi kaluar satu ana laki-laki, tagal TUHAN su tolong sang beta.” Ais dia kasi nama itu ana, Kaen (yang dia pung arti ‘kasi kaluar’). Ais Hawa barana lai satu ana laki-laki. Ju dia kasi nama Habel.
Waktu dong dua bésar datang, Habel gambala binatang, deng Kaen karjá kabón. Satu kali, Kaen bawa ame dia pung kabón pung hasil saparu, ko kasi sang TUHAN. Habel ju bawa ame dia pung domba mai dong pung ana partama. Dia horo itu domba dong, ais dia bawa daging yang paling bae kasi sang Tuhan. Lia bagitu, TUHAN pung hati sanáng sang Habel deng dia pung korban tu. Ma Dia sonde suka sang Kaen deng dia pung korban tu. Ju Kaen mara mau mati, sampe dia pung muka asaráng.
Ju TUHAN omong deng Kaen bilang, “He, Kaen! Akurang ko lu mara bagitu? Karmana ko lu pung muka asaráng bagitu? Kalo lu bekin bae, tantu Beta ju tarima bae sang lu. Ma ati-ati! Kalo lu bekin jahat, nanti itu jahat makan bale sang lu, sama ke kucing mau kobo tikus. Jadi, kalo lu ada kapingin bekin jahat, lebe bae lu tola buang memang!”
Satu kali, Kaen buju sang Habel bilang, “Adi! Mari ko kotong jalan-jalan pi kabón.” Waktu dong sampe di sana, takuju sa Kaen papoko bekin mati sang dia pung adi.
Ais TUHAN tanya sang Kaen bilang, “He, Kaen! Lu pung adi ada di mana?”
Kaen manyao bilang, “Beta sonde tau dia ada di mana! Kira beta ni, tukang pegang dia pung kaki, ko?”
Ju Tuhan omong bilang, “Akurang ko lu bekin jahat bagitu? Jang kira ko lu bisa sambunyi lu pung adi pung dara di tana, te Beta su lia samua! Sakarang kutuk su nae kaná sang lu. Te waktu lu bunu lu pung adi, tana isap ame dia pung dara. Jadi sakarang itu tana su sonde bisa kasi idop sang lu lai. Kalo lu bekin kabón, tana su sonde mau kasi lu hasil apa-apa lai. Mulai sakarang, lu maen tapaleuk pi-datang sama ke orang kasian yang cari idop di ini dunya.”
Ma Kaen protes sang TUHAN bilang, “Awii! Tuhan, é! Karmana ko Tuhan kasi beta kutuk barát talalu, sampe beta su tar bisa pikol lai ni? Tagal Tuhan su usir sang beta dari ini tampa, beta nanti jao dari Tuhan. Beta maen tapaleuk pi mana-mana. Ais sapa sa yang nanti katumu sang beta, tantu dong bunu bekin mati sang beta.”
Ma TUHAN manyao bale bilang, “Sonde bagitu! Sapa yang bunu sang lu, Beta nanti hukum sang dia tuju kali lebe barát!” Ais TUHAN bekin tanda di Kaen, ko biar orang dapa tau kalo dong sonde bole bunu sang dia. Ais Kaen jalan kasi tenga itu tampa, ko pi jao-jao dari TUHAN. Dia jalan sampe di satu tampa di kabón Eden pung sablá matahari nae. Itu tampa pung nama Nod, yang pung arti bilang ‘Tapaleuk’. Ais ju dia tenga di situ.

Ais itu, Kaen kawin, ju dia pung bini dudu parú. Ju dia barana satu ana laki-laki, yang dong kasi nama, Henok. Deng Kaen kasi bangun satu kampong. Ais dia kasi nama itu kampong, Henok, iko dia pung ana pung nama. Ais Henok pung ana, andia Irad. Irad pung ana, Mehuyael. Mehuyael pung ana, Metusael. Deng Metusael pung ana, Lamek.
Lamek pung bini dua. Satu nama Ada, deng satu nama Sila. Ada pung ana, nama Yabal. Dia pung turunan dong, jadi gambala. Dong idop bapinda-pinda deng tenga di tenda. Dia pung adi, nama Yubal. Yubal pung turunan dong jadi tukang maen musik, pake suling deng alat musik kuti pake tali sanár.
Lamek pung bini Sila barana sang Tubal Kaen. Dia pung turunan jadi tukang besi, ko dong bekin barang macam-macam dari besi deng tambaga. Tubal Kaen pung adi parampuan, nama Naꞌama.
Satu kali, Lamek angka-angka diri di muka dia pung bini dua-dua bilang, “Bosong dengar, é! Tadi ada satu nyong yang hantam sang beta, ma beta habok bekin mati sang dia. Orang yang bunu sang Kaen, dapa hukuman tuju kali. Ma kalo ada yang mau balas dendam sang beta, dong dapa hukuman 77 kali.”

Adam pung bini Hawa barana satu ana laki-laki lai. Ju dong kasi nama itu ana, Set (yang dia pung arti ‘sorong kasi’), tagal Hawa bilang, “Tuhan Allah su sorong kasi beta ini ana ko ganti sang Habel, yang Kaen su bunu bekin mati tu.” Lama-lama Set dapa satu ana laki-laki, nama Enos.
Itu waktu, orang dong mulai sémba sang TUHAN Allah.

Klausytis Carita Mula-mula 4