<div class="version vid1287 iso6393mkn" data-vid="1287" data-iso6393="mkn">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s1">Tuhan Allah bekin langit, bumi deng dia pung isi dong</div><div class="p"> 1Mula-mula Tuhan Allah bekin langit deng bumi.</div><div class="p"> 2Itu waktu, bumi bal&#243;m jadi, deng samua masi harba-biruk. Yang ada, aer. Deng gal&#225;p gulita tutu ame sang dia. Tuhan pung Roh ada bajalan di atas itu aer.#1:2:Bahasa Ibrani di sini, dia pung arti bisa macam-macam ke &#8216;Tuhan pung Roh&#8217;, ko, &#8216;angin dari Tuhan&#8217;, ko, &#8216;kuasa dari Tuhan&#8217;.</div><div class="m"> 3Ais Tuhan Allah omong bilang, &#8220;Musti ada tar&#225;ng.&#8221; Omong abis bagitu ju, tar&#225;ng ada. 4Lia itu tar&#225;ng, ju Dia pung hati san&#225;ng, tagal apa yang Dia su bekin tu, memang bae. Ais Dia kasi pisa itu tar&#225;ng dari gal&#225;p, ko satu-satu ada pung waktu sandiri. 5Dia kasi nama tar&#225;ng tu, &#8216;siang&#8217;, deng gal&#225;p tu, &#8216;malam&#8217;. Itu hari partama.</div><div class="m"> 6-7Ais Tuhan Allah omong lai bilang, &#8220;Musti ada tampa kosong ko kasi pisa aer. Andia ko ada aer di bagian atas, deng ada aer di bagian bawa.&#8221; Omong abis bagitu ju, itu aer tabagi dua. 8Ais Dia kasi nama tampa kosong di bagian atas tu, &#8216;langit&#8217;. Itu hari kadua.</div><div class="m"> 9Ais Tuhan Allah omong lai bilang, &#8220;Aer di bagian bawa tu musti takumpul di satu tampa, ko biar ada tana kar&#237;ng.&#8221; Omong abis bagitu ju, tana kar&#237;ng ada. 10Ais tana kar&#237;ng tu, Dia kasi nama &#8216;darat&#8217;; deng aer yang takumpul tu, Dia kasi nama &#8216;laut&#8217;. Lia itu samua, ju Dia pung hati san&#225;ng, tagal apa yang Dia su bekin tu, memang bae. 11Ais Tuhan Allah omong lai bilang, &#8220;Darat musti kasi kaluar tanaman. Musti ada tanaman yang babua, yang babiji, deng yang badaon ijo. Biar ko satu-satu tanaman kasi kaluar dia pung hasil iko dia pung macam.&#8221; Omong abis bagitu ju, samua tanaman jadi. 12Di darat, tanaman dong kasi kaluar dong pung hasil iko satu-satu pung macam. Lia itu samua, ju Dia pung hati san&#225;ng, tagal apa yang Dia su bekin tu, memang bae. 13Itu hari katiga.</div><div class="m"> 14-15Ais Tuhan Allah omong lai bilang, &#8220;Di bagian atas tu, musti ada macam-macam barang tar&#225;ng ko bekin tar&#225;ng ini bumi. Musti ada yang kasi tar&#225;ng waktu siang, deng musti ada laen yang kasi tar&#225;ng waktu malam. Dong samua jadi tanda ko biar bisa itong hari, taon, deng musim.&#8221; Omong abis bagitu ju, samua barang tar&#225;ng ada. 16Dia bekin dua macam barang tar&#225;ng yang b&#233;sar. Yang lebe b&#233;sar, kasi tar&#225;ng waktu siang; yang lebe kici, kasi tar&#225;ng waktu malam. Dia ju bekin bintang dong. 17Dia ator itu barang dong di langit, ko dong senter kasi tar&#225;ng bumi. 18Ais dong kasi tar&#225;ng waktu siang, deng kasi tar&#225;ng waktu malam. Deng bagitu, dong kasi pisa tar&#225;ng dari gal&#225;p. Lia itu samua, ju Dia pung hati san&#225;ng, tagal apa yang Dia su bekin tu, memang bae. 19Itu hari ka&#42892;ampa. </div><div class="m"> 20Ais Tuhan Allah omong lai bilang, &#8220;Musti ada macam-macam binatang yang idop dalam aer. Deng musti ada macam-macam burung yang tarb&#225;ng di atas bumi.&#8221; 21Ais Dia bekin samua macam ikan deng binatang b&#233;sar yang idop di aer. Dia ju bekin samua macam burung yang tarb&#225;ng di langit. Lia itu samua, ju Dia pung hati san&#225;ng, tagal apa yang Dia su bekin tu, memang bae. 22Ais Dia omong kasi berkat sang itu binatang dong samua bilang, &#8220;Ikan dong musti tamba banya, ko bekin ponu aer di mana-mana. Deng burung dong ju musti tamba banya.&#8221; 23Itu hari kalima.</div><div class="m"> 24-25Ais Tuhan Allah omong lai bilang, &#8220;Musti ada macam-macam binatang yang idop di darat. Andia binatang piara, binatang liar, deng binatang marayap di tana, satu-satu deng dia pung macam.&#8221; Omong abis bagitu ju, samua binatang ada. Lia itu samua, ju Dia pung hati san&#225;ng, tagal apa yang Dia su bekin tu, memang bae.</div><div class="p"> 26Ais Tuhan Allah omong lai bilang, &#8220;Mari ko Kotong bekin manusia iko Kotong pung model. Biar dong urus deng ator samua ikan di laut, samua burung di langit, samua binatang piara, deng samua binatang laen dong yang idop di bumi.&#8221;#Kolose 1:16 </div><div class="p"> 27Ju Dia bekin manusia iko Dia pung model. Dia bekin sang dong, laki-laki deng parampuan. 28Ju Dia omong kasi berkat sang dong bilang, &#8220;Bosong musti barana tamba bam-banya, ko bekin ponu deng ator ini dunya. Beta ju kasi hak sang bosong ko urus ikan-ikan, burung-burung, deng samua binatang di darat. 29Dengar bae-bae! Beta kasi sang bosong makanan macam-macam di ini dunya. Andia: tanaman yang babua, yang babiji, deng yang badaon ijo. 30Beta ju kasi samua macam tanaman, ko jadi samua macam binatang pung makanan. Ada makanan buat binatang piara, binatang liar, binatang marayap, deng burung-burung dong.&#8221; Omong abis bagitu ju, samua macam makanan ada. 31Lia itu samua, ju Dia pung hati san&#225;ng, tagal apa yang Dia su bekin tu, memang talalu bae. Itu hari ka&#42892;anam.</div>
 </div>
 </div>
</div>

Mula-mula Tuhan Allah bekin langit deng bumi.
Itu waktu, bumi balóm jadi, deng samua masi harba-biruk. Yang ada, aer. Deng galáp gulita tutu ame sang dia. Tuhan pung Roh ada bajalan di atas itu aer.
Ais Tuhan Allah omong bilang, “Musti ada taráng.” Omong abis bagitu ju, taráng ada. Lia itu taráng, ju Dia pung hati sanáng, tagal apa yang Dia su bekin tu, memang bae. Ais Dia kasi pisa itu taráng dari galáp, ko satu-satu ada pung waktu sandiri. Dia kasi nama taráng tu, ‘siang’, deng galáp tu, ‘malam’. Itu hari partama.
Ais Tuhan Allah omong lai bilang, “Musti ada tampa kosong ko kasi pisa aer. Andia ko ada aer di bagian atas, deng ada aer di bagian bawa.” Omong abis bagitu ju, itu aer tabagi dua. Ais Dia kasi nama tampa kosong di bagian atas tu, ‘langit’. Itu hari kadua.
Ais Tuhan Allah omong lai bilang, “Aer di bagian bawa tu musti takumpul di satu tampa, ko biar ada tana karíng.” Omong abis bagitu ju, tana karíng ada. Ais tana karíng tu, Dia kasi nama ‘darat’; deng aer yang takumpul tu, Dia kasi nama ‘laut’. Lia itu samua, ju Dia pung hati sanáng, tagal apa yang Dia su bekin tu, memang bae. Ais Tuhan Allah omong lai bilang, “Darat musti kasi kaluar tanaman. Musti ada tanaman yang babua, yang babiji, deng yang badaon ijo. Biar ko satu-satu tanaman kasi kaluar dia pung hasil iko dia pung macam.” Omong abis bagitu ju, samua tanaman jadi. Di darat, tanaman dong kasi kaluar dong pung hasil iko satu-satu pung macam. Lia itu samua, ju Dia pung hati sanáng, tagal apa yang Dia su bekin tu, memang bae. Itu hari katiga.
Ais Tuhan Allah omong lai bilang, “Di bagian atas tu, musti ada macam-macam barang taráng ko bekin taráng ini bumi. Musti ada yang kasi taráng waktu siang, deng musti ada laen yang kasi taráng waktu malam. Dong samua jadi tanda ko biar bisa itong hari, taon, deng musim.” Omong abis bagitu ju, samua barang taráng ada. Dia bekin dua macam barang taráng yang bésar. Yang lebe bésar, kasi taráng waktu siang; yang lebe kici, kasi taráng waktu malam. Dia ju bekin bintang dong. Dia ator itu barang dong di langit, ko dong senter kasi taráng bumi. Ais dong kasi taráng waktu siang, deng kasi taráng waktu malam. Deng bagitu, dong kasi pisa taráng dari galáp. Lia itu samua, ju Dia pung hati sanáng, tagal apa yang Dia su bekin tu, memang bae. Itu hari kaꞌampa.
Ais Tuhan Allah omong lai bilang, “Musti ada macam-macam binatang yang idop dalam aer. Deng musti ada macam-macam burung yang tarbáng di atas bumi.” Ais Dia bekin samua macam ikan deng binatang bésar yang idop di aer. Dia ju bekin samua macam burung yang tarbáng di langit. Lia itu samua, ju Dia pung hati sanáng, tagal apa yang Dia su bekin tu, memang bae. Ais Dia omong kasi berkat sang itu binatang dong samua bilang, “Ikan dong musti tamba banya, ko bekin ponu aer di mana-mana. Deng burung dong ju musti tamba banya.” Itu hari kalima.
Ais Tuhan Allah omong lai bilang, “Musti ada macam-macam binatang yang idop di darat. Andia binatang piara, binatang liar, deng binatang marayap di tana, satu-satu deng dia pung macam.” Omong abis bagitu ju, samua binatang ada. Lia itu samua, ju Dia pung hati sanáng, tagal apa yang Dia su bekin tu, memang bae.
Ais Tuhan Allah omong lai bilang, “Mari ko Kotong bekin manusia iko Kotong pung model. Biar dong urus deng ator samua ikan di laut, samua burung di langit, samua binatang piara, deng samua binatang laen dong yang idop di bumi.”
Ju Dia bekin manusia iko Dia pung model. Dia bekin sang dong, laki-laki deng parampuan. Ju Dia omong kasi berkat sang dong bilang, “Bosong musti barana tamba bam-banya, ko bekin ponu deng ator ini dunya. Beta ju kasi hak sang bosong ko urus ikan-ikan, burung-burung, deng samua binatang di darat. Dengar bae-bae! Beta kasi sang bosong makanan macam-macam di ini dunya. Andia: tanaman yang babua, yang babiji, deng yang badaon ijo. Beta ju kasi samua macam tanaman, ko jadi samua macam binatang pung makanan. Ada makanan buat binatang piara, binatang liar, binatang marayap, deng burung-burung dong.” Omong abis bagitu ju, samua macam makanan ada. Lia itu samua, ju Dia pung hati sanáng, tagal apa yang Dia su bekin tu, memang talalu bae. Itu hari kaꞌanam.

Klausytis Carita Mula-mula 1