Luke 5
5
1ᨾᩦᩅ᩠ᨶᩢ ᪑ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨠᩣᩴ᩵ᩃ᩠ᨦᩢ ᨧᩩᨠᨿ᩠ᨶᩨᩀᩪ᩵ᨴᩦ᩵ᨠᩱᩢ ᨣᩘᨶᩮᩈᩁᩮ᩠ᨯᩋᩣ᩠ᨿbᨶ᩠ᨶᩢᩢ ᨤ᩠ᨶᩫᨾᩮ᩠ᨦᩨᨴ᩠ᨦᩢᩉᩖᩣ᩠ᨿ ᨯᩱᩢᨩᩩᨲᩩᨾᨠ᩠ᨶᩢ ᩀᩪ᩵ᩁ᩠ᩋᨷᨡᩣ᩠ᨦᩢᨴ᩠ᨶᩤ᩵ ᨻᩮ᩠ᩋᩨ᩵ᨻᩱᨳ᩠ᩋ᩵ᨾᨼ᩠ᨦᩢ ᩐᩣᩢᨿ᩠ᨦᩢᨵᨾ᩠ᨾ᩼ᨻᩕᨧᩮᩣᩢᩢᩀᩪ᩵ᨶ᩠ᨶᩢᩢ᪩ 2ᨳ᩠ᨯᩢᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨯᩱᩢᩉ᩠ᨶᩢ ᩁᩮ᩠ᩋᩨᩉᩣᨸᩣᩈ᩠ᩋᨦᩃᩣᩴ ᩋ᩠ᨶᩢᨾᩣᨧ᩠ᩋᨯᨴᩦ᩵ᨺ᩠ᨦᩢ᩵ᨶᩣᩴᩢᨶ᩠ᨶᩢᩢ᪩ ᨤ᩠ᨶᩫᩉᩣᨸᩣᨡᩮᩣᩢᨣᩢᨯᩱᩢᩃ᩠ᨦᩫᨧᩣ᩠ᨠᩁᩮ᩠ᩋᩨᨾᩣ ᩓ᩠ᩅᩢᨯᩱᩢᨪ᩠ᩅ᩠ᨿ᩵ᩉᩯᩀᩪ᩵᪩ 3ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᨡ᩠ᨶᩨᩢ ᨻᩱᩉᩮ᩠ᨶᩨᩋᩁᩮ᩠ᩋᩨ ᨪᩥᨾᩩ᩵ᩁ ᩋ᩠ᨶᩢᨾᩣᨩ᩠ᩋᨾᨠ᩠ᨶᩢ ᩈ᩠ᩋᨦᩃᩣᩴᨶ᩠ᨶᩢᩢ ᨸ᩠ᨶᩢᩋᩣᨩ᩠ᩅ᩠ᨿᩣ ᩉᩨᩢᩁᩮ᩠ᩋᩨᩉ᩠ᨿᩣ᩠ᨶ ᨧᩣ᩠ᨠᨺ᩠ᨦᩢ᩵ᨶᩣᩴᩢᩋ᩠ᨯᩥ ᪑ ᩓ᩠ᩅᩢ᪩ ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᨶ᩠ᨦᩢ᩵ᩉᩮ᩠ᨶᩨᩋᩁᩮ᩠ᩋᩨ ᩓᩢᨯᩱᩢᨴᩮᩈᨶᩣ ᩈ᩠ᨦᩢ᩵ᩈ᩠ᩋᩁ ᩉᩨᩢᨡᩮᩣᩢᨴᩢ᩠ᨦᩉᩖᩣ᩠ᨿᩅᩤ᩵ᩋ᩠ᨶᩢᩢᨯᩯ᩵᪩ 4ᨾᩮ᩠ᩋᩨ᩵ᨯᩱᩢᨴᩮᩈᨶᩣᩈ᩠ᨦᩢ᩵ᩈ᩠ᩋᩁ ᩉᩨᩢᨡᩮᩣᩢᩓ᩠ᩅᩢ ᨷ᩠ᩋᨠ ᨠ᩵ᩣ᩠ᩅᩉᩨᩢᨪᩥᨾᩩ᩵ᩁ “ᩉᩨᩢᨽᩣ᩠ᨿᩁᩮ᩠ᩋᩨᨡᩮᩣᩢᩢᨻᩱ ᨴᩦ᩵ᩃ᩠ᨠᩧᨶ᩠ᨶᩢᩢᩈᩮ ᩉᩨᩢᩐᩣᩢᩉᩯᨴ᩠ᩋᨯᩃ᩠ᨦᩫ” ᨸ᩠ᨶᩢᩋᩣᨩ᩠ᩅ᩠ᨿᩣᨯ᩠ᨦᩢ᩵ᨶᩦᩢᨯᩯ᩵᪩ 5ᨪᩥᨾᩩ᩵ᩁᨣᩢᨠ᩵ᩣ᩠ᩅᩅᩤ᩵ ᨴ᩠ᨶᩤ᩵ᨧᩮᩣᩢᩢ ᨡᩣᩢᨯᩱᩢᨡ᩠ᨶᩢ᩵ᨧᩱᨠ᩠ᨴᩣᩴᩉᩮ᩠ᨯᨴ᩠ᨦᩢᨤᩨ᩠ᨶᩓ᩠ᩅᩢ ᨷᩢᨯᩱᩢᨸᩣᩈ᩠ᨠᩢᨲ᩠ᩅᩫᨡᩣᩢᨯᩯ᩵᪩ ᨣᩭᨲᩯ᩵ᩅᩤ᩵ ᨴ᩠ᨶᩤ᩵ᨧᩮᩣᩢᩢᨩᩱᩢᨡᩣᩢ ᨡᩣᩢᨣᩢᨧᩢᨴ᩠ᩋᨯᩉᩯᩃ᩠ᨦᩫᨳᩯ᩠ᨦᩢᩀᩪ᩵ᩓ᪩ 6ᩈ᩠ᨶᩢᨶ᩠ᨶᩢᩢ ᨾᩮ᩠ᩋᩨ᩵ᨾ᩠ᨶᩢᩐᩣᩢᩉᩯ ᨴ᩠ᩋᨯᩃ᩠ᨦᩫᨻᩱᨶ᩠ᨶᩢᩢ ᨣᩢᨯᩱᩢᩉ᩠ᨶᩢᨸᩣᨡᩮᩣᩢᩢᨾᩣᨶᩱᩉᩯᨸᩮ᩠ᨶᨾᩣ᩠ᨠᨸᩮ᩠ᨶᩉᩖᩣ᩠ᨿᨴᩯᩢᨯᩯ᪩ 7ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨡᩮᩣᩢᨧ᩠ᨦᩥ᩵ᨠ᩠ᨠᩢᨾᩨᩁ᩠ᩋᨦᩢ ᨤ᩠ᨶᩫᩉᩣᨸᩣᨳᩯ᩠ᨦᩢᩃᩣᩴ ᪑ ᨶ᩠ᨶᩢᩢᨾᩣᨩᩭ᩵ᨠ᩠ᨶᩢᩐᩣᩢᨸᩣᩈᩱ᩵ᩁᩮ᩠ᩋᩨᨴ᩠ᨦᩢᩈ᩠ᩋᨦᩃᩣᩴᨸᩮ᩠ᨶᨾᩣ᩠ᨠᨸᩮ᩠ᨶᩉᩖᩣ᩠ᨿ ᩁᩮ᩠ᩋᩨᨻᩳᩋᩣ᩠ᨯᨧᩢᨧ᩠ᨾᩫᨶᩣᩴᩢᨶ᩠ᨶᩢᩢᨯᩯ᩵᪩ 8ᨯᩱᩢᩉ᩠ᨶᩢᨸᩮ᩠ᨶᩉᩮ᩠ᨲᩩᨯ᩠ᨦᩢ᩵ᨶ᩠ᨶᩢᩢ ᨪᩥᨾᩩ᩵ᩁᨷᩮᨲᩁᩩc ᨣᩢᨯᩱᩢᨾᩣᨤᩩᨷᨡᩮ᩵ᩣᩢ ᩈ᩠ᩋ᩵ᨦᩉ᩠ᨶᩣᩢ ᨴ᩠ᨶᩤ᩵ᨧᩮᩣᩢᩢᨿᩮᨪᩩ ᩈᩮᩓ᩠ᩅᩢ ᩉᩱ᩠ᩅᩢᩈᩣᩅᩤ᩵ ᨴ᩠ᨶᩤ᩵ᨧᩮᩣᩢᩢ᪨ ᨡᩣᩢᨶᩦᩢᨾᩦᨶ᩠ᨠᩢᨴᩰ᩠ᩇᨴᩩᨧᩁᩮ᩠ᨠᩨ ᩉᩖᩣ᩠ᨿᨶ᩠ᨠᩢ ᩈ᩠ᨶᩢᨶ᩠ᨶᩢᩢᨡᩳᩋᨶᩩᨬᩣ᩠ᨲ ᨸ᩠ᨶᩢᨡᩣᩢᩈᩮᨣᩣᩴ ᩉᩱ᩠ᩅᩢᩈᩣ ᨯ᩠ᨦᩢ᩵ᨶᩦᩢᨯᩯ᩵᪩ 9ᨲᩣ᩠ᨾᨯ᩠ᨦᩢ᩵ᨠᩣ᩠ᩅ᩵ᨾᩣᨶᩦᩢ ᩈᩥᨾᩪᩁᩓᩢ ᨡᩮᩣᩢᨴ᩠ᨦᩢᩉᩖᩣ᩠ᨿᨠ᩠ᨷᩢᨴ᩠ᨦᩢ ᨿᩣᨣᩰ᩠ᨠᩡᩓᩢ ᨿᩳᩉᩣ᩠ᨶ᩵ ᨹᩪᩢᨸᩮ᩠ᨶᩃᩪᨠᨩᩣ᩠ᨿᨡ᩠ᩋᨦ ᨩᩮᨻᩮᨴᩯᨶ᩠ᨶᩢᩢ ᨼᩰ᩠ᩋᩡᩅᩤ᩵ ᨡᩮᩣᩢᨴ᩠ᨦᩢᩉᩖᩣ᩠ᨿᨯᩱᩢ ᨧ᩠ᨷᩢᨿ᩠ᨷᩢᨸᩣᨸᩮ᩠ᨶᨾᩣ᩠ᨠᨸᩮ᩠ᨶᩉᩖᩣ᩠ᨿ ᨣᩢᨯᩱᩢᩋᩔᨧ᩠ᨶᩢᨧᩱᨴᩯᩢᩓ᪩ 10ᨴ᩠ᨶᩤ᩵ᨧᩮᩣᩢᩢ ᨣᩢᨠᩣ᩠ᩅ᩵ᨠᩯ᩵ᨪᩥᨾᩩ᩵ᩁᩅᩤ᩵ ᨷᩢᨳᩣᩢᨠ᩠ᩅᩫ ᨿᩣᨣᩰ᩠ᨠᩡᩓᩢ ᨿᩳᩉᩣ᩠ᨶ᩵ᨸᩮ᩠ᨶᩃᩪᨠᨡ᩠ᩋᨦ ᨩᩮᨻᩮᨴᩯ ᨲ᩠ᨦᩢᩢᨲᩯ᩵ᨶᩦᩢᨸᩮ᩠ᨶᨲ᩠ᨶᩫᨻᩱ ᨣ᩠ᨶᩢᩈᩪᨿ᩠ᨦᩢᨧᩢᩉᩣᨸᩣᩀᩪ᩵ᨶ᩠ᨶᩢᩢ᪩ ᨹᩮ᩠ᩋᩨ᩵ᨴᩤᩢᩅᩤ᩵ ᩈᩪᨩᩩᨲᩪᨤ᩠ᨶᩫdᩈᩮᩓ᩠ᩅᩢ ᨾᩣᨲᩣ᩠ᨾᩉᩖᨦᩢᨣᩪ ᨻᩮ᩠ᩋᩨ᩵ᨧᩢᨯᩱᩢᨸᩮ᩠ᨶᩃᩪᩉᨶ᩠ᩋᨦᩢᨻᩱ ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᩋ᩠ᨶᩢᩢᩓ᪩ 11ᨳ᩠ᨯᩢᨶ᩠ᨶᩢᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨯᩱᩢᨻᩱᩐᩣᩢ ᩁᩮ᩠ᩋᩨᨡᩮᩣᩢ ᨡ᩠ᨶᩨᩢᩅᩱᩢᩉᩮ᩠ᨶᩨᩋᨺ᩠ᨦᩢ᩵ᩓ᩠ᩅᩢ ᩈ᩠ᨦᩥ᩵ᨡ᩠ᩋᨦᩋ᩠ᨶᩢᨾᩦᩅᩱᩢᨩᩮ᩠ᩋᩨᨶ᩠ᨶᩢᩢ ᨣᩢᩐᩣᩢᨵ᩠ᨦᩥᩢᨻᩯ᩠ᨯ ᩅᩱᩢᩈᩮᨣᩢᨯᩱᩢᨲᩣ᩠ᨾᩉᩖᨦᩢ ᨴ᩠ᨶᩤ᩵ᨧᩮᩣᩢᩢᨻᩱᩅᩤ᩵ᨨ᩠ᨶᩢᨶᩦᩢᨯᩯ᩵᪩
ᨤ᩠ᨶᩫᨸᩮ᩠ᨶᨡᩦᩢᨴᩪᨯᨣᩳᩢ ᪑ ᨯᩱᩢᩉᩣ᩠ᨿᨤᩯ᩠ᩅᩁ 12ᨾᩦᨻ᩠ᩋᨠ ᪑ ᨾᩮ᩠ᩋᩨ᩵ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨶᩦᩢ ᨯᩱᩢᩁ᩠ᩋᨯᨹᩯ᩠ᩅᨴᩦ᩵ᩅ᩠ᨿᨦᩉᩖᩅ᩠ᨦᩅ᩠ᨿᨦ ᪑ ᨶᩱᨴᩦ᩵ᩉ᩠ᨶᩢᩢᨶ᩠ᨶᩢᩢ ᨯᩱᩢᨾᩦᨤ᩠ᨶᩫᨩᩣ᩠ᨿᨣᩳᩢ ᪑ ᨸᩮ᩠ᨶᨡᩦᩢᨴᩪᨯ᪩ ᨾ᩠ᨶᩢᨯᩱᩢᩉ᩠ᨶᩢᨴ᩠ᨶᩤ᩵ᨧᩮᩣᩢᩢᩓ᩠ᩅᩢ ᨣᩢᨯᩱᩢᨾᩣᨶ᩠ᨷᩫᨴᩯ᩠ᨷᨴᩦ᩵ᩈ᩠ᩋ᩵ᨦᩉ᩠ᨶᩣᩢᩈᩮᩅᩤ᩵᪩ “ᨴ᩠ᨶᩤ᩵ᨧᩮᩣᩢᩢ᪨ ᨴ᩠ᨶᩤ᩵ᨧᩮᩣᩢᩢ ᨣ᩠ᨶᩢᩅᩤ᩵ᨴ᩠ᨶᩤ᩵ᨧᩮᩣᩢᩢᨾᩦᨣ᩠ᩅᩣ᩠ᨾᨲ᩠ᩋᨦᩢᨠᩣ᩠ᩁ ᩁᩰ᩠ᨣᨧᩮ᩠ᨷᨡᩱᩢᨣᩢᨩᩣ᩠ᨦ᩵ᩉᩣ᩠ᨿᨤᩯ᩠ᨶᩋᩮ᩠ᩋᩨᩢ᪩ ᩈ᩠ᨶᩢᨶ᩠ᨶᩢᩢ ᨡᩳᩉᩨᩢᨠ᩠ᨴᩣᩴᩁᩰ᩠ᨣᨡᩣᩢᨶᩦᩢ ᩉᩣ᩠ᨿᨤᩯ᩠ᩅᩁᩈᩮᨣᩣᩴ” ᨡᩳᨿ᩠ᩋᩁᨯ᩠ᨦᩢ᩵ᨶᩦᩢᩓ᪩ 13ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᩐᩣᩢᨾᩨᨻᩱᨴᩮ᩠ᩋᩨᩢᨾ᩠ᨶᩢᩈᩮᩅᩤ᩵ “ᨣᩪᨲ᩠ᩋᨦᩢᨠᩣ᩠ᩁᩀᩪ᩵᪨ ᩉᩨᩢᩉᩣ᩠ᨿᨤᩯ᩠ᩅᩁᩈᩮᨣᩣᩴ” ᨸ᩠ᨦᩫᩋᩣᨩ᩠ᩅ᩠ᨿᩣᩓ᩠ᩅᩢᩁᩰ᩠ᨣ ᩉᩯ᩠ᨦ᩵ᨾ᩠ᨶᩢᨣᩢᩃ᩠ᩅᨯ ᩉᩣ᩠ᨿᨤᩯ᩠ᩅᩁᨻᩱᨣᩣᩴᨯ᩠ᨿᩴᨯᩯ᩵᩵᪩ 14ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᨷ᩠ᩋᨠᨠ᩵ᩣ᩠ᩅᨾ᩠ᨶᩢᩅᩤ᩵ ᨯ᩠ᨦᩢ᩵ᨴ᩠ᨶᩤ᩵ᩉᩣ᩠ᨿᨤᩯ᩠ᩅᩁᨻᩱᨶ᩠ᨶᩢᩢ ᩀ᩵ᩣᨯᩱᩢᨷ᩠ᩋᨠ ᨠ᩵ᩣ᩠ᩅᩉᩯ᩠ᨶᨹᩪᩢᨯᩱᨹᩪᩢ ᪑ ᩅᩤ᩵ᩋ᩠ᨶᩢᩢᩓ᩠ᩅᩢ ᨲ᩠ᩅᩫᨡᨶ᩠ᨵᩈᩪᨶ᩠ᨶᩢᩢ ᩉᩨᩢᨻᩱᩉᩯ᩠ᨶᨴᩦ᩵ᩉ᩠ᨾᩳ ᨷᩁᩮᩣᩉ᩠ᨲᩥᩓ᪩ ᨣ᩠ᨶᩢᩓ᩠ᩅᩢᨣᩢ ᩁᩮ᩠ᨦᩨ᩵ᨠᩣ᩠ᩁᩋ᩠ᨶᩢᩁᩰ᩠ᨣ ᨡ᩠ᩋᨦᩈᩪᩉᩣ᩠ᨿᨤᩯ᩠ᨶᨶ᩠ᨶᩢᩢ ᨻᩮ᩠ᩋᩨ᩵ᩉᩨᩢᨯᩱᩢᨸᩮ᩠ᨶᨲ᩠ᩅᩫᩀ᩵ᩣ᩠ᨦᨠᩯ᩵ ᨤ᩠ᨶᩫᨴ᩠ᨦᩢᩉᩖᩣ᩠ᨿᩈᩮᩓ᩠ᩅᩢ ᨲᩣ᩠ᨾᨯ᩠ᨦᩢ᩵ᨣᨾ᩠ᨻᩦᨾᩦᩈᩮ ᨷᨬᩚᨲᩥᩅᩱᩢᨶ᩠ᨶᩢᩢᨣᩢ ᩉᩨᩢᨻᩱᩉᩮ᩠ᨯᩓ ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᩋ᩠ᨶᩢᩢᩓ᩠ᩅᩢ᪩ “ᩉᩨᩢᨾ᩠ᨶᩢᩉᩯ᩠ᨶ ᨴᩦ᩵ᨷᩁᩮᩣᩉ᩠ᨲᩥᩓ᩠ᩅᩢ ᨯ᩠ᨦᩢ᩵ᩁᩰ᩠ᨣ ᨴ᩠ᨶᩤ᩵ᩉᩣ᩠ᨿᨤᩯ᩠ᩅᩁᨻᩱᨶ᩠ᨶᩢᩢ ᨲᩣ᩠ᨾᨯ᩠ᨦᩢ᩵ᨣᨾ᩠ᨠᩦᨾᩳᩈᩮ᩵ᩉᩯ᩠ᨶᩅᩱᩢᨶ᩠ᨶᩢᩢ ᨧᩢᨯᩱᩢᩈ᩠ᩋᨦᩢᨠᩣ᩠ᩁᨷᩪᨩᩣ” ᨸ᩠ᨶᩢᩋᩣᨩ᩠ᩅ᩠ᨿᩣᨯ᩠ᨦᩢ᩵ᨶᩦᩢᨯᩯ᩵᪩ 15ᨣᩭᨲᩯ᩵ᩅᩤ᩵ ᨡᩣ᩠ᩅ᩵ᨣᩩᨱᨴ᩠ᨶᩤ᩵ᨧᩮᩣᩢᩢᨣᩢᨯᩱᩢ ᩃᩨᩉᩖᨦᩢᨴ᩠ᩅᩫ᩵ᨻᩱᩈᩮᩓ᩠ᩅᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨣᩢᨯᩱᩢᨩᩩᨠ᩠ᨶᩢᨾᩣ ᨳ᩠ᩋ᩵ᨾᨼ᩠ᨦᩢᨿ᩠ᨦᩢ ᨵᨾ᩠ᨾ᩼ᨴᩮᩈᨶᩣ ᩉᩯ᩠ᨦ᩵ᨴ᩠ᨶᩤ᩵ᨧᩮᩣᩢᩢᩓᩢ ᨤ᩠ᨶᩫᩋ᩠ᨶᩢᨤᩱ᩵ᩉᩨᩢᩁᩰ᩠ᨣ ᩉᩣ᩠ᨿᨤᩯ᩠ᩅᩁᨶ᩠ᨶᩢᩢ ᨣᩢᨩᩩᨠ᩠ᨶᩢᨾᩣᩀᩪ᩵ᩓ᪩ 16ᨣᩭᨲᩯ᩵ᩅᩤ᩵ ᨴ᩠ᨶᩤ᩵ᨧᩮᩣᩢᩢᨶᩦᩢ ᨣᩮ᩠ᨿᩨᨯᩱᩢᨻᩱᨴᩦ᩵ᨠᩱᨤ᩠ᨶᩫ ᩋ᩠ᨶᩢᨷᩢᨾᩦᨤ᩠ᨶᩫᩈᩮᨷᩕᨳ᩠ᨶ᩻ᩣᩀᩪ᩵ ᨤ᩠ᨶᩫᨯ᩠ᨿᩴᨣᩭᨯᩯ᩵᪩
ᩋᩣᨶᩩᨬᩣ᩠ᨲᩉᩨᩢᨴᩰ᩠ᩇᨴᩩᨧ᩠ᨧᩁ᩠ᨲᩥ ᨴ᩠ᨦᩢᩉᩖᩣ᩠ᨿᩓ᩠ᩅᩢᩉᩨᩢᩁᩰ᩠ᨣᨧᩮ᩠ᨷᨡᩱᩢᨠ᩠ᨯᩢᨿᩮ᩠ᨶ 17ᨾᩦᩅ᩠ᨶᩢ ᪑ ᩅᩮᩃᩣᨾᩮ᩠ᩋᩨ᩵ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨯᩱᩢᨴᩮᩈᨶᩣ ᩈ᩠ᨦᩢ᩵ᩈ᩠ᩋᩁᩀᩪ᩵ᨶ᩠ᨶᩢᩢ ᨤ᩠ᨶᩫᨷᩤ᩠ᨶᩢᨤ᩠ᨶᩫᨡ᩠ᩅᨦ᩵ᩋ᩠ᨶᩢᩀᩪ᩵ᨶᩱ ᨾᩮ᩠ᨦᩨ᩵ᨣᩤᩃᩥᩃᩯ᪨ ᨾᩮ᩠ᨦᩨᨿᩩᨴ᪨ ᨾᩮ᩠ᨦᩨᨣᩮ᩠ᨿᩁᩩᩈᩃᩮ᩠ᨾ᪨ ᩋ᩠ᨶᩢᨸᩮ᩠ᨶ ᨹᩣᩁᩥᨪᩯeᩓᩢ ᨣᩕᩪᩋ᩠ᨶᩢᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶ᩠ᨶᩢᩢ ᩅ᩠ᨿᨦᨩᩮᩁᩩᩈᩃᩮ᩠ᨾ ᨶ᩠ᨦᩢ᩵ᩀᩪ᩵ᩁ᩠ᨾᩥᩉ᩠ᨶᩢᩢ ᨣᩢᨾᩦᩀᩪ᩵ᨶ᩠ᩋᨠᨶ᩠ᨶᩢᩢ ᨻᩕᨧᩮᩣᩢᩢ ᨣᩢᨯᩱᩢᩐᩣᩢ ᩁᨴ᩠ᨵᩦᨧᩮᩣᩢᩢᩈᩮᩓ᩠ᩅᩢ ᨠ᩠ᨴᩣᩴᩉᩨᩢᩁᩰ᩠ᨣᨴ᩠ᨦᩢᩉᩖᩣ᩠ᨿ ᩉᩣ᩠ᨿᨤᩯ᩠ᩅᩁ ᨻᩱᩅᩤ᩵ᩋ᩠ᨶᩢᩢᩓ᪩ 18ᨿᩣ᩠ᨾᨶ᩠ᨶᩢᩢ ᨤ᩠ᨶᩫᨩᩮ᩠ᩋᩨᨹ᩠ᩋ᩵ᨦᨡᩮᩣᩢ ᨯᩱᩢᨡ᩠ᨶᩢ᩵ᨧᩱᩐᩣᩢᨤ᩠ᨶᩫ ᨲᩣ᩠ᨿᨹᩣ᩠ᨠᨣᩳᩢ ᪑ ᩉᩣ᩠ᨾᨡᩮᩣᩢᩢᨾᩣᩅᩤ᩠ᨦ ᩈ᩠ᩋ᩵ᨦᩉ᩠ᨶᩣᩢ ᨴ᩠ᨶᩤ᩵ᨧᩮᩣᩢᩢ᪩ 19ᨣᩭᨲᩯ᩵ᩅᩤ᩵ ᨤ᩠ᨶᩫᩉᩖᩣ᩠ᨿᨶ᩠ᨠᩢ ᨷᩢᩉ᩠ᨶᩢᨴ᩠ᨦᩤᨧᩢᨡᩮᩣᩢᩢᨻᩱᨯᩱᩢ ᨡᩮᩣᩢᨧ᩠ᨦᩥ᩵ᨯᩱᩢᨡ᩠ᨶᩨᩢᩉᩮ᩠ᨶᩨᩋ ᩉᩖᨦᩢᨤᩣᩈᩮ ᩐᩣᩢᨾᩩᨦᨾ᩠ᨶᩢᩋ᩠ᩋᨠᩓ᩠ᩅᩢᨯᩱᩢ ᩐᩣᩢᩈᩣ᩠ᨯᨴ᩠ᩋᨯ ᩃ᩠ᨦᩫᨻᩱᨴᩦ᩵ᨠᩣ᩠ᨦᨤ᩠ᨶᩫᨴ᩠ᨦᩢᩉᩖᩣ᩠ᨿ ᩋ᩠ᨶᩢᨾᩦᩈ᩠ᩋ᩵ᨦᩉ᩠ᨶᩣᩢ ᨻᩕᨿᩮ᩵ᨪᩩᨶ᩠ᨶᩢᩢᩓ᪩ 20ᨻᩕᨿᩮ᩵ᨪᩩ ᨣᩢᨯᩱᩢᩉ᩠ᨶᩢ ᨡᩮᩣᩢᨾᩦᨣ᩠ᩅᩣ᩠ᨾ ᨿᩩ᩵ᨾᨿᩣᩴᨸᩮ᩠ᨶᩋ᩠ᨶᩢᩉ᩠ᨯᩢᩉᩣ᩠ᨶᨯ᩠ᨦᩢ᩵ᩋ᩠ᨶᩢᩢ ᨧ᩠ᨦᩥ᩵ᨯᩱᩢᨷ᩠ᩋᨠᨠ᩵ᩣ᩠ᩅᩅᩤ᩵ “ᩈᩉᩣ᩠ᨿ ᨣᩪᨯᩱᩢᩋᨶᩩᨬᩣ᩠ᨲᨸ᩠ᨶᩢᩉᩨᩢᨴᩰ᩠ᩇᨴᩩᨧ᩠ᨧᩁ᩠ᨲᩥ ᩉᩯ᩠ᨦ᩵ᨴ᩠ᨶᩤ᩵ᩓ᩠ᩅᩢᨯᩯ᩵” ᨸ᩠ᨦᩫᩋᩣᨩ᩠ᩅ᩠ᨿᩣᨯ᩠ᨦᩢ᩵ᨶᩦᩢᩓ᩠ᩅᩢ᪩ 21ᨿᩣ᩠ᨾᨶ᩠ᨶᩢᩢ ᨹᩣᩁᩥᨪᩯᩓᩢ ᨩᩪᩋ᩠ᨶᩢᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶ᩠ᨶᩢᩢ “ᨤ᩠ᨶᩫᨹᩪᩢᨶᩦᩢ ᨾ᩠ᨶᩢᨶ᩠ᨠᩧᩅᩤ᩵ ᨸᩮ᩠ᨶᨹᩱᩓᩢ ᨾᩣᨸᩣ᩠ᨠᨧᩣᨷᩕᨾᩣ᩠ᨴᨯ᩠ᨦᩢ᩵ᨶᩦᩢ᪩ ᨾ᩠ᨶᩢᨶ᩠ᨠᩧᩅᩤ᩵ ᨾ᩠ᨶᩢᨸᩮ᩠ᨶᨻᩕᨧᩮᩣᩢᩢᩌᩣᩢ᪩ ᨶ᩠ᩋᨠᨧᩣ᩠ᨠᨻᩕᨧᩮᩣᩢᩢᨲ᩠ᨶᩫᨯ᩠ᨿᩴ ᨷᩢᨩᩣ᩠ᨦ᩵ᩋᨶᩩᨬᩣ᩠ᨲ ᨴᩰ᩠ᩇᨴᩩᨧ᩠ᨧᩁ᩠ᨲᩥ ᨸ᩠ᨶᩢᨹᩱᨯᩱᩢᩓ” ᨶ᩠ᨠᩧᨯ᩠ᨦᩢ᩵ᨶᩦᩢᨣᩢᨾᩦᨯᩯ᩵᪩ 22ᩉᩮ᩠ᨾᩨᩁᨯ᩠ᨦᩢ᩵ᨡᩮᩣᩢ ᨶ᩠ᨠᩧᨤ᩠ᨯᩥᩀᩪ᩵ᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨻᩳᩁᩪᩢᩓ᩠ᩅᩢ ᩓᩢᨠᩣ᩠ᩅ᩵ᩉᩨᩢᨡᩮᩣᩢᩅᩤ᩵ “ᩉᩮ᩠ᨯᩈ᩠ᨦᩢᩓᩢ ᩈᩪᨡᩮᩣᩢᨻᩱᨤ᩠ᨯᩥᩈ᩠ᨶᩢᨶ᩠ᨶᩢᩢᩀᩪ᩵”᪩ 23ᨣ᩠ᨶᩢᨠᩣ᩠ᩅ᩵ᩅᩤ᩵ ᩈᩪᨩᩮ᩠ᩋᩨᩋ᩠ᨶᩢᨾᩦᨴᩰ᩠ᩇᨴᩩᨧ᩠ᨧᩁ᩠ᨲᩥᨶ᩠ᨶᩢᩢ ᨣᩪᩋᨶᩩᨬᩣ᩠ᨲᨸ᩠ᨶᩢᩓ᩠ᩅᩢ᪨ ᩓᩢᩃᩩᨠᩈᩮᩓ᩠ᩅᩢ ᨯᩮ᩠ᨶᩨᨻᩱᨴᩰ᩠ᩋᩡᩅᩤ᩵ᩋ᩠ᨶᩢᩢ ᩋ᩠ᨶᩢᩉᩱ᩠ᨶᨧᩢᨦᩣ᩠ᨿ᩵ᩉ᩠ᨶᩳ᪩ 24ᨲᩯ᩵ᩅᩤ᩵ ᩃᩪᨠᨩᩣ᩠ᨿᨧᩮᩣᩢᩢfᨶᩦᩢ “ᨸ᩠ᨦᩫᩋᩣᨩ᩠ᨬᩣᩅᩤ᩵᪨ ᨣᩪᨧᩢᩉᩮ᩠ᨯᩉᩯ᩠ᨶᩉᩨᩢᩈᩪ ᨴ᩠ᨦᩢᩉᩖᩣ᩠ᨿᨻᩳᨯᩱᩢᩁᩪᩢᩅᩤ᩵ ᨶᩱᩃᩰ᩠ᨠᨶᩦᩢ ᨣᩪᨾᩦᩈ᩠ᩆᩥᩋᩣᩴᨶᩣ᩠ᨧ ᩋᨶᩩᨬᩣ᩠ᨲᨸ᩠ᨶᩢ ᨹᩪᩢᨾᩦᨴᩰ᩠ᩇᨴᩩᨧ᩠ᨧᩁ᩠ᨲᩥ ᨴ᩠ᨦᩢᩈ᩠ᨿᨦᩢᨶ᩠ᨶᩢᩢᩓ᩠ᩅᩢ᪨ ᨠᩣ᩠ᩅ᩵ᩉᩨᩢᨹᩪᩢᩋ᩠ᨶᩢᨲᩣ᩠ᨿᨹᩣ᩠ᨠᨶ᩠ᨶᩢᩢᩅᩤ᩵᪨ ᩃᩩᨠᩓ᪨ ᨠᩮ᩠ᨷᩐᩣᩢᩈᩣ᩠ᨯᨾ᩠ᨦᩨᩈᩮ ᨻ᩠ᩋᨠᨤ᩠ᨶᩥᩁᩮ᩠ᨶᩨᨾ᩠ᨦᩨᩓ” ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢᩓ᪩ 25ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢᩓ᩠ᩅᩢ ᨾ᩠ᨶᩢᨣᩢᩃ᩠ᩅᨯᩃᩩᨠᨡ᩠ᨶᩨᩢ ᨾᩣᨣᩣᩴᨯ᩠ᨿᩴ ᨧᩩᨠᩀᩪ᩵ᨴᩦ᩵ ᩈ᩠ᩋ᩵ᨦᩉ᩠ᨶᩣᩢᨤ᩠ᨶᩫᨴ᩠ᨦᩢᩉᩖᩣ᩠ᨿᩓᩢ ᨠᩮ᩠ᨶᩈᩣ᩠ᨯᩉᩯ᩠ᨦ᩵ ᨾ᩠ᨶᩢᩈᩮᨿ᩠ᨠᩫᨿᩳ ᨣᩩᨱᨻᩕᨧᩮᩣᩢᩢᩓ᩠ᩅᩢ ᨻ᩠ᩋᨠᨻᩱᩁᩮ᩠ᨶᩨ ᨾ᩠ᨶᩢᨤ᩠ᨶᩨᩅᩤ᩵ᩋ᩠ᨶᩢᩢᩓ᪩ 26ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨯᩱᩢᩉ᩠ᨶᩢᨯ᩠ᨦᩢ᩵ᨶᩦᩢᩓ᩠ᩅᩢ ᨣᩢᨸᩮ᩠ᨶᩋ᩠ᨶᩢᨸᩩᩁᨯᩦᩋᩔᨧ᩠ᨶᩢᩓᩢᨠ᩠ᩅᩫᩈ᩠ᨶᩢ᩵ᩓ᩠ᩅᩢᩅᩤ᩵ ᨣᩪᨯᩱᩢᩉ᩠ᨶᩢᨸᩮ᩠ᨶᩋ᩠ᨶᩢᨸᩩᩁᨯᩦ ᩋᩔᨧ᩠ᨶᩢᩉᩮ᩠ᨲᩩᨯ᩠ᨦᩢ᩵ᨶᩦᩢᩓ᩠ᩅᩢᨯᩯ᩵ ᩅᩤ᩵ᨯ᩠ᨦᩢ᩵ᨶᩦᩢᩓ᩠ᩅᩢ ᨣᩢᨯᩱᩢᨿ᩠ᨠᩫᨿᩳ ᨣᩩᨱᨻᩕᨧᩮᩣᩢᩢᩅᩤ᩵ᩋ᩠ᨶᩢᩢᨯᩯ᩵᪩ 27ᨸᩮ᩠ᨶᩉᩮ᩠ᨲᩩᨯ᩠ᨦᩢ᩵ᨶᩦᩢᩓ᩠ᩅᩢ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᩋ᩠ᩋᨠᨻᩱᨧᩣ᩠ᨠ ᨴᩦ᩵ᩉ᩠ᨶᩢᩢᩓ᩠ᩅᩢᩈᩮ ᨯᩱᩢᨻᩱᩉ᩠ᨶᩢ ᨹᩪᩢᨠᩮ᩠ᨷᨡ᩠ᩋ᩵ᩁᨣᩳᩢ ᪑ ᩋ᩠ᨶᩢᨩᩨ᩵ᩅᩤ᩵ᩃᩮᩅᩥg ᨶ᩠ᨦᩢ᩵ᩀᩪ᩵ᨴᩦ᩵ᨶᩱᨪᩩᨾᩢᨶ᩠ᨶᩢᩢ ᨣᩢᨠᩣ᩠ᩅ᩵ᨠᩯ᩵ᨾ᩠ᨶᩢᩅᩤ᩵ ᨾᩣᨩ᩠ᩋᨾᨻᩣ᩠ᨿᩉᩖᨦᩢᨣᩪᨶᩦᩢᩓ ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢ᪩ 28ᨿᩣ᩠ᨾᨶ᩠ᨶᩢᩢ ᩃᩮᩅᩥᨣᩢᨯᩱᩢᩈ᩠ᩃᩡᨻᩯ᩠ᨯ ᩈ᩠ᨦᩥ᩵ᨡ᩠ᩋᨦᩋ᩠ᨶᩢᨾᩦᩅᩱᩢᨴ᩠ᨦᩢᩈ᩠ᨿᨦᩢᨶ᩠ᨶᩢᩢᩓ᩠ᩅᩢ ᨣᩢᨯᩱᩢᨩ᩠ᩋᨾᩉᩖᨦᩢ ᨴ᩠ᨶᩤ᩵ᨧᩮᩣᩢᩢᨻᩱᩅᩤ᩵ᩋ᩠ᨶᩢᩢᨯᩯ᩵᪩ 29ᩅᩣ᩠ᨿᨶ᩠ᨶᩢᩢ ᩃᩮᩅᩥᨣᩢᨯᩱᩢᩉᩮ᩠ᨯ ᨸᩣ᩠ᨦᨻᩭᨠ᩠ᨶᩥᩃ᩠ᨿᨦᩢᩋ᩠ᨶᩢᩉᩱ᩠ᨿ᩵ ᩉᩖᩅ᩠ᨦᨴᩦ᩵ᩁᩮ᩠ᨶᩨᨾ᩠ᨶᩢ ᨯᩱᩢᨡᩣ᩠ᨾ᩵ᨡᩯ᩠ᨠ ᩃ᩠ᨿᨦᩢᨴ᩠ᨶᩤ᩵ᨧᩮᩣᩢᩢᩓᩢᩃᩪᨠ ᨶ᩠ᩋᨦᩢᨴ᩠ᨦᩢᩉᩖᩣ᩠ᨿ ᨤ᩠ᨶᩫᨩᩮ᩠ᩋᩨᩋᩋ᩠ᨶᩢᨠᩮ᩠ᨷᨡ᩠ᩋ᩵ᩁᩓᩢ ᨻᩦ᩵ᨶ᩠ᩋᨦᩢᨡᩯ᩠ᨠᨴ᩠ᨦᩢᩉᩖᩣ᩠ᨿ ᨣᩢᨯᩱᩢᨩᩩᨲᩩᨾᨠ᩠ᨶᩢᨡᩮᩣᩢᩢᨾᩣᨴᩦ᩵ ᨸᩣ᩠ᨦᨻᩭᨠ᩠ᨶᩥᩃ᩠ᨿᨦᩢ ᨻᩣ᩠ᨿᨤ᩵ᩣᩴᩅᩤ᩵ᩋ᩠ᨶᩢᩢᩓ᪩ 30ᨾᩮ᩠ᩋᩨ᩵ᨿᩣ᩠ᨾᨶ᩠ᨶᩢᩢ ᨹᩣᩁᩥᨪᩯᩓᩢ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢᨩᩮ᩠ᩋᩨᨶ᩠ᨶᩢᩢᩅᩤ᩵ᨠᩣ᩠ᩅ᩵ᨴᩦ᩵ ᩃᩪᨠᨶ᩠ᩋᨦᩢᨴ᩠ᨶᩤ᩵ᨧᩮᩣᩢᩢᩅᩤ᩵ ᨼᩰ᩠ᩋᩡᩉᩮ᩠ᨲᩩᨯᩱᩓᩢ ᨯᩱᩢᨾᩣᨠ᩠ᨶᩥᨩ᩠ᩋᨾᨹᩪᩢᨠᩮ᩠ᨷᨡ᩠ᩋ᩵ᩁᨡᩮᩣᩢᩋ᩠ᨶᩢᨾᩦ ᨴᩰ᩠ᩇᨴᩩᨧ᩠ᨧᩁ᩠ᨲᩥ ᨡᩮᩣᩢᨶ᩠ᨶᩢᩢᩓ ᨾᩦᨣ᩠ᩅᩣ᩠ᨾᩈ᩠ᨦᩫᩈᩱᨯ᩠ᨦᩢ᩵ᨶᩦᩢᩀᩪ᩵ᩓ᪩ 31ᨴ᩠ᨶᩤ᩵ᨧᩮᩣᩢᩢ ᨣᩢᨲ᩠ᩋᨷᩅᩤ᩵ “ᨹᩪᩢᩀᩪ᩵ᨯᩦᩀᩪ᩵ᨶ᩠ᨶᩢᩢ ᨷᩢᨲ᩠ᩋᨦᩢ ᨻᩱᩉᩣᩉ᩠ᨾᩳᨿᩣ᪩ ᨹᩪᩢᨧᩮ᩠ᨷᩉᩱ᩠ᨾᩢᨡᩮᩣᩢᨶ᩠ᨶᩢᩢᨣᩭ ᨲ᩠ᩋᨦᩢᨠᩣ᩠ᩁᩉ᩠ᨾᩳᨿᩣ᪩ 32ᨯ᩠ᨦᩢ᩵ᨶᩦᩢᩓ ᨣᩪᨾᩣᨴᩦ᩵ᨶᩦᩢ ᨷᩢᨩᩱ᩵ᨻᩮ᩠ᩋᩨ᩵ᨾᩣᩁ᩠ᩋᨦᩢᩉᩣᩐᩣᩢ ᨹᩪᩢᨴᩦ᩵ᩋ᩠ᨶᩢᨠᩣ᩠ᩅ᩵ᨲ᩠ᩅᩫᨲ᩠ᨶᩫᩅᩤ᩵ ᨹᩪᩢᩈᩨ᩵ᩈᩱᨩ᩠ᩋᨷᨾᩯ᩠ᨶ᩵᪩ ᩋ᩠ᨶᩢᨴᩯ᩠ᨶᨲᩣ᩠ᨦᨶᩦᩢ ᨾᩣᨻᩮ᩠ᩋᩨ᩵ᩁ᩠ᩋᨦᩢᩐᩣᩢ ᨹᩪᩢᩋ᩠ᨶᩢᩁᩪᩢᨧᩢᨲ᩠ᨶᩫᨲ᩠ᩅᩫᩅᩤ᩵ ᨸᩮ᩠ᨶᨹᩪᩢᨾᩦᨴᩰ᩠ᩆᨶ᩠ᨶᩢᩢᩋᩮ᩠ᩋᩨᩢ” ᨸ᩠ᨦᩫᩋᩣᨩ᩠ᨬᩣᨯ᩠ᨦᩢ᩵ᨶᩦᩢᩓ᪩ 33ᨳ᩠ᨯᩢᨶ᩠ᨶᩢᩢ ᨹᩣᩁᩥᨪᩯᩓᩢ ᨣᩕᩪᩉ᩠ᨾᩳᨣᨾ᩠ᨻᩦᨴ᩠ᨦᩢᩉᩖᩣ᩠ᨿ ᨡᩮᩣᩢᨯᩱᩢᨳᩣ᩠ᨾᨴ᩠ᨶᩤ᩵ᨧᩮᩣᩢᩢᩅᩤ᩵ ᨣᩕᩪᨿᩳᩉᩣ᩠ᨶ᩵ᩓᩢ ᩃᩪᨠᨶ᩠ᩋᨦᩢᩉᩯ᩠ᨦ᩵ ᨾ᩠ᨶᩢᨴ᩠ᨦᩢᩉᩖᩣ᩠ᨿ ᨷᩢᩉ᩠ᨦᩨᨷᩢᨶᩣ᩠ᨶᨣᩣᩴᪧ ᨣᩮ᩠ᨿᩨᨯᩱᩢᨷᩕᨳ᩠ᨶ᩻ᩣᩅᩮ᩠ᨶᩢᩋᩣᩉᩣ᩠ᩁᩀᩪ᩵ ᩃᩪᨠᨶ᩠ᩋᨦᩢ ᨹᩣᩁᩥᨪᩯᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨣᩮ᩠ᨿᩨᩅᩮ᩠ᨶᩢᩋᩣᩉᩣ᩠ᩁᩀᩪ᩵᪩ ᩉᩮ᩠ᨾᩨᩁᨠ᩠ᨶᩢ ᨼᩰ᩠ᩋᩡᩉᩮ᩠ᨲᩩᨯᩱᩓᩢᨴ᩠ᨶᩤ᩵ᨧᩮᩣᩢᩢ ᨷᩢᩉᩥᩢᩃᩪᨠ ᨶ᩠ᩋᨦᩢᨴ᩠ᨶᩤ᩵ᨧᩮᩣᩢᩢᩅᩮ᩠ᨶᩢᩋᩣᩉᩣ᩠ᩁ ᨳᩣ᩠ᨾᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 34ᨴ᩠ᨶᩤ᩵ᨧᩮᩣᩢᩢᩅᩤ᩵ “ᨤ᩠ᨶᩫᨩᩮ᩠ᩋᩨᩋ᩠ᨶᩢᨾᩣᨸᩣ᩠ᨦᨡᩯ᩠ᨠ ᨡᩮᩣᩢᨾᩦᨩ᩠ᩋᨾᨧᩮᩣᩢᩢᨷᩤ᩠ᩅ᩵ᩀᩪ᩵ᨶ᩠ᨶᩢᩢ ᩉᩨᩢᨡᩮᩣᩢᩅᩮ᩠ᨶᩢᩋᩣᩉᩣ᩠ᩁ ᨯᩱᩢᩀᩪ᩵ᩌᩣᩢ” ᨹᩱᨷᩢᩋᩣ᩠ᨯᨧᩢᩉᩮ᩠ᨯᨯᩱᩢᩓ᪩ 35ᨣᩭᨲᩯ᩵ᩅᩤ᩵ ᨾᩮ᩠ᩋᩨ᩵ᩅᩮᩃᩣ ᨡᩮᩣᩢᩁ᩠ᩋᨦᩢᨧᩮᩣᩢᩢᨷᩤ᩠ᩅ᩵ᨻᩱ ᨴᩦᩢᨡᩮᩣᩢᩢᨶ᩠ᨶᩢᩢᨡᩮᩣᩢ ᩋᩣ᩠ᨯᨧᩢᨷᩢᨠ᩠ᨶᩥᨷᩢᨿᩣᩴᩢᩈᩮ ᨧᩢᩅᩮ᩠ᨶᩢᩋᩣᩉᩣ᩠ᩁᨯᩱᩢᩀᩪ᩵ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᪩ 36ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢ ᨧ᩠ᨦᩥ᩵ᩉᩯ᩠ᨶᩏᨷᨾᩣᩋ᩠ᨶᩢ ᪑ ᩅᩤ᩵ ᨹᩪᩢᨯᩱᨹᩱᩈᩮᨷᩢᩅᩤ᩵ ᨤ᩠ᩅᩫᨠᩮᩢ᩵ᩣᨶᩦᩢ ᨷᩢᩐᩣᩢᨹᩣᩢᩋ᩠ᨶᩢ ᩉᩱ᩠ᨾ᩵ᨾᩣᨠ᩠ᨷᩩ ᨾᩣᨹᩩᨦ᪩ ᨳᩣᩢᩅᩤ᩵ᩐᩣᩢᨾᩣ ᨠ᩠ᨷᩩᨹᩩᨦᨶ᩠ᨶᩢᩢ ᨹᩣᩢᩋ᩠ᨶᩢᨠᩮᩣᩢ᩵ᨶ᩠ᨶᩢᩢ ᨣᩢᨧᩢᨽ᩠ᨦᩢᩢᨻᩱᨳᩯ᩠ᨦᩢᨯᩯ᩵᪩ 37ᨶᩣᩴᩢᩉ᩠ᨾᩣ᩠ᨠᩋ᩠ᨯᩦᩋ᩠ᨶᩢ ᩉᩱ᩠ᨾ᩵ᨶ᩠ᨶᩢᩢᨹᩱᨣᩢᨷᩢᩐᩣᩢᨾᩣᩈᩱ᩵ᨶᩱᨳ᩠ᨦᩫ ᩉ᩠ᨶᩢᨦᩋ᩠ᨶᩢᨠᩮᩢ᩵ᩣ᪩ ᨳᩣᩢᩅᩤ᩵ᩈᩱ᩵ᨣᩢᨧᩢᨸ᩠ᩋ᩵ᨦᩉ᩠ᨿᩫᨠ ᨻᩱᨣᩭᩓ᪩ 38ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨶᩣᩴᩢᩉ᩠ᨾᩣ᩠ᨠᩋ᩠ᨯᩦᩋ᩠ᨶᩢᩉᩱ᩠ᨾ᩵ᨶ᩠ᨶᩢᩢ ᨣᩢᨲ᩠ᩋᨦᩢᨯᩱᩢᩐᩣᩢᩈᩱ᩵ᨶᩱᨳ᩠ᨦᩫ ᩉ᩠ᨶᩢᨦ ᩋ᩠ᨶᩢᩉᩱ᩠ᨾ᩵ᨶ᩠ᨶᩢᩢᨣᩭᨯᩯ᩵᪩ 39ᨳᩣᩢᩅᩤ᩵ᨹᩪᩢᨯᩱᩓᩢ ᨯᩱᩢᨠ᩠ᨶᩥᨶᩣᩴᩢᩉ᩠ᨾᩣ᩠ᨠᩋ᩠ᨯᩦᩋ᩠ᨶᩢᨠᩮᩢ᩵ᩣᨶ᩠ᨶᩢᩢ ᨣᩢᩅᩤ᩵ᨯᩦᩈᩮᩓ᩠ᩅᩢ ᨣᩢᨤᩱ᩵ᨠ᩠ᨶᩥ ᨶᩣᩴᩢᩉ᩠ᨾᩣ᩠ᨠᩋ᩠ᨯᩦ ᩋ᩠ᨶᩢᨠᩮᩢ᩵ᩣᨶ᩠ᨶᩢᩢᨣᩭ ᨶᩣᩴᩢᩉ᩠ᨾᩣ᩠ᨠᩋ᩠ᨯᩦᩋ᩠ᨶᩢᩉᩱ᩠ᨾ᩵ᨶ᩠ᨶᩢᩢ ᨹᩱᨣᩢᨷᩢᨤᩱ᩵ᨠ᩠ᨶᩥᩓ ᨸ᩠ᨦᩫᩋᩣᨩ᩠ᩅ᩠ᨿᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
Currently Selected:
Luke 5: ktpv-rv
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.